මනෝගේ චාරිකාව…

මනෝ කියන්නේ අ‍පේ ඔෆිස් එකේ ඉන්න ඩ්‍රයිවර් කෙනෙක්. මනුස්සයා හැම තිස්සෙම ජොලියෙන් ඉන්න, අනිත් එවුන්ව අවුස්සන්න එක එක ඒවා කියන පොරක්. මෑන් දෙමළ. මේ ටිකේ බුවා කියන්නේ… “ප්‍රභාකරන් අවුරුදු 30ක් ඇද්දා යුද්දේ… ඔන්න බලපං තව මාසෙකින් නැගිටින අපේ එවුන් මාස තුනෙන් දෙනවා ලංකාවට” කියලා. ඕක අහන සිංහල එවුන්ට ඉතිං කියන්න දෙයක් නෑනේ මල පනින හැටි ගැන.

මොනා වුනත් මිනිහා කොටි හිතවාදියෙක් නම් නෙවෙයි. මොනා කිය කිය සිංහල අපිව ඇවිස්සුවත් දෙමළුන්ගෙන් සැරටම බකට් එක කාපු පවුලක එක පුතෙක්. ඒක නිසා මනෝ සිරියස් කතාවකදී නම් කොටින්ට බනිනවා ඇඩෙන්නම. කොටින්ම මූ අපිත් එක්ක සිංහලෙන් බැන බැන ඉන්න ගමන් උපරිමේට මල පැන්නම දෙමළෙන් බනින්නේ… අපිට ඒවා තේරෙන්නේ නෑනේ. එතකොට අපි අහනවා… මොකද්ද මනෝ ඒ කිව්වේ… කියලා. බුවාගේ කේන්ති වැඩි කමට ඒකට උත්තර දෙන්නෙත් දෙමලෙන්. ඒ වෙලාවට මිනිහාට මතක නෑ අපිට දෙමළ බෑ කියලා.

ඉතිං සිංහල අපිට වගේම තමා. මනෝ දෙමළ වුනා කියලා ගෙදර කාන්තා අදිපත්‍යයෙන් නම් මනෝට බේරෙන්න හම්බුවෙන්නේ නෑලු. වයිෆ් කියන විදියට ඉඳියේ නැත්තං රෑට කන්න වෙන්නේ කඩෙන්ලු. අපි එක එක ජාතීන්ට විරුද්ධව නැගීසිටියට, ගහමරා ගත්තට මනෝ නම් කියන්නේ අපි මුලින්ම ගෙවල් වල ගෑණුන්ට විරුද්ධව එකතු වෙලා සටන් කරන්න ඕනේ කියලා. මං දන්නවා… බැඳපු අයියලත් එක පයින් සපෝට් එක දෙනවා කියලා  ඒ යෝජනාවට . 😉

දවසක්දා මනෝගේ වයිෆ් මනෝට කියනවලු…

trip

trip

මනෝනෝනෝ…. අපි ට්‍රිප් එකක් ගියෙත් නෑනේ කාලෙකින්. අපි කොහෙහරි යමුද… කියලා? මනෝගේ වයිෆ් “කාලෙකින්” කියලා කියන්නේ මනෝ කියන විදියටනම් සති දෙකකට වරක් එන කාලයක්..

දැන් ඉතිං මනෝත් දන්නවනේ සීන් එක. බෑ කිව්වොත් එහෙම කෑම නෑ… එක්කෝ බුදියන්න වෙන්නේ පිලේ. ඉතිං බුවාත් හොඳට කල්පනා කරලා බලලා කිවුවලු…

හ්ම්… එහෙනම් ලබන සෙනසුරාදා යමුකෝ නුවරඑළි කියලා.

වයිෆ්ට හරි සන්තෝසයිලු. ඇයි ඉතිං නුවරඑළි ගිහිං හීතලේ එව්වා මෙව්වා කරන්න පුළුවන්නේ. ඒත් දැන් අර රේස් මූවි එකේ වගේ තමා, වයිෆ් හිතාගෙන ඉන්නේ වයිෆ් තමා රේස් එක කන්ට්‍රෝල් කරන්නේ කියලා. ඒත් අපේ මනෝ… බුවා තමා බුවා.

මූ ගානට සෙනසුරාදම වැඩේට සෙට් කරගෙන තියෙන්නේ, එදාටම ලොක්කෝ තුන් දෙනෙකුත් එක්ක නුවරඑළියේ ෆීල්ඩ් ට්‍රිප් එකක් යන්න තිබිලා තියෙන නිසා.

ඉතිං සිකුරාදා හවස තුනට විතර, හෙට ෆීල්ඩ් ට්‍රිප් එක යන්න ඉන්න බොස් කෙනෙක් ගාවට ගිහිං කියනවලු, “සර් පොඩි හදිස්සියක් වෙලා සර්, මට හෙට එන්න වෙන්නේ නෑ සර්.” කියලා. ඉතිං බොසුත් ඇහුවලු ඇයි මනෝ මොකද්ද ප්‍රශ්නේ කියලා. බුවාත් කියනවලු… “සර් ලඟම නෑදෑයෙක් අන්ත්‍රා වෙලා සර්… මඩකලපුවේ සර්…. අද රෑම  පිටත් වෙන්න ඉන්නේ සර්.” කියලා. ඉතිං බොස්ටත් දුක හිතිලා… හරි ‍මනෝ… ඔයා යන්න අපි වෙන කෙනෙක්ව සෙට් කරගන්නම්… ආ… මේකත් තියාගන්න මග වියදමට එහෙම ඕනේ වෙයිනේ… කියලා රුපියල් පන්දාහකුත් දුන්නලු.

දැන් ඉතිං මනෝ ආවලු සිකුරාදා කලින්ම ගෙදර ඇවිල්ලා, ඔ‍ෆිස් එකට කියපු බොරුවත් කියලා එහෙම ඔන්න වයිෆ්ට ඇඳුම් එහෙම ලෑස්ති කරන්න කියලා බුවාත් ඇඳුම් එහෙම ලෑස්ති කරගෙන ඊලඟ දවසේ පාන්දරම මනෝගේ පොඩි කාර් එකෙන්ම නුවරඑළි යන්න පිටත් වුනාලු. දැන් උදේ කෑම කන්න ලෑස්ති කරගෙන තියෙන්නේ මනෝලා ඔෆිස් එකෙන් නුවරඑළි ගියාම ආප්ප, ලැවරිය වගේ ගමේ කෑම කන පොඩි කඩයකලු.

මොකද…. ‍මනෝ දන්නවා, අර ඔෆිස් එකේ බොස්ලා තුන් දෙනාත් සාමාන්‍යයෙන් ඒ වෙලාවට එතෙන්ට එනවා කියලා. දැන් මොකක් වෙයිද…? ඒක තමයි ත්‍රාසජනකම කොටස.

?

?

ඔන්න ඉතිං දැන් මනෝ කපල් එක කෑම කද්දී මනෝගේ ප්ලෑන් එකේ හැටියටම බොස්ලා තුන්දෙනා වාහනේ නවත්තලා එනවලු කෑම කන්න. ආපු ගමන් මනෝව දැක්කා බොස්ලා හොල්මන් වෙලාලු. මඩකලපුවේ මළගෙයක් කියපු මිනිහා මෙන්න වයිෆ් එක්ක නුවරඑළියේ ඇවිත්…! පස්සේ ඉතිං දැන් මනෝ බලන් ඉන්නේ බෝස්ලා තුන්දෙනා මනෝ ගාවට ඇවිත් බනියි කියලලු. ඒත් ඉතිං බොස්ලා වෙන තැනකින් වාඩි වුනාලු. පස්සේ මනෝත් වයිෆ්ව එකක්න ගියාලු ලඟට. නැත්තං ඉතිං හොඳ නෑනේ.

ඒ ගියාමත් මනෝ දැන් මනෝ බලන් ඉන්නවලු බොරු කියලා නිවාඩු ගත්තට බොස්ලා බනියි කියලා. ම්හු…. බනින පාටක් නෑලු. පස්සේ මනෝ, එයාගේ වයිෆ්ව අඳුන්නලා දුන්නලු. “ස… සර්… ම්… ම්.. මේහ් මගේ වයිෆ්” කියලා ටිකක් බයාදු ගතියෙන්. බොස්ලත්… හරි හරි මනෝ… පරිස්සමින් ගමන යන්නකෝ… බිල ගෙව්වද…? කියලා එහෙම අහලා බිලත් ගෙවලා දැම්මලු.

දැන් මූට හෙන අප්සට්ලු. මොකද මූ ප්ලෑන් කරං ඉඳලා තියෙන්නේ වයිෆ් ඉස්සරහ බොස් බැන්නම, වයිෆ් ආයේ බොස්ලට බොරු කියලා, අහේ මෙහේ යන්න කතාකරන එකක් නැති වෙයි කියලලු.  එත් ප්ලෑන් එක අසාර්ථකයිලු. දැන් ඉතිං බුවා නුවරඑළියේ කාර් එකේ යන ගමන් මුගේ ප්ලෑන් බී ක්‍රියාත්මක කරන්න හදද්දිම… වයිෆ්… කියනවලු…

“මේහ්… මට නම් ඇල්ලුවේ නෑ බොස් ඒ කරපු දේ. බොරු කියලා ආවා කියලා දැන දැනත් ඔයාට වචනයක්වත් නොකියා, අපේ බිලත් ගෙවපු එක. සඳුදට ඔයාට අස්වෙන්න කියයිද දන්නේ නෑ‍ නේද…” කියලා.

“හුම්… ඒක තමා මාත් හිතුවේ… බලන්නකෝ ඔයා කරන වැඩනේ. දැන් ඉතිං රස්සාව නැති වුනොත් වහකන්න තමා වෙන්නේ.” කියලා මනෝත් දෙනවලු ලස්සනට. මොකද බුවාට හෙන හැපිලු මිනිහා ක්‍රියාත්මක කරන්න හිටිය ප්ලෑන් බී බුවාට කලින් වයිෆ්ම ක්‍රියාත්මක කිරීම ගැන. 😀

“හරි… හරි… එහෙනම් ඉතිං මීට පස්සේ දිග නිවාඩුවක් ලැබුනම විතරක් කොහෙහරි යමුකෝ…” කියලා වයිෆ් කියද්දි මනෝට තවත් හැපිලු. කොහොම හරි ප්ලෑන් එක වැඩ කරානේ කියලා. දැන් ඉතිං සල්ලිත් ඉතුරුයි, බොරු කියන්න ඕනෙත් නෑනේ කියලා. ඒත් පොඩි කේස් එකක්ලු… මනෝට පොඩ්ඩක් අප්සට්ලු බොස්ලා බැන්නේ නැති එක ගැන. ඇත්තටම සඳුදට මිනිහාව අස්කරයිද දන්නේ නෑනේ.

පස්සේ ඔන්න සඳුද ඔ‍ෆිස් ගිහිං මනෝ ගියාලු සිකුරාදා නිවාඩුව අනුමත කරලා, සෙනසුරාදා මනෝගේ  බිල ගෙවපු බොස්ව බැහැදකින්න.

ආහ්… එන්න මනෝ… එන්න… කොහොමද මළගෙදර වැඩ ටික කෙරුනද…? රුපියල් පන්දාහ ඇතිවුනාද…?

අනේ… සර්… සොරි සර්…

හරි හරි… ගනන් ගන්න එපා පුතා… අපි තුන්දෙනාත් එදා ෆීල්ඩ් ට්‍රිප් එක ගියේ වයිෆ්ලට නුවරඑළියේ මළගෙයක් කියලා.  –at බලාගෙන යද්දි හැම බොස් කෙනෙක්ගෙම ගෙදර බොස් වයිෆ්නේ…

Advertisements

31 Responses to “මනෝගේ චාරිකාව…”

  1. arunishapiro Says:

    ඉවර වෙනකම්ම හිතුනේ නෑ එහෙම ඉවර වෙයි කියලා .. නියමයි!!!!!!!

    • Gold fish Says:

      හ්ම්… මාර විදියට ගේම ගහලා තියෙන්නේ. කොහොමහරි මනෝ දිනුම්.

  2. අකීකරුහිත Says:

    ඔන්න කට්ටිය ට්‍රිප් යන හැටි….

  3. Praසන්ன Says:

    මේව තනිකරම පුරුෂ හිමිකම් උල්ලංඝනය කිරීම්.

  4. රූ Says:

    බොහෝ දේ ලියන්නට ඇති මුත් මේ වගේ පෝස්ටුවලට කෙමෙන්ටු දැමීමෙන් ඇති භයානක බව දැන නිහඬව හිදිමි..!!:D

  5. හරී Says:

    හැමගෙදරම ඔහොමලුද බන්.. ඉස්සරහට වත් තත්වය වෙනස් වෙන පාටක් නැද්ද? 😀

    • Gold fish Says:

      හ්ම්… ඒ වගේ තමා බං. අපිට යන කලදසාව මොකද්ද නේද… 😀

  6. hasithag Says:

    ඒ කියන්නේ ඔක්කොම එකම සංගමේ අය 😀

  7. මඩිස්සලේ නිශාන් Says:

    හික්ස්

  8. Dilan Thivanka Says:

    ^_^ මරු බෝස්ල ටික ආ

  9. kathandarakaraya Says:

    හොරුන් ගේ බොසාලාත් හොරු ද?

    හොරුන් ගේ ගෝලයෝත් හොරුද?

  10. henryblogwalker Says:

    No comment.

  11. praveena Says:

    මම නම් හිතුවේම ලොක්කෝ ටික හිතන්ට ඇත්තේ මනෝ වෙන කාත් එක්ක හරි හොර ගමනක් ගියා කියලා. 🙂

    • Gold fish Says:

      නෑනේ… සාමාන්‍යයෙන් එකිනෙකාගේ වයිෆ්ලාව දන්නවා. ගෙට් වලදී, අවුරුදු උත්සව වලදී එහෙම සෙට් වෙනවනේ.

  12. MUHUDU Says:

    අධ්‍යාපනික අතින් බොහොම වැදගත් පොස්ටුවක්! 🙂

  13. sarath Lankapriya Says:

    ඔවුව දන් දෑන්ම ඉගෙන ගන්න එක හොඳයි .. එතකොට බිසවුන්නාන්සෙ නීති දානකොට කලබල නොවී කීකරු වෙන්න පුලුවන්..

  14. රාජ් Says:

    ඉස්සරහට ඕව උඹේම ඇස්වලින් දැකගන්න ලැබේවි.

  15. magenama Says:

    ඒ දැං එතකොට ඒ බොස්ලා 3දෙනාම පිරිමි නේද?ඒ 3දෙනා විතරයි නේද ගිහින් තියෙන්නෙත්?සෙකට්‍රි කෙනෙක්වත් ගිහින් නෑ.ඔය බොස් ගාවට වැඩිය යන්න එපා.

  16. Naleen Dilruksha Says:

    ලබන්නා වූ අලුත් අවුරුද්ද ඔබ ට පවුලේ සැමට වාසනාව ගෙනේවා…..
    මම සමකය වටේ ලියන නලින්


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: