නිල් තණකොල පිට්ටනියක්

පුංචි කාලේදී දකින අහස

පුංචි කාලේදී දකින අහස

ඉස්සර ඉඳන්ම අපි හැමෝම අහසට ගොඩක් ආදරය කලා. වැඩියෙන්ම හඳට. ඊට පස්සේ තරු වලට. ඒවා තමන් විසින්ම එළිය විහිදුවන තරු වුනත්, නැත්තං අනුන්ගේ එළියක් පරාවර්තනය කරන ග්‍රහලෝක වුනත්… ඒ හැමදෙයක්ම අපිට තරු. ඒ ඉතිං රෑටනේ… දවල්ට එලිය තියෙන වෙලාවට සුදුපාට පුළුං වගේ වලාකුලුවලට. ඊට පස්සේ නැගෙනහිරින් නැගගෙන එන ඉරට… හවස් වෙද්දි තැඹිලි පාටට බැහැගෙන ඉරට. ම්… එහෙම බැළුවොත් අපි මුළු අහසටම ආදරේ කරලා…!

පුංචිම කාලේ අම්මලා තාත්තලා අපිට අහස දිහා බලාගෙන තරු වලට ඇඟිල්ල දික් කර කර කතා කියලා දුන්නා. ඒවා ගොඩක්ම සුරංගනා කතා. එක එක විදියේ ඒවා… දැන් තියෙන චිත්‍රපටිවල වගේ ඒ කතාවල කුමාරයා හැම තිස්සෙම කුමාරිකාව එක්ක සතුටින් දිවිගෙව්වේ නෑ… එයාලා දැන් වගේ අහස තරම් ආදරේ කලාද දන්නේ නෑ… ඒත් එයාලට එක එක දේවල් වුනා. මතක නෑ අප්පා දැන්….!

ඉතිං කොහොමහරි අපිට වඩා පරම්පරා ගානක් එපිට අයත් අහසට ආදරේ කලා. එයාලා අහසට වැන්දා. අහස දෙවිකෙනෙක් වගේ සැලකුවා. ඒ වගේම අහසට විවිධ අර්ථකථන දුන්නා. අපි නොදන්නවා වුනාට වෙලාවකට වලාකුළු වලින් පිරෙන, වෙලාවකට හිස් වෙන මේ අහස දැනට වැඩිය ඉස්සර ගොඩක් කාර්යබහුල වෙන්න ඇති. දැන් වගේ චන්ද්‍රිකා, ගුවන් යානා, ගුවන් නැවතුම් පොලවල්… අභ්‍යවකාශ සුන්බුන්  නැතිවුනාට දැන් හොයාගන්නවත් නැති පක්ෂීන් විසින් අහස වර්ණවත් කරන්න ඇති.

දැන් අපි අහස අඳුරන්නේ රතු වැහි, කොල වැහි, නිල් වැහි… කහ වැහි වහින, පියාඹන පීරිසි කැරකෙන, උල්කාපාත වැටෙන නපුරු අහසක් කියලා…!

ඒත් ඉස්සර අපි අහස අඳුන ගත්තේ බොහෝම සරල විදියට, හරිම ලස්සනට…

සමන් පිච්ච මල් ඉහිරුණ...

සමන් පිච්ච මල් ඉහිරුණ…

සමන් පිච්ච මල් ඉහිරුණු – නිල් තණකොල පිට්ටනියක්

වගෙයි අහස අන්න බලන් – කොච්චර ලස්සනද රෑට

30 Responses to “නිල් තණකොල පිට්ටනියක්”

  1. praveena Says:

    තණකොළ පිට්ටනි කොළ පාටයි නේද? 😀

  2. මාඩා Says:

    මොකෝ මචං මේ දරුවට කියාදෙන්න දැන්ම ළමා ගී පාඩම් කරනවද??

  3. Harshana Adikari (රජා) Says:

    ඉස්සර මම ආසම කවියක්…

    සුභ වේවා!!! රාජ සම්පත් ලැබේවා!!!

  4. රූ Says:

    මටත් මේ කවිය ආයෙත් මතක් වුනා..ආනන්ද රාජකරුණා නේද ලියලා තියෙන්නේ?

  5. luckywicks Says:

    මල්ලියෙ, මේ කමෙන්ට් මොඩරේෂන් අයින් කරන්න බැරිද? 😀

  6. henryblogwalker Says:

    මාත් ආසයි නිල තණකොල දකින්න. ඇයි නිල් වරලස.

  7. arunishapiro Says:

    මට නම් තාමත් අහස දිහා බලන්නෙ (look) සරල විදියට දකින්නයි (see).

    කොච්චර කුණාටු ආවත් සුනාමි ආවත් අහසයි මුහුදයි දිහා බලාගෙන ඉඳලා රස විඳින්න හැකි ස්වභාව ධර්මයේ තෑග්ග ඉති සිතින් බාරගන්නවා.

  8. DDT Says:

    ඉස්සර තුන වසරෙද දෙක වසරෙද සිංහල පොතෙත් තිබුන වගේ මතකයි ‘දිලිහි දිලිහි ආකාසේ බබලන මල් තාරකා‘ වගේ කවියක්. දැන් හරියටම මතක නෑ.

    හොඳ වෙලාවට උඹ නිල් ත‘න‘කොළ හරියට ලියල. මම විශේෂයෙන් ඒක බලල ආවෙ මෙතන කතාවක් ඇදබාන්න.

  9. Dilan Thivanka Says:

    මං ඉස්සර රෑට අපේ වහලේ උඩට නැගල පැය ගනං අහස දිහා බලන් ඉන්නව.බහින්නේ අම්ම නිදා ගන්න ලෑස්ති වෙලා අඩගහනකොට.මට අහස දිහා එළිවෙනකන් උනත් බලන් ඉන්න පුලුවන්

  10. මඩිස්සලේ නිශාන් Says:

    මිනිස්සු වෙනස් එකේ අහස මොකක්ද? ඒ වගේම එකේ අනිත් පැත්තත් එහෙමමයි.


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: