ගේ සීන් එක …

ගේ සීන් එක...

ගේ සීන් එක…

ඒක මහ අලුගුත්තේරු සඳුදා දවසක්. උදේ පාන්දරම වහින්න ගත්තා. ඊලඟට පාරේ හරියකට යන්න බෑ සිග්නල් ලයිට් පත්තු වෙද්දී, පොලිස් කාරයො අත පය විසික් කරනවා. හ්ම්…. පැහැදිලි කාලගුණයක් තියෙන වෙලාවකනම් පොලිස් කාරයෝ යෙදෙව්වත් කමක් නෑ දුරට පේනවා, විසිල් එකත් ඇහෙන නිසා. ඒත් වැස්ස දාට…. නොතෙමෙන්න දාන කළු කබාය දාගත්තම වීදුරු වලට වතුර අස්සෙන් පේන්නේ හරියට හොල්මන් වගේ. හරියකට විසිල් සද්දෙවත් ඇහෙන්නේ නෑ…

බාගෙට නාගෙන කොහොම හරි ඔෆිස් එකට ගියා. කුඩේ තිබුනට දිගාරින්න ම්මැලියි… ඒ හැටි…! උපන් ගති යවන්න පුළුවන් කාටද. පස්සෙ ඉතිං කෑම කාලා දවසේ වැඩ පටන් ගන්න ලෑස්ති වෙද්දි… “බෑ  අප්පා අද වැඩ කරන්න. වැස්ස හින්දා වැඩ ඔක්කොම කල් දානවා. මේ හීතලේ මොන වැඩද. එක්කෝ හදිස්සි වැඩ ටික විතරක් කරලා දානවා. “ වගේ ධනාත්මක සිතුවිලි ගොඩයි හිත ඇතුලේ. ඒ ඔක්කොම එක්ක පටන් ගත්තා වැඩටික.

ටික වෙලාවක් යද්දි උණු දුම් දාන තේ එක එනවා. ම්… ඒක තමා මේ හීතලට හොඳටම ගැලපෙන දේ. ටික වෙලාවක් යද්දි ඔෆිස් එකේ කෙනෙක් ආවා, ගෙයක් විකුණන්න ඇඩ් එකක් පත්තරේ දාගන්න ඕනේ… ඒ විස්තර ටික හොයලා දෙන්න කියගෙන. ඔය වගේ අනුන්ගේ වැඩ තමා වැහි දවස් වලට තිතටම කරන්න පුළුවන්. ඉතිං ඒ බුවාව ලඟ පුටුවකින් වාඩිකරවගෙන  මෑන්ට ඕනේ විස්තර ටික හොයනවා. ඔෆිස් එකට ලඟින්ම තියෙන දැන්වීම් බාර ගන්න ස්ථානය. දැන්වීමට අයකරන ගාස්තුව…. අරකද මේකද හැම එකම… අන්න ඒ වෙලාවට හිතෙනවා තමන්ගේ වැඩක් කරගෙන හිටියනම් හොඳයි නේද කියලා.

ඉතිං ඔහොම ගිහිං ගිහිං දැන්වීම පත්තරේ දාන්න කලින් ඒක හරියට සකස් කරලා… වචන පහලොව ගානට සෙට් කරලා දෙන එක සෙට් වුනෙත් මට. පස්සේ ඉති අනවශ්‍ය කෑලි ඉවත් කරලා දැන්වීම හැදුවා. ඔක්කොම ඉවර කරලා දැන්වීම යැව්වා පියන් කෙනෙක් අතේ දැන්වීම් භාරගන්න තැනට. ලබන ඉරිදා පත්තරේට.

ගේ විකිණුවද දන්නේ නෑ...

ගේ විකිණුවද දන්නේ නෑ…

ඔන්න ඉතිං ඉරිදා පහුවෙලා සඳුදා වුනා. ගෙයි දැන්වීම පත්තරේ වැටිලා. අර බුවාට හරි හැපී. හැබැයි වැඩි වෙලාවක් තිබුනේ නෑ… මෑන්ගේ මූනට හම්බුවෙන හම්බුවෙන කෙනා මිනිහාගෙන් අහනවලු… කොහොමද බං දැන් ගේ සීන් එක…. / ගේ සීන් එකට මොකද වුනේ බං… / ගේ කේස් එකට කෝල්ස් ආවද මචං….

දැන් තියෙන තත්ත්වෙ උඩ ගේ විකුණුවද කියලවත් අහන්න බෑ… ගේ සීන් එක එච්චරටම දරුණුවට ගිහිං… මට නිකමට හිතුනා සඳුදා උදේම වැඩ හබක් වීගෙන එනකොට මේ සතියම අපි හැමෝටම සුභ සතියක් වෙනවා කියලා… දැන් බුවාට ගේ මතක් වෙද්දි තද වෙනවා. සමහරවිට ගේ සීන් එක නවත්තලා දාවි…! – at මුළු සතියම ඉතිං හරි ජොලි අපිට…!!!

30 Responses to “ගේ සීන් එක …”

  1. wicharaka විචාරක Says:

    ඇයි ඔය සමහරු කියන්නේ ‘ගේම’ දෙන්ඩ යනවා, ‘ගේම’ ඉල්ලනවා කියලා. ඉතින් මුළු ගේම දුන්නම ඒ ගෙදර හිටිය අය ඊටපස්සේ ඉන්නේ කොහෙද? ගේම ඉල්ලන්නේ ඒ ගෙදර අයට යන එන මං නැතිවෙන බව නොදැනද? :D :D

  2. Praසන්ன Says:

    අයියෝ මාර ගේ සීන් එකක්නෙ.

  3. මාඩා Says:

    ඔෆීස් එකේ මොන අලුගුත්තේරු වැඩක් සිද්ද වුනත් එයින් 10 න් 8 කටම මේ මාලුවා ඇති.. (ඉතුරු දෙක වෙන්නේ මාලුවට) :D :D

  4. කෙෂාන් විදුරංග Says:

    ගේ සීන්… >.< @#$%^&*

  5. දූපත් Says:

    මල්ලී අපේ බහුතරයක් උප්පත්තියෙන්ම “ගේ”.
    උදා:- අලුත්ගේ”, එගොඩගේ”, මුදියන්සේලාගේ”, ආරච්චිලාගේ”. “ගේ” ලා ගොඩයි.
    උබත් ගේ කෙනෙක් වෙන්න බැරි නෑ.

    • Gold fish Says:

      නෑ නෑ අම්මෝ මං නම් ගේ නෙවෙයි…

      • කෙෂාන් විදුරංග Says:

        ඇයි ලියන“ගේ“ ???

  6. Dilan Thivanka Says:

    moකක්ද යකෝ මේ සීන්එක ?

  7. මඩිස්සලේ නිශාන් Says:

    ලොල් කාලෙකට පස්සේ කුජීත කතාවක් ලිව්වා නේද?.

  8. henryblogwalker Says:

    උඹේ ගේ සීන් මේකෙ දාන්නෙ නැද්ද?

  9. praveena Says:

    මමත් දන්න ‘ගේ’ යාලුවෝ ඉන්නවා නේද කියලා තේරුනේ මේ පෝස්ට් එක දැක්කට පස්සේ… :-)

    • Gold fish Says:

      ගේ ඇමතිවරුත් ඉන්නවා…

      • DDT Says:

        ඇමතිගෙ ගේ‍ ඇමති ඉන්නෙ නැතුව අපි ඉන්නයෑ බං. වෙඩි කන කතා කියන්නෙපා. :)

      • Gold fish Says:

        හික්ස්…

  10. DDT Says:

    උඹත් එහෙනම් හෙමි හෙමීට ගේ සීන් එකට උදව් කළා. ෂික් … මේ මාළුව, නරක සමනළයා. :D :D

  11. රූ Says:

    :)
    දැන්වීම් දමද්දී මාළුවාගෙන් උදව් ගැනීම භයානකය..මේ ප්‍රවෘත්තිය ඔපිසිය වටේ ගිනි තිබ්බේ මාළුවා නේද?

  12. මධුරංග Says:

    අම්මාපල්ල මු ගේ…… !!!! :)

  13. arunishapiro Says:

    කවුදෝ කොතැනක හරි කියලා තිබ්බා මිනිස්සු ඇඳුම් අඳින්නේ සමාජයේ උවමනාවට කියල .. බලාගෙන යද්දී කාලගුණය නිසාත් ඇඳුම් (නොතෙමෙන්න දාන කළු කබාය) අඳිනවා නේද? :D

    • Gold fish Says:

      මුලින් කතාවට මං එකඟයි… ඒක එහෙමම තමා.

      • arunishapiro Says:

        ලංකාවේ ඉන්න අයට තමයි එහෙම පේන්නෙ මාළුවෝ. මේ පැත්තෙ සීතල දවසක සමාජයේ උවමනාවට නෙමෙයි ඇඳුම් අඳින්නෙ. නැත්නම් හයිපොතර්මියා හැදිලා මැරෙන නිසා!


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. Log Out / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. Log Out / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. Log Out / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. Log Out / වෙනස් කරන්න )

%d bloggers like this: