ඩබල්….

ඩබල් කිව්වම ගොඩක් දේවල් මතක් වෙනවා. එක එක වයස් සීමාවන් වලිදී එක එක ඒවා. පුංචිම කාලෙදි ඩබල් රූල්… ඒ දවස් වල රතු ඉරි දෙක මැද්දේ හරියට අකුරක් ලියාගන්න බැරි වුනාට… ඊට පස්සේ ටික ටික කට්ටිය නෝටි වෙද්දි ඩබල් ගේම් වෙනවා… ඔය අස්සෙන් හිමීට හිමීට ඔලුව දානවා ඩබල් මීනින්ග්…!

ඩබල් මීනින්ග් නැත්තං ද්විත්ව තේරුම් දෙන වචන ගොඩක් සිංහල භාෂාවේ තිබුනත්, වැඩි හරියක්ම අර්ථය වෙනස් කරන්නේ වචනය උච්චාරණය කරන ටෝන් එකෙන් හරි ඉස්සරහට හෝ පස්සට යොදන උපකාරක පද වලින් හෝ තමා. ඒ වගේම අපි අතරත් තේරෙන්න නොතේරෙන්න යම්කිසි සම්මත වචන සෙට් එකක් නිතර දෙවේලේ භාවිත වෙනවා.

හිතන්නකෝ…. “කෑල්ල“ කියන වචනය. සාමාන්‍ය සිංහල භාෂාවේදි කෑල්ල කියන්නේ යම් කිසි දෙයක කොටසක් යන අර්ථය දෙන්න. ඒත් කවුරු හරි කෙනෙක්  “කෑල්ල“ කියන වචනය ඉස්සර  “ලස්සන“ කියන වචනය දැම්ම ගමන් වචනයේ තේරුම තනිකරම වෙනස් වෙනවා. ඒක එතනින් එහාට තව දුරටත් කෑල්ලක් නෙමෙයි… සම්පූර්ණ එකක් වෙනවා. සම්පූර්ණ කියන්නේ අංග සම්පූර්ණ එකක් වෙනවා නිකංම…..!!!

ඒක සැර වැඩිනම් “බඩු“ කියන වචනය හිතන්නකෝ…. සිංහල තේරුම් කීයක් තියෙනවද….!!!

ද්විත්ව තේරුම් දෙන වචන ගැන ගොඩක් කියන්න ඕනේ නැහැනේ.  හැම කෙනෙක්ම දන්නවානේ. ඒ වගේම තවත් මහ අමුතු වචන ජාතියකුත් තියෙනවා. ඒවට කියන නමක් නම් සිංහල හෝඩියේ තියෙනවද කියල මං දන්නේ නෑ. සිංහල වචනයයි, ඒකෙම ඉංග්‍රීසි අර්ථය දෙන වචනයයි දෙකම එකට ඈඳලා කියන වචන වලට කියන නම මොකද්ද ඇත්තටම…?

ඉතුරු බැලන්ස් , දවල් ලන්ච් , අන්තිම ලාස්ට් ෆයිනල් , පයින් කික්… වගේ තව චවන තියෙනවා සැලකිය යුතු ප්‍රමාණයක්. ඒවා මුලින් මුලින් වැරදීම් වලින් භාවිතා වුනා වෙන්න පුළුවන් වුනත්, දැන් නම් හාස්‍ය උපදවන්න හා සාමාන්‍ය වචන ලෙසටත් භාවිතා වෙනවා. හැබැයි මට නම් හිතෙන්න දැන් ඒ වචන වගේම තේරුමක් නැති වදන රොත්තකුත් සමාජ ගත වෙලා ඉවරයි කියලයි. අපිත් ඕවට වගකියන්න ඕනේ ඉතිං. අළුත් වචනයක් අහුවුනාම හරි, ටීවී එකේ කතාවක යන කොමඩි වචන සෙට් එකක් හරි නිතර දෙවේලේ කියව කියව හිනා වෙද්දි ඒවා නිකංම අනිත් අයගේ කන් වලින් ගිහිං කටවල් වලින් පිටවෙනකොට නිකංම ඒ වදන් පැතිරිලා යනවා.

ඒ ගොඩට තවත් වචනයක් මේ ලගඳී එකතු වුනා. ලගඳී දවසක කෑම කඩේකට ගිහින් බිත්තර කෑම එකක් කිව්වම වේටර් මල්ලි අහනවා…

ගෙනියන්නද…? පාර්සල්ද…? කියලා…. අනේ මන්දා මං මොනා කිව්වද කියලා. කොහොම හරි බුවා මට කෑම එක පාර්සල් කරලා ගෙනියන්න දුන්නා.

මට නම් ඩබල් මීනින්ග් කතා ලියන්න බෑ…. ලියලා බැනුම් අහලත් නෑ… ඒක නිසා මේ එකක්…. මෙන්න තවත් එකක්….

ඒ වගේම මතක ඇතිනේ… ප්‍රභාකරන්ව මරපු දවස් වල ප්‍රභාකරන්ගේ බොඩිය හම්බුවෙලා කියලා මේල් එකක් එහෙම සංසරණය වුනා….!!!

36 Responses to “ඩබල්….”

  1. මධුරංග Says:

    ඔය වගේ එවුවා නන් ගොඩක් තියෙනවා.
    මේක කිව්වම මට මතක් උනේ
    පස්සට රිවර්ස් කරනවා කියන එක. 🙂

  2. DDT Says:

    ෂෙහ් … මූ ඩබල් එකේම බඩු කෑලි ගැනත් ලියල.

  3. තරියා Says:

    ඩබල් කිවුවම මං මුලිංම හිතුවේ වෙන එකක්…
    බලනකොට මේ වචන ගැනනේ කියන්නේ…

  4. praveena Says:

    මට නම් ඔය උඩ දාලා තිබුනු මුකුත් තේරුනේ නෑ. දවල් ලන්ච්. ලන්ච් ගන්නේ දවල්ට තමයි. 🙂

  5. Sithi Says:

    කෝ උඹ අනිත් ඩබල් ගැන ලියලා නෑනේ..

  6. කෙෂාන් විදුරංග Says:

    කාට කියන්නද ඉතිං මේව… අඩෝ ඩබල් එකේ ඩබල් දේ-වල් ලිව්වට ඔතන නැති තව ගොඩාරියක් ඒව උඩයි පහළයි තියෙන කමෙන්ට් වලිං බලාගතහැකි ඈ… ඕං බලාපං බොරුද කියල ඈ…

    හාපූ…. “බඩු“ …. සික් කැත මාළුව…. ඉකේයියා… කුජීතයි… ඉරුවටම සෙට් වෙනෝ දැං මූ ටිකෙං ටික….

  7. මඩිස්සලේ නිශාන් Says:

    දැන් අපි මේකට මොකද කරන්නේ? උඹම කියපන් බලන්න?

  8. රූ Says:

    මම නම් පෝස්ටුවෙනුයි කොමෙන්ට් වලිනුයි දන්නැති දේවල් දැනගෙන දැනුමෙන් පෝෂනය වුනා..!!තැන්කූ මාළු..!!

  9. henryblogwalker the Dude Says:

    අද උදේ ජංෂන් හන්දියෙ ඇක්සිඩන්ට් හැප්පිලා ඩ්‍රයිවර්ලා දෙන්න ෆයිට් එකක් ගහගත්තානෙ.

    henryblogwalker (මට භිතෙන හැටි) the Dude (HeyDude) and මගේ ඩෙනිම My Blue Jeans

  10. nipuna Says:

    ඇයි කෑමටද? ගෙනියන්නද? කියලත් අහනව හොටල්කාරයො. ගෙනිහිල්ල කරන්නෙත් කනව මිසක් වෙන මෙකද්ද? 😀
    තව එකක්, රයිස්ද? බත්ද? කියල අහනව 😀
    දවසක් පොඩි එකෙකු උගෙ තාත්තයි ඇවිත් තාත්ත අහනව පොඩි එකාගෙන් පුතේ බත්ද කන්නෙ රයිස්ද කියල. පොඩි එකා කියාපි රයිස් කියල 😀

  11. LL Says:

    වා නම් වා, පෝ නම් පෝ, කම් ඕ ගෝ, චිකාගෝ.
    හෙන පරන ටෙලියක කෑල්ලක්. අර කම්මුලේ උපන් ලපයක් තියන නලුවා තමා හිටියේ. ටෙලියේ නම නම් මතක නෑ 🙂


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: