කපල් එකක්….

මෙන්න මේ වගේ….

ඔන්න එක කපල් එකක් හිටියලු. දැම්මම කියන්නම් හරස් ප්‍රශ්න ඔට්ටු නෑ… 😀 ඉතිං ඒ දෙන්න ගොඩක් වෙලාවට මුන ගැහෙනවලු. ඒ වෙලාවට ඉතිං කාලේ ගෙවෙන ඉක්මන ගැන දෙන්නටම හිතාගන්න බැහැලු. ඇයි ඉතිං දෙන්න දවල් දෙකට විතර කතා කර කර කොහෙ හරි ඇවිදින්න හරි, කොහෙට හරි වෙලා වාඩි වෙලා ඉන්න හරි ගත්තොත්, මෙන්න තව ටිකකින් බලද්දි හවස පහ විතර වෙලාලු. ගෑණු ළමයා ලඟ ඉන්න කොට “කාලය“ කිසිම මානුෂික හැඟීමකින් තොරව ඉක්මනට ගලා යන එක ගැන පිරිමි ළමයා හිටියේ හරි කේන්තියෙන්ලු.  ඒත් ඉතිං ඒ වගේ පිස්සු විකාර ගෑණු ළමයට කියන්නඇහැකියැ… ඒක නිසා ඌ සද්දෙ නැතුව මුකුත් නොකියා හිටියලු…!

ඔන්න ඉතිං ඔය කපල් එක මුලින්ම දවසෙ යන්න හිටියේ ගඟක් මැද්දේ තියෙන දූපතකටලු. ඒ දූපතට යන්නේ තියෙන්නේ එල්ලෙන පාලමකින්ලු. හරස් ප්‍රශ්න බෑ,…. පාලම දන්නවනම් ෂ්……. කෑගහන්නේ එහෙම නෑ.

ඉතිං කොහොම හරි අර කාලය සම්බන්ධ කේස් එක නිසා පළවෙනි දවසේ දෙන්නට යන්න බැරි  වුනාලු දූපතට. ඔන්න ඉතිං පස්සේ දවසක දෙන්න ගියාලු. එදා අහසත් ලාවට වගේ කළු කරලා, වැහි අන්දකාරය හැමතැනම පැතිරිලා තිබ්බ දවසක්ලු. ඉතිං එදානම් කොහොම හරි පිරිමි ළමයයි ගෑණු ළමයයි ගියාලු අර දූපතට. ඒත්…. ආවසනාවලු….!!! ඒ දෙන්නට වාඩි වෙන්නවත් තැනක් නැතිලු. හැම තැනම කපල් පිරිලලු. ඉතිං කවුරුවත් නැගිටලා ඉඩ දෙනවැයි ඒ දෙන්න ගියා කියලා… ඒක නිසා ඉතිං ටිකක් වෙලා ඇවිද ඇවිද කැරකි කැරකි ඉන්න කොට, අර මෝදු වෙලා තිබ්බ වැහි වලාකුල වහින්න ගත්තලු දූපතට.

ඒ පාර මෙන්න කපල් ඔක්කොමලා ඒ දූපත වටේ තිබුන බංකු වලින් නැගිටලා ආවරණයක් හොයාගෙන ගියාලු. ඇයි ඉතිං කෙල්ලත් එක්ක ටිකක් තෙමුනම කොල්ලගේ කෑල්ලක් දියවෙනවනේ… ම්… මෝඩ කපල්…! ඉතිං අර පිරිමි ළමයා කලේ…. ගැහැණු ළමයාගේ අතින් ඇදගෙන දූව ගෙන ගිහිං ගහක් යට බංකුවකින් වාඩි වෙච්චි එකලු. දැන් හිතයි අපෝ උං දෙන්න තෙමෙන්න ඇති කියලා… නෑ… නෑ… එහෙම වුනේ නෑලු. ගෑණු ළමයා එයාගේ දම් පාට කුඩේ අරගෙන පිරිමි ළමයට තුරුළු වෙලා කුඩේ දිග ඇර ගත්තලු….! ඊට පස්සේ දෙන්න එක්ක වැස්ස අරගෙන ආපු වාසනාව ගැන කතා කලාලු…. ඉතිං ඊට පස්සේ මොනා වුනා කියලද හිතන්නේ….?

උත්තරේ දන්න කෙනෙක් ඉන්නවද….? උත්තරේ නිකංම හිතන්න බැරිනම් ඔන්න පහල තියෙනවා සිංදුවක්… ඒකත් අහගෙනම උත්තරේ හොයන්න….

ගැහැණිය…!

ගැහැණියක්

අපි කොයිතරම් පිරිමි වුනත්… ගැහැණු අපිට වැඩිය උත්තමයි කියලා හිතෙනවා වෙලාවකට. සමහරවිට මට හිතෙන හැටි සාධාරණ නැතුව ඇති. ඒත්…. පිරිමියෙක් වුනත් උපදින්නේ ගැහැණු කෙනෙක්ගෙන් පෝෂනය වෙලා, ගැහැණු ශරීරයක් ඇතුලේ සොඳුරු උණුසුමකට  මැදිවෙලා මාස ගානක් ඉඳලා. ඊට පස්සේ මවු කුසින් එලියට ආපු දා ඉඳන් අම්මගේ අතේ හුරතල් වෙලා, අම්මගේ පපුවටම තුරුළු වෙලා උණුසුම් වෙලා…. අම්මගේ ලඟම ගුලි වෙලා නිදිගන්න තරමට පිරිමි පුරුදු වෙලා ඉන්න හැටි…!

එතෙනින් පස්සේ දනගාන කලේ ඉඳන් ගැහැණිය, පිරිමියෙකුට…. දෙපතුල් පොළොවේ තියලා නොවැටී නැගී ඉඳින්න, පිරිමි අපි හිතනවට වඩා ශක්තිමත් දෑතක් වෙනවා. ‍වැටෙන්න යද්දී නොවැටී අල්ල ගන්න පුළුවන් තරමට ශක්තිමත් වැටක් වෙනවා…. වැටිලා රිදුනොත් ලඟට අරගෙන සනසවන්න පුළුවන් තරමට සැනසුම් සාගරයක් වෙනවා. තවත් ලොකු වෙද්දි,

යෙහෙළියක්…

උදේට ඇඳ ලඟටම කිරි එක ගෙනත් දීලා බලෙන්ම නැගිට්ටවලා, මූන හෝදලා, ඇඳුම් අන්දවලා ස්කෝලේ යවන්න මහන්සි වෙන තරම් ජීවිතේ කවදාවත් මහන්සි නොවෙන්න ඇති එයාලා. අම්මා කෙනෙක් වුනත් අක්කා කෙනෙක් වුනත් එහෙමයි. ගැහැණියෙක් නැතුව පිරිමියෙකුට ස්කෝලේ යන්නවත් පුළුවනෑ හරියකට…. ෂර්ට් එක යට කරලා, කොන්ඩේ පීරලා,කෑම ලෑස්ති කරලා… පිරිමියෙක්ගේ අනාගතය සතුටින් ඉන්න ලෑස්ති කරන්නේ ගැහැණියක්…! ආපහු ඇඳුම් හෝදලා… මැදලා… ඒවා නවලා පිළිවෙලක් කරන්න තරම් හදවතක් තියෙන ආදරණිය වැඩකාරියක්…!

තවත් වෙලාවකට, අපේ පොත් වලට එබීගෙන අපිට පාඩම් කියාදෙන්න… කනෙන් අල්ලලා “ඕක වැරදියි… මෙහෙමයි හරි” කියන්න තරම් පිරිමින්ට වැඩිය පන්ඩිත ගුරුතුමියක්. වෙලාවකට අතින් අල්ලගෙන දුවන්න, පනින්න තරම් කෙළිලොල් දඟකාරියක්….! හ්ම්…. ‍පැටලි පැටලි රන්ඩු කරන්න තරම් කෙක්කක්… , ආයෙමත් චාටු කතා කියලා හිත හදන්න තරම් ලෙංගතු පුළුන් රොදක් වගේ යෙහෙළියක්…!

මග බලාගෙන ඉන්න සුරංගනාවියක්…!

අනාගතය ගැන ප්ලෑන් කරද්දී, “ නෑ අපි මෙහෙම කරමු කියන”  පෙරළිකාරියක්, “හ්ම් එහෙම හොඳයි” කියන පැසසුම් කාරියක්… වෙලාවකට අහසක් වගේ අදහස් දෙන නව සිතුවිලි කාරියක්… “අනාගතේමෙහෙම කරමු” කියන මැවුම් කාරියක්… හීනමවන්නියක්… ඒ හීන සැබෑ කරගන්න දාඩිය හලලා උදවු වෙන පවුල් සමාගමේ සේවිකාවක්…  වෙලාවකට නීති දාන නීතිකාරියක්,තනියෙම හිතලා..වෙලාවකට එයාට විතරක් වාසි තීන්දු දෙන නඩු කාරියක්…!!! කොහෙද ඉන්නේ – මොනාද කරන්නේ කියලා වද දෙන වද කාරියක්… ඒ අතරම ජීවිතේට පාඩම් කියාදෙන මහාචාර්යවරියක්… ලඟට අරගෙන උණුසුම් කරන, ඔලුව අතගාලා හිනාවෙන කෝලම් මඩුවක්…!!! හැම දුකක්ම  සතුටින් බෙදාගන්න පුළුවන් සහකාරියක්…!!! පිරිමියා ගෙදර එනකං බලාගෙන ඉන්න සොඳුරු ගැහැණියක්…! ගෙදර ආවම මහන්සිය නිවන හොඳ භාර්යාවක්…!!! එන්න රෑ වුනොත් දොරකඩට වෙලා නොකා නොබී, නිදිමරාගෙන මග බලාගෙන ඉන්න සුරංගනාවියක්…!

ඇය ජීවිතය පාට කරන්නියක්…

අපි හිතුවට ගැහැණියට කිසිම බරක් පතලක් නෑ… කිසිම දෙයක් කරගන්න බෑ තනියම කියලා… ඒක වැඩියෙන්ම ගැලපෙන්නේ පිරිමියට වෙන්න ඕනේ. ගැහැණීය පිරිමියෙකුට වැඩියෙන් අවධානම දරනවා ඇති. පිරිමියෙකුට වැඩියෙන් දුක් විඳිනව ඇති. පිරිමියෙකුට වැඩියෙන් වේදනා විඳිනවා ඇති. පිරිමියෙකුට වැඩියෙන් හිත් රිදවා ගන්නවා ඇති. ඒ වගේම පිරිමියෙක්ගේ එක ආදරණිය වචනයකින් මහ ගොඩක් සතුටු වෙනවා ඇති….!!!

කොයිතරම් ලොකුකම් කියෙව්වත් පිරිමියෙක් දෙපයින් හිටගෙන ඉන්නේ ගැහැණියෙක් නිසා…! ඒ ලැබුන – ලැබෙන ආරක්ෂාව, ආදරය නිසා….! ඇත්තටම ඇය ජීවිතය පාට කරන්නියක්…! at – මට හිතෙන විදියට

මේක අමතර කතාවක්… මට ලැබුන ඊ මේල් එකක තිබුනේ. සිංහලයට හැරැව්වම මෙහෙමයි… හැබැයි මෙච්චර වෙලා ලිපු දේවලට හාත්පසින්ම වෙනස්… ඒකත් කියවන්න… එක එක් කෙනාගේ අදහස්නේ… හැබැයි එතෙන පේන්නෙත් පිරිමියාගේ ආත්මාර්ථකාමී බවමද මන්දා‍‍‍…

“ගැහැණිය හරි නපුරුයි… ගැහැණු එක පිරිමියෙක්ගෙන් හැමදේම බලාපොරොත්තු වෙනවා… ඒත් පිරිමි හරි කරුණාවන්තයි… හැම ගැහැණියගෙන්ම එකම දෙයයි බලාපොරොත්තු වෙන්නේ.”

ඇඟිලි ගැට ගැහෙන තෙක්….!!!

පිරිමි ළමයෙක්, ගෑණු ළමයෙක් එනකං ඒ දෙන්නා හම්බුවෙන තැනට වෙලා බලාගෙන ඉන්නවා.

මග බලා…

හ්ම්… තාමත් නෑනේ මේ හොල්මන… එහෙම හොල්මන කියලා හිතින් හිතුවට පුංචි අත්තටු තියෙන කුමාරිකාවක්දෝ කියලත් හිතෙනවා වෙලාවකට. ඒත් එහෙමනම් ඉක්මනට පියාඹලා එන්න බැරි ඇයි..!!! මුල්ම දවසේ කිව්වා තමා මංම, ඔයා ටිකක් පරක්කු වෙලා එන්න, මං එනකං ඇවිල්ලා රස්තියාදු වෙන්න එපා කියලා. ඒත් ඉතිං එහෙම කිව්ව පලියට විනාඩි විසිපහක්ම පරක්කු වෙන එක හරිද…

ආපු දෙන්කෝ… එදා වගේ අදත් මහ පාරෙම අනිනවා ටොක්කක් ඌයි ගාන්න… සමාවක් දෙන්නේ නෑ අදනම්.

හ්ම්… තව බස් එකක් එනවා. දැන් එයාට එන්න පුළුවන් බස් කීයක් නම් ඇවිත් මගේ ඉස්සරහා නවත්තලා සෙනග බස්සලා ගියාද. කතා කරාම කියන්නේ “මට ඔයාව පේන දුර, තව විනාඩි පහයි නැත්තං දහයයි” කියලා. දැන් ඒ වගේ විනාඩි පහේ දහයේ ඒවා තුන හතරක්ම ගියා.

බස් වලින් බහින බහින අය දිහා මං ඇස් ලොකු කර කර එක රූපයක්ම හොයද්දි, ඒ හැමෝම එක්ක මට හිනාවෙලා යනවා. නැත්තං ඔරවගෙන යනවා. ඒ අතරේ වැඩිහරියක්ම හිටියේ කිසිම හැඟීමක් නොදක්වා තමන්ගේ පාඩුවේ යන කට්ටිය. හරියට මාව පේන්නේ නෑ වගේ… මං මෙහේ එක්කෙනෙක් එනකං ඉර අව්වට පිච්චි පිච්චි ඉන්නවා පාර බලාගෙන. කමක් නෑ විටමින් – ඩී නේ.

මේ වැඩේ හරියන්නේ නෑ. කතාකරලා බලන්න ඕනේ කොහෙද ඉන්නේ කියලා. ම්…. ඒත් එයා බස් එකේ  හිටගෙන නම් ඉන්නේ කතාකරන්න අමාරු වේවි එයාට. ‍ඉස්සෙල්ලත් අමාරුවෙන් වගේ කතාකලේ… ආයේ කතා කරලා ෆෝන් එක අදින්න ගිහිං වැටුනොත්‍…!

මොකද කරන්නේ දැන් මං…………………………………………….

කමක් නෑ වැටෙන එකක් නෑ, අල්ලගෙන ඇති, නැත්තං වාඩි වෙලා හරි ඇතිනේ. උදේ වරුවට බස් වල සෙනග අඩුයිනේ. හ්ම්… තව මොනාද තියෙන්නේ කෝල් කරන්න හිත හදාගන්න පුළුවන් නිදහසට කරුණු…!!! ආහ්… දැන් ලඟයි කිව්වනේ… ඒ නිසා බස් එකේ සෙනග කොහොමත් අඩු ඇති… ඒක නිසා දැන් නම් ෂුවර් එකටම වාඩිවෙලා ඇති. ම්… මං ගන්නවා කෝල් එකක්…

හෙලෝ…. විනාඩි ගොඩක් ගියානේ දැන්… කොහෙද ඉන්නේ…

ඉන්නකෝ බබෝ… තව හරියටම විනාඩියයි…

අනේ යනවා… ඔහොම විනාඩි පහේ දහයේ ඒවා කීයක් ගියාද…

නෑ නෑ… මං එනකං පරිස්සමට ඉන්නකෝ…

ඉක්මනට එන්න….

මං එහෙම ඉක්මනට එන්න කිව්වට, එයා කොහොම එන්නද බස් එක යනවට වැඩිය ඉක්මනට.  එයායැයි බස් එක එලවන්නේ..! හ්ම්…. තව කොච්චර වෙලා යයිද දන්නේ නෑ… විනාඩියයි කිව්වට මං දන්නවනේ එයාගේ විනාඩිය…

ආහ් තව එකක් එනවා නේද… එයාට ඒකෙත් එන්න පුළුවන්නේ… බලමු බලමු…. ම්…. දොරවල් දෙක ගාවට බහින්න ලං වෙලා ඉන්න සෙනග ගොඩේ නම් නෑ වගේ… කොල්ලවගේ වැඩ දාන්න ගිහිං මග හරියෙන්ම පැන්නද දන්නේ නෑ බස් එකෙන්…

ම්…. හ්ම්……………….. ලොකූ හුස්මක් මටත් නොදැනිම නාස් පුඩු වලින් සිරුරට ඇතුලු වෙලා මුළු රුධිර වාහිනි පුරාවටම පැතිරිලා තිබුන කලබලය, හදිස්සිය, තැතිගැන්ම, ආතතිය ඔක්කොම හොදාගෙන ආයෙම නාසයෙන් හා කටත් මඳක් විවෘතව පිටවෙලා යන හැටි….! ඇති යන්තං… හොල්මන එනවා….  ආපු දෙන්කෝ ලඟට, හ්ම්… ටොකු අනින්න ඕනේ නෑ… ඉඹින්න ඕනේ නලල….!!! පාර මැද්දේ වුනාම මට මොකෝ….!!!

ම්….

ඇයි මේ මගේ කකුල් එයා එන පැත්තට ඇවිද්දවෙන්නේ…? මං මුලින් හිතාන හිටියේ පරක්කු නිසා ලඟට යන්නේ නෑ කියලානේ… ම්…. මාව තවත් ඇවිද්දවෙනවා… තවත්… තවත්…. තව මීටරයක් ඇති…. ම්… තව ටිකක්  ආපු දෙන්කෝ… නලලට දාඩියත් දාලා එයාගේ… කමක් නෑ… ඉඹින්න ඕනේ…

ආහ්… ඒක හරි විශ්මිත තත්පරයක්…  මං ලං වෙනකොටම, එයා මට  වඩා ඉක්මන් වුනා. මගේ නලල හරියට එයා උස නැති නිසා, ඒ තොල් පෙති නතර වුනේ මගේ බෙල්ලේ…!!!!

කෙල්ල…. මොකද ඒ කලේ….?

ඇයි….?

ඇයි… ඩ්‍රැකියුලා වගේ බෙල්ල හැපුවේ…?

හැපුවේ නෑනේ…. හ්ම්…. ආහ් ඩ්‍රැකියුලා කිව්වා​ නේද…. ඉන්නවකෝ මීට පස්සේ…

හරි හරි…. යමු… පරක්කු වෙනවානේ.

හ්ම්…. අර බස් එකේ යමු…. ඒකෙ සීට් තියෙනවා වාඩි වෙලා යන්න.

යං….

හැමදාමත් වගේ එයා ජනේලේ අයිනේ, මං එයාට මෙහා පැත්තේ… ඉතිං මට  මොනාද ගෙනවේ…

එයා නිහඬයි… සමහරවිට ඒක අනවශ්‍ය ප්‍රශ්නයක් වෙන්න ඇති.

කතාවක් නැතුවම බෑග් එක අදිනවා. බලන්නත් හිතයි…. ඒත් හොඳ නෑනේ… මං අහක බලාගත්තා…

අත අල්ලන්න….

ඇයි….

කෝ දෙන්නකෝ අත….

එයා‍ගේ අතේ පිරිත් නූලක්… ආහ් එකක් නෙමේ දෙකක්…

බඳින්න…. බලෙන්න මං අත දුන්නා…

.

මේක ගන්න පන්සල ගාවින් බැස්සා ඒකයි පරක්කු වුනේ…!!! සමාව අයදින… ඒත් මං වැරැද්දක් කලේ නෑ කියන්න වගේ  ඇස් දෙකෙන් මගේ දිහා බලාගෙන කියද්දි….!!! දාඩිය බිංදු මැකිලා තිබුනා නලල් තලය මං ඉම්බා…!!!

එන්න ඔයාගේ අතේ බඳින්න….

ආ…. හුරතලේට බලෙන්න අත් දෙකම දෙන ලස්සන.

අත් දෙක එකට තියාල බඳින්නද මොඩියේ… අත් දෙකම දික් කරන්නේ…

හුම්…. ආ එහෙනම්…. එක අතක් දික් කරා මගේ දිහාට…

මමත් බැන්දා පිරිත් නූල…. ඇඟිලි දෙක එකට ගැට ගැහිලා කවද හරි හුස්ම නවතිනකං මාත් එක්ක එන්න කියලා හිතින් හිතාගෙන…!!!! – at එක එක විදියට හිතුවම එක එක විදියට හිතෙනවා… ඒත් මේක ඇත්ත කතාවක් නම්…!

ඩබල්….

ඩබල් කිව්වම ගොඩක් දේවල් මතක් වෙනවා. එක එක වයස් සීමාවන් වලිදී එක එක ඒවා. පුංචිම කාලෙදි ඩබල් රූල්… ඒ දවස් වල රතු ඉරි දෙක මැද්දේ හරියට අකුරක් ලියාගන්න බැරි වුනාට… ඊට පස්සේ ටික ටික කට්ටිය නෝටි වෙද්දි ඩබල් ගේම් වෙනවා… ඔය අස්සෙන් හිමීට හිමීට ඔලුව දානවා ඩබල් මීනින්ග්…!

ඩබල් මීනින්ග් නැත්තං ද්විත්ව තේරුම් දෙන වචන ගොඩක් සිංහල භාෂාවේ තිබුනත්, වැඩි හරියක්ම අර්ථය වෙනස් කරන්නේ වචනය උච්චාරණය කරන ටෝන් එකෙන් හරි ඉස්සරහට හෝ පස්සට යොදන උපකාරක පද වලින් හෝ තමා. ඒ වගේම අපි අතරත් තේරෙන්න නොතේරෙන්න යම්කිසි සම්මත වචන සෙට් එකක් නිතර දෙවේලේ භාවිත වෙනවා.

හිතන්නකෝ…. “කෑල්ල“ කියන වචනය. සාමාන්‍ය සිංහල භාෂාවේදි කෑල්ල කියන්නේ යම් කිසි දෙයක කොටසක් යන අර්ථය දෙන්න. ඒත් කවුරු හරි කෙනෙක්  “කෑල්ල“ කියන වචනය ඉස්සර  “ලස්සන“ කියන වචනය දැම්ම ගමන් වචනයේ තේරුම තනිකරම වෙනස් වෙනවා. ඒක එතනින් එහාට තව දුරටත් කෑල්ලක් නෙමෙයි… සම්පූර්ණ එකක් වෙනවා. සම්පූර්ණ කියන්නේ අංග සම්පූර්ණ එකක් වෙනවා නිකංම…..!!!

ඒක සැර වැඩිනම් “බඩු“ කියන වචනය හිතන්නකෝ…. සිංහල තේරුම් කීයක් තියෙනවද….!!!

ද්විත්ව තේරුම් දෙන වචන ගැන ගොඩක් කියන්න ඕනේ නැහැනේ.  හැම කෙනෙක්ම දන්නවානේ. ඒ වගේම තවත් මහ අමුතු වචන ජාතියකුත් තියෙනවා. ඒවට කියන නමක් නම් සිංහල හෝඩියේ තියෙනවද කියල මං දන්නේ නෑ. සිංහල වචනයයි, ඒකෙම ඉංග්‍රීසි අර්ථය දෙන වචනයයි දෙකම එකට ඈඳලා කියන වචන වලට කියන නම මොකද්ද ඇත්තටම…?

ඉතුරු බැලන්ස් , දවල් ලන්ච් , අන්තිම ලාස්ට් ෆයිනල් , පයින් කික්… වගේ තව චවන තියෙනවා සැලකිය යුතු ප්‍රමාණයක්. ඒවා මුලින් මුලින් වැරදීම් වලින් භාවිතා වුනා වෙන්න පුළුවන් වුනත්, දැන් නම් හාස්‍ය උපදවන්න හා සාමාන්‍ය වචන ලෙසටත් භාවිතා වෙනවා. හැබැයි මට නම් හිතෙන්න දැන් ඒ වචන වගේම තේරුමක් නැති වදන රොත්තකුත් සමාජ ගත වෙලා ඉවරයි කියලයි. අපිත් ඕවට වගකියන්න ඕනේ ඉතිං. අළුත් වචනයක් අහුවුනාම හරි, ටීවී එකේ කතාවක යන කොමඩි වචන සෙට් එකක් හරි නිතර දෙවේලේ කියව කියව හිනා වෙද්දි ඒවා නිකංම අනිත් අයගේ කන් වලින් ගිහිං කටවල් වලින් පිටවෙනකොට නිකංම ඒ වදන් පැතිරිලා යනවා.

ඒ ගොඩට තවත් වචනයක් මේ ලගඳී එකතු වුනා. ලගඳී දවසක කෑම කඩේකට ගිහින් බිත්තර කෑම එකක් කිව්වම වේටර් මල්ලි අහනවා…

ගෙනියන්නද…? පාර්සල්ද…? කියලා…. අනේ මන්දා මං මොනා කිව්වද කියලා. කොහොම හරි බුවා මට කෑම එක පාර්සල් කරලා ගෙනියන්න දුන්නා.

මට නම් ඩබල් මීනින්ග් කතා ලියන්න බෑ…. ලියලා බැනුම් අහලත් නෑ… ඒක නිසා මේ එකක්…. මෙන්න තවත් එකක්….

ඒ වගේම මතක ඇතිනේ… ප්‍රභාකරන්ව මරපු දවස් වල ප්‍රභාකරන්ගේ බොඩිය හම්බුවෙලා කියලා මේල් එකක් එහෙම සංසරණය වුනා….!!!

සර්වර් ඩවුන් කරන අළුත්ම විදිය….

servers

සාමාන්‍යයෙන් සර්වර් එකක් ඩවුන් කරන්නේ එහෙමත් වෙලාවක. ඒත් ඉතිං ඔය සමහර අය වැඩකරන තැන් වලනම් දිනාපතා බැකප් අරගෙන සර්වර් එක ඩවුන් කරල තමා යන්නේ. ආයේ පහුවෙනිදා උදේට තමා ඔන් කරන්නේ. ඉතිං ඔය වැඩේ හැමදාමත්  ඇඩ්මින්ලටම කරන්න බෑනේ. මොකද කොයි කොම්පැනියෙත් අකවුන්ට් ඩිපාමන්ට් වල එවුන්ට ගෙවල් දොරවල් නැති වුනාට අයි.ටී එකේ එවුන්ට එහෙම නෑ…. ඉතිං සමහර ආයතන වල අය කරන්නේ අකවුන්ට් එකේ වගකිවයුතු කාටහරි සර්වර් වහන්න කියලා දීලා ගෙදර යන එක.

ඒකත් ලේසි නෑ අප්පා… වයසක අයට සර්වරේ කියන කොට කකුල් දෙක ටුකු ටුකු ගාලා එකට වදිනවා. මොකද එයාලා දන්නවනේ අත්දැකීමෙන්ම සර්වර්යක් ඩවුන් වුනාම හරි බැකප් නැති වුනාම හරි ආයෙ එන්ට්‍රීස් දාන්න ගියාම දැනෙන ෆන් එක. ඉතිං ඒක නිසාම සර්වරේ දැකලා නැති වුනත් ඒ වචනෙටත් පන වගේ ආදරෙයි… ඒ වගේම බයයි.

ඉතිං ඔන්න දවසක් දා ලොකු වැඩ ගොඩක් සෙට් වෙලා තියෙන දවසක අය ආයතනයක අකවුන්ට්ස් එකේ අය රෑ වෙනකං වැඩ කියලා කලින්ම අයි.ටී එකට කිව්වලු. ඒ පාර ඉතිං අයි.ටී එකේ වුන්ට ගෙදර යන්න ඕනේ නිසා අකවුන්ට් ඩිපාමන්ට් එකේ වගකිව යුතු කෙනෙක් ගෙන්නලා සර්වරේ ඩවුන් කරන විදිය ගැන පොඩියට කියලා දුන්නා.

ඔය පහල කොටුවේ තමා ලියන්න ඕනේ ටික ලියන්න ඕනේ…. 😀

සර්… අනිත් පී.සී වහන විදියටම තමා මේකත් ඩවුන් කරන්නේ හොඳද… බය නැති කරන්න එපැයි මුලින්ම…

ඊට පස්සේ මෙන්න මෙහෙම එකක් එනවා… ඒකෙන් සර් උඩම එකෙන් ෂට් ඩවුන් තෝරන්න… දෙවෙනි එකෙන් මේන්ටනන්ස්  තෝරලා… ඕකේ කරන්න…

හා හරි පුතා මම ලියාගත්තා. වැඩි ආරක්ෂාවට වගකිවයුතු කෙනා පොඩි නෝට් එකකුත් දාගත්තා කියමුකෝ… ඊට පස්සේ අයි.ටී එකේ අය ගෙදර ගියාම ඔන්න ඇසිස්. අයි.ටී කොල්ලට කෝල් එකක් එනවලු…

පුතා ඔක්කොම හරි… අර පහල කොටුවේ මොනාද ගහන්න ඕනේ කියලා  මම ලියාගෙන නෑනේ. එතෙන්ට මොකද්ද පුතා දෙන්න ඕනේ…

ආහ්…. ඒකට නේද…!!! සර් දැන් ගෙදර යන්න නේද හදන්නේ….?

ඔව් පුතා….

ආ හරි සර්… එහෙනම්… ඒ කොටුවේ ටයිප් කරන්න…. බුදු සරණයි. ගුඩ් නයිට්. කියලා…!!!! ඊට පස්සේ ඕකේ කරන්න…

ආ… හරි පුතා ඕකේ… ගුඩ් නයිට්…

මිදි ගැන ටිකක්….

මිදි තෝරන හැටි

මිදි…. මීට අවුරුදු 6000ත් 8000ත් අතර කාලයකට පෙර මිනිස් වාසයේ නැගෙනනහරි පෙදෙසට වෙන්න ආරම්භ වුන මිදි වගාව මේ වන විට ස්පාඥ්ඥය, ප්‍රංශය, ඉතාලිය, චීනය, ඇමරිකාව හා තවත් රටවල් ගනනාවක සරුවට කෙරීගෙන වගාවක්. ඒ වගේම ලෝකයේ මිදි නිෂ්පාදනයෙන් වැඩිම ප්‍රතිශතයක් ලෝකයට දෙන්නේ චීනය. ඊට පස්සේ ඉතාලිය, ඇමරිකාව, ප්‍රංශය වගේ රවටල්.  ලංකාවෙත් යාපනය අර්ධද්වීපය හා ආසන්න ප්‍රදේශ වල මිදි වගාව සරුවට කෙරෙනවා. ආදී කාලීන මිනිසුන් මූලිකවම මිදි වගා කරලා තියෙන්නේ වයින් නිෂ්පානදයට වුනත් ජෑම්, ජෙලි, රසකාරක හා වර්ණක වගේම මිදි ඇට වලින් තෙල් ලබා ගැනීමටත් මිදි වගා කරනවා. මීට වසර 8000ක පෙර සිට පවා ජෝර්ජියාවේ මිනිසුන් තමන්ගේ දෛනික ආහාරයක් ලෙස පරිභෝජනයට වයින් නිෂ්පාදනය කල බවට පුරාවිද්‍යාත්මක සාක්ෂි ලැබිලා තියෙන එකෙන්ම පැහැදිලි වෙනවා මිදි මනුෂ්‍ය ඉතිහාසයත් එක්ක කොයිතරම් සමීපද කියන එක.

ඉතිං මේ මිදි නෙලන කාලය කියන්නේ… අවුරුද්දේ මාස කීපයක් පුරාවට මිදි වැල් වලට සාත්තු කරලා අවසානයේදී පලාදාව නෙලන කාලය. ඉංග්‍රීසියෙන් කියන්නේ vintage කියලා. එම නෙලන මිදි වල අවසාන පලය වෙන්නේ රසවත් වයින්….! මිදි නෙලන කාලයේ වගේම අවුරුද්දේ අනෙකුත් කාල වලත් ලැබෙන මිදි පලදාවෙන් වයින් සෑදුවාට, වයින් නිපදවන රට වල වැඩිහරියක්ම ඉල්ලුම තියෙන්නේ අවාරේ නෙලන මිදි වලින් හදන වයින් වලට වඩා මිදි නෙලන, එනම් රටෙන් රට වෙනස් කාල වලදී ප්‍රනීත මිදි වලින් මිදි වැල් පිරී යද්දි නෙලන මිදි වලින් හදන වයින් වලටලු. ඒ වගේම ස්වභාවිකවම මිදි නෙලන කාලයේ නෙලන මිදි වලින් ලැබෙන වයින් වල ප්‍රනීත බව මෙන්ම ගුණදායක බවත් අනෙකුත් කාලවලදී ලබෙන වයින් වල තත්ත්වයට වඩා උසස් කියනවා.

මිදි වල අවසන් ප්‍රතිපලය

ඉතිං මේ මිදි නෙලන කාලයට මිදි ව්‍යාපාරයක් විදියට සරුවට වවන රට වල මිදි නෙලන කාලය කියන්නේ, අපේ රටේ ගොයම් කපන කාලය වගේ බොහොම තෙහෙට්ටු වගේම හිත් සතුටින් පුරවාලන කාලයක්. ඒ දවස් වලට ඒ ඒ රට වල තමන්ටම ආවේනික වූ විවිධ ජනක්‍රීඩා වලින්, විවිධ උත්සව වලින් සැනෙකෙලි වලින් පිරිපුන් සෞභාග්‍යමත් කාලයක්. අන්න ඒ සෞභාග්‍යය සිහිපත් කරන්න වගේම, ඒ කාලයේ කෙළිලොල් බව, සමගිය ඉස්මතු කරන්න තමා ක්‍රීඩා සමාජ වලටත් පසුකාලීනව vintage sports වගේ නම් වැටෙන්න ගත්තේ…!

පරණ පත්තර කෑල්ලක් තිබුන දන්නෙ නැති දෙයක්…!!!

%d bloggers like this: