අම්මිත් හඳ වගේ දිලිසෙනවද…?

හඳ…

තාත්තී….

ම්…. ඇයි පැටියෝ…..

අර… හඳ…… අර…. අර…. මගෙ අතින් ඇද ඇද හඳ දිහාට දබරැඟිල්ල දික් කරන් කෑගහන මේ කෙල්ලට ‍තේරෙනවද හිතේ තියෙන ගින්දර..!!!

ලස්සනයි… නේද….?

ඔව්… දූ වගේම ලස්සනයි…

හ්ම්… බොරු කියන්න එපා… තාත්ති කිව්වේ හඳ, අම්මි වගේ කියලනේ…?

මූන බෙරි කරගෙන මගෙ අතට වෙලා නැලවෙන මේ පුංචි පණ්ඩිතකමේ අසීමාන්තික වර්ධනයට වගකියන්න ඕනේ අම්මම තමා. කටින් හැලෙන හැම වචනෙම මතකයේ තියාගෙන ඉඳලා, කලින් කිව්ව දේට පරස්පර දෙයක් කියවෙච්චි ගමන්… හහ්… අම්මි වගේම තමා… ඉතිං ප්‍රශ්න කෝටියයි….!!! පුංචි හිත් වලට තේරෙන්නේ නැහැනේ උපමා උපමේය සමාන වෙන්න පුළුවන් අවස්ථා තියෙනවා කියලා.

කියන්නකෝ… අම්මිත් හඳ වගේ දිලිසෙනවද…?

ඔව්… තාත්ති ගාව ලස්සනට දිලිසෙනවා…!!! ඇයි දූ දැකලා නැද්ද….?

හ්ම්…. නෑනේ…. අර වගේ  කහ පාටට දිලිසෙනවද….?

නෑ… අම්මි දිලිසෙන්නේ රත්තරං පාටට… අතේ තවරලා පෙන්නන්න බැරි පාට ගැන මේ කෙල්ලට කියල දෙනවා කියන්නේ…. හ්ම්… ඒකට අම්මි ඉන්නම වෙනවා. මට තේරෙන්නේ නෑ අම්මිගේ දුවත් එක්ක පන්ඩිත කම් කියවන්න.

තාත්තී….

ම්…. ඒ පාරනම් ලොකූ ප්‍රශ්නයක් වගේ…. චූටි ඇස් දෙක ලොකු වෙලා. මූනත් බොහොම බැරෑරුම් වෙලා.

අම්මි කවදද එන්නේ…?

දන්නේ නෑ කියන්න බැහැනේ. ඉක්මනට එයිනේ…!

කියන්නකෝ….

හෙට හරි අනිද්දට හරි…

අම්මිට හොඳද දැන්….? මේකිත් හරියට පත්තර වලට සාකච්චා එකතු කරන කෙනෙක් වගේ. එකක් ඉවර වෙද්දි එකක්.

මල්ලි බබාව හම්බුවෙලාද දැන්….?

කොහොමද මල්ලි බබාව අම්මිගේ බඩට ගියේ…? අනේ අම්මි ඉක්මනට ඇවිත් මෙන්න මේ ප්‍රශ්න වලට උත්තර දෙන්න….! මගේ ගාව මේ අහන පණ්ඩිත ප්‍රශ්න වලට උත්තර නෑ…! අම්මි දන්න බයෝලොජි වලින් උත්තර දෙන්න මේවට.  – at අනාගතයට චුට්ටක් මෙහාට වෙන්න

44 Responses to “අම්මිත් හඳ වගේ දිලිසෙනවද…?”

  1. මාඩා Says:

    ඔව් ඔව් ඕවා දැන්ම අම්මිගෙන් අහගෙන පාඩම් කරන් ඉන්න එක හොදයි…
    තව වැඩි කාලයක් යන්න කලින් මාලුවත් නැළවිලි ගී කියන්න හිතේ අදහසක් එහෙම ඇතිනේ… නැද්ද මං අහන්නේ….
    😀 😀

  2. රාජ් Says:

    at අනාගතයට චුට්ටක් මෙහාට වෙන්න

    🙂

  3. සමනළී Says:

    ලස්සන අදහසක්….මාත් හීනෙක පා වෙලා ගියා වගේ වුනා 🙂
    මම නම් අළුත් මේ බ්ලොග් ලෝකයට…… මේ මගේ මුල්ම කමෙන්ට් එක 🙂

  4. henryblogwalker the Dude Says:

    “කුකුල් පැටියා බිත්තරේ කඩාගෙන එලියට එන හැටි හරීම පුදුමයි නේද පුතේ?”

    “මට නම් පුදුමෙ තාත්තෙ ඕකා ඕක ඇතුලට ගියේ කොහොමද කියලයි.”

  5. නාමල් Says:

    වචන වලින් සිතුවම් මැවීම. නියමයි යාලුවා….

  6. මධුරංග Says:

    කවද්ද at එක අනාගතයට චුට්ටක් මෙහාට්ට වෙන්නේ ?

  7. අඩවි රජා Says:

    හරි හරි…මට මීටර් වැඩේ 🙂

    සුභ වේවා!!! රාජ සම්පත් ලැබේවා!!!

  8. මඩිස්සලේ නිශාන් Says:

    දැන්ම ළමයි ගැන හිතන්නේ මොකද ?වැඩේ වැරදිලාද?

  9. Sumith Niriella Says:

    //කොහොමද මල්ලි බබාව අම්මිගේ බඩට ගියේ…?//

    දීපන්කො පුළුවන්නම් උත්තර….? ලස්සන කතාව.

  10. Pramudi Says:

    ලස්සන අනාගතයක් හිතේ මැවෙනවා..:)

  11. කෙෂාන් විදුරංග Says:

    අනේ බොලේ අනාගතේ ඉපදෙන උං ඔය වගේ පස්න අහන්නෑ බං.. දැං හැදෙන එව්වොන්ගෙ හැටියට ඉපදෙන්න ඉන්න එවුං අහන්නෙ ඕව නෙවේ කියල කියතැහැකි…..

    අනාගතේ පොඩි එව්වො ඉන්න තාත්තලාට ඇතිවෙන්න උංට කියල නාගතහැකි බව ප්‍රකාස කර පිටිමි…..
    – ආචාර්‍රය . විද්දා (MBBS , Bcs ….. bla bla bla) –

  12. කෝරලේ මහත්තයා Says:

    යකෝ මාළුවා හිතන දුර බලහල්ලකෝ හෙක් හෙක් හෙක්

  13. අටම්පහුර Says:

    ඔව්වා පුරුදු උනාට අපතේ යන් නැ , මෙන්න දැනුත් එක්කෙනෙක් මගේ අතේ ඉන්නවා

  14. sarath Lankapriya Says:

    සෑහෙන කාලයක් ඉස්සරහට ප්ලෑන් කරන පාටයි අපෙ මාලු ටැංකි මහත්තය. පලවෙනි එක්කෙනා කෙල්ලක් වෙලා දෙවෙනියත් ඉක්මනටම ගෙනෙන්නයි අදහස.


කෙෂාන් විදුරංග වෙත ප්‍රතිචාරයක් සටහන් කරන්න ප්‍රතිචාරය අවලංගු කරන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: