ජෝර්ජිනාට පෙම් කල කාලේ… දැන් ඉඳ හිටවත් මතක් වෙන්නේ නෑනේ….

දකුණේ සිට දෙවෙනියට ඉන්න මගේ ක්‍රෂ් එක… 😀

එහෙමත් ක්‍රෂ් එකක්….! රන් පාටයි දුඹුරු පාටයි මික්ස් වෙච්චි ක්‍රේල් කොන්ඩෙ…. ආව්… හරියට නිකං කපුටු කූඩුවක් වගේමයි. චූටි කලිසම් කෑල්ලක් ගහගෙන, මෝඩ පාට  සපත්තු දෙකකුත් දාගෙන අර ලොං බේරෙන හුරතල් බල්ලෙකුත් නටපු නාඩගමක්…! මට කීපාරක් නම් හිතුනද ඒ බල්ල මං උනා නම් කියලා… හ්ම්… ඌව ඉඹ ඉඹ හුරතල් කරද්දි මං කීපාරක් නම් පුටුවෙන් නැගිටලා ගියාද…!!! කී පාරක් නම් අහක බලාගත්තද…!!!

නොදන්න කාලේ කොන්ඩෙටයි දාංගලේටයි ඇතිවෙච්චි ආදරේ  මම කොහොම නම් අමතක කරන්නද…? එහෙම කරන එක කොහොමත් අසාධාරණයි. ලඟ පාතක නොහිටියත්, දුර ඈත රටක යාළුවෝ එක්ක හිටියත් මාත් ලව් කරා නෙව ඒකිට. අනේ අම්මපා… ඒ දවස් වල මගෙ හිත කොයි තරම් නම් අවුල්ද. හය වසරෙ වාර විභාගේ ලියන්න ගිහිං මං කොයිතරම් නම් ඒ ළමයා ගැන හිතුවද…? ඒ හින්දම චිත්‍ර පේපරේ කෙල්ලෙක්ගේ මූනක් අඳින්න ගිහිං කොයි තරම් නා ගත්තද…!!! සෙනසුරාදා ගණන් පන්තියට යන්න බෑ කියලා බොරු බඩේ අමාරු අරගෙන දවස් කීයක් නම් ගෙදර නැවැතුනාද… ඒ හැම දවසකම අම්මගෙන් කොයි තරම් බැණුම් ඇහුවද.. තව ඩිංගෙන් ගණනුත් ෆේල් වෙනවා. යන්තං අම්මා ටොකු ඇනලා ඇනලා ගණන් පාස් කෙරෙව්වා. නැත්තං ඉතිං එයා එනවැයි මට ගණන් කියලා දෙන්න එක්සෑම් වෙලාවට.

ඔය ඔක්කෝමත් හරි… එයාගේ කටහඬට තමා මං වැඩියෙන්ම ආසා… හුරතල් හීනි කට හඬ තාම නිකං ඇ‍හෙනවා ඇහෙනවා වගේ. අනේ මන්දා ඒ දවස් වල මොනා වුනාද කියලා. මං පට්ට බයේ හිටියේ ජුලියන් ගැන. මට හිතුනෙම ඌ ජෝර්ජිනාව යාළු කරගනියි කියලා. ජුලියන් ඒ දවස් වල මට වැඩිය උසත් එක්කනේ. කමක් නෑ මට වෙලාවට කතාවේ අන්තිම හරිය මිස් වුනා. නැත්තං මං පපුව පැලිලා මැරෙයි…! ඊට පස්සේ ඉතිං ආයෙ අටේදි, දහයෙදි එහෙමත් ඕක බැළුවට, මයෙ ජෝර්ජිනා නම් චුට්ටක් වත් වෙනස් වෙලා තිබුනේ නෑ… ඉස්සර විදියමයි. ඒත් ඉතිං මං ටික ටික ලොකු වෙද්දිත් එයා එකම විදියට ඉද්දි මටම එපා වුනාද කොහෙද… හ්ම්… මට පුළුවනෑ ලොකු මහත් වෙන්නේ නැති කෙල්ලෙකුට ලව් කරන්න… ඒක නිසා මං එයා ගැන තිබුන අදහස අකා මකා දාලා හිතින් බැඳගෙන හිටිය කසාදෙත් කටුගාලා දැම්මා… දැන් නම් ඉතිං ටීවී බැලෙන්නේ නැති නිසා ඒකිව මතක් වෙන්නේ එහෙමත් වෙලාවක තමයි…. මොනා වුනත් නම වගේම තමා හැඩත්… පට්ට ජෝරිජියස්… හොර කෙල්ල… දැන්නම් බැඳලත් ඇති… පඩිපෙල ​වගේ ළමයිනුත් ඇති… 😀 – at අම්මා…, මට ආයෙත් චූටි කාලෙට යන්න ඕනේ…..

 

 

46 Responses to “ජෝර්ජිනාට පෙම් කල කාලේ… දැන් ඉඳ හිටවත් මතක් වෙන්නේ නෑනේ….”

  1. praveena Says:

    හපොයි පොඩි කාලේ කරලා තියන දේවල්. ඔය ජුලියා රොබර්ට්ස් නේද? එයා නම් බැඳලා, ලමයිනුත් ඉන්නවා. 🙂

  2. තරියා Says:

    මමත් ස්පෙල් බයින්ඩර් එකේ ඈන්ට ලවු කරා අප්පා කාලයක්…
    අයියෝ ඒ කාලෙනං ඉතිං…
    ඇඩෙනවා ඈ…

  3. අකීකරු හිත Says:

    හයියෝ ජෝර්ජිනා කියලා තමා කියන්න වෙන්නේ….
    //කමක් නෑ මට වෙලාවට කතාවේ අන්තිම හරිය මිස් වුනා. නැත්තං මං පපුව පැලිලා මැරෙයි…!// මේ ටික කියවද්දි නම් හුස්ම හිරවෙන්න තරම් හිනා ගියා 😀

  4. මධුරංග Says:

    //මික්ස් වෙච්චි ක්‍රේල් කොන්ඩෙ…. ආව්… හරියට නිකං කපුටු කූඩුවක් වගේමයි.

    මේ කොටස කියවනකොට මගේ මතකය අනූව දශකයේ අග භාගයට ඇදිලා ගියා. අපේ ඉස්කෝලේ හිටියා නිමේෂා අක්කටත් තිබ්බේ ඔය විදිහටම බොකුටු කොණ්ඩයක්.. අක්කගෙන් නම් වැඩක් නෑ..
    ඒත් ඒ අක්කගේ නංගි. !!!
    චූටි ඇස් දෙක ! ලා රෝස පාට කම්මුල් ! කම්මුල් වල ගැහෙන හිනාව ! හුරතල් කතා බහ ! බෝනික්කෙක්ගේ වගේ ලස්සන ! කරල් දෙකට ගොතපු කොණ්ඩේ !

    ඈ නීල වරල පීරලා ඈ යන ගමන හැඩ වෙලා
    ගම්මානෙ මිහිරියාව ගමම එළි කලා
    පුන්සඳ රැස් කැළුම් හෙලා ඈ සුර දෙව් ලියක් වෙලා
    කුසුම් නටයි පවන් සල සලා

    සුරංග නාවි සුරංග නාවි සුපෙම්බරාවි ගම්බද විලාසිතාවී //

    මතක් වෙනකොට තාමත් මෙවුවා වෙනවා අප්පා. ! 🙂

    ප.ලි. – චුට්ටක් හිටහන් අයියා මම් පෙත්ත බීලා එනකන් !!!

  5. henryblogwalker the Dude Says:

    කිසි දේකට බයවෙන්න එපා මාලු, ජූලියන් ජෝජ්ව දාගත්තෙත් නෑ දා ගන්නෙත් නෑ.
    උඹල බැලුවෙ ටෙලි සීරීස් එකනෙ. අපි අකුරු ගැට ගහගෙන කියවන්න පුරුදු වුනේ Enid Blyton ගෙ Secret Seven, Famous Five වගෙ සීරීස් වලින්. ඉතින් ඒ චරිත අදත් ඔයිටත් වඩා ගැඹුරට සන්තානය තුලට කිඳා බැහැලා තියෙන්නෙ.

    ජෝර්ජිනා කිව්වාම කෙල්ලට මල පනින්නෙ, ඒකි කෙල්ලෙක් වෙන්න අකමැති කොලු ලක්ෂණ තිබ්බ එකියක් නිසා. ඒකි කොන්ඩෙත් කපන්නෙ කොල්ලෙක් වගෙ පේන්න. ඒකි උත්තර දෙන්නෙ ජෝජ් කියලා කතාකලොත් විතරයි. කෙල්ලෙක් හැටියට ඉන්න කැමති Anne පොඩි එකී මතකද? ඒ චරිත දෙක contrast කරලා තියෙන්නෙ.

    මම අදත් කැමතියි Enid Blytonට ඒක හරිම දඟකාර, නමුත් අහිංසක ළමා ලෝකයක්.

    උඹ දන්නවද අපිත් එක්ක මෙය්හෙ වැඩ කරපු බ්‍රිටිෂ් කෙල්ලක් හිටියා ජෝජ් කියලා. මම ඇහුවම එයාගෙ අම්මම කිව්වා, එයා ඒ චරිතෙට ආසා නිසාලු දුවට ඒ නම දැම්මෙ කියලා.

    තව කියන්න දේවල් දාහක් ඇතත් මේක පෝස්ට් එකක් වීගෙන යන නිසා ඕන් නැවැත්තුවා.

  6. මී පැටියා Says:

    ඌව ඉඹ ඉඹ හුරතල් කරද්දි මං කීපාරක් නම් පුටුවෙන් නැගිටලා ගියාද…!!! කී පාරක් නම් අහක බලාගත්තද…!!!
    මේකට තමයි පැහැදිලි ඉරිසියාව කියන්නේ.. 😛

  7. රූ Says:

    ඔහොම ක්‍රෂ් ඉතින් කාටත් තියනවානේ..මගේ ක්‍රෂ් එක නයිට් රයිඩර්ට…!! හපොයි ඒ වගේ කාලයක්..

  8. DDT Says:

    ඔය කතා සිංහල හඬකවලත් ගියා නේද? උඹ ඒකිගෙ කටහඬ කියල අඳුරගත්තෙ ඒ හඬද? මමත් ආසාවෙන් බලපු කතා මාලාවක්. ටික කාලෙකට කලින් ආයෙ බලන්න හිතිල ඩවුන්ලෝඩ් කරල රයිට් කරා, කතා කීපයක් ඇරෙන්න ඉතිරිව තවම බලන්න වෙලාවක් වුනේ නෑ, මතක් කරපු එක හොඳයි, ළඟදිම බලන්න ඕන.

  9. සිඳු Says:

    අනේ එහෙමත් කාලයක්. මගෙ පරන ක්‍රෂ් කීයක් නම් හිටියද…. ස්පෙල් බයින්ඩර් එකේ පෝල්. මේ ළඟදි මතක් වෙලා හොයල බලද්දි මොකද්ද මන්දා යුනි එකක සාහිත්‍ය ලෙක්චරර් කෙනෙක් ලු එයා දැන්.
    ඕෂන් ගර්ල් එකේ ජේසන්.
    ස්විස් ෆැමිලි රොබින්සන් එකේ අර්න්ස්ට් (ටිකක් නාකියි තමයි)
    රිටර්න් ‍ටු ජුපිටර් එකේ…. අනේ නම මතක නෑ.
    තව කීයක් හිටියද…
    ‍ටුමොරෝ පීප්ල් එකේ ඇඩම්
    ඒ කාලෙ හීනෙනුත් පේනවා

  10. arunishapiro Says:

    ඉනිඩ් බ්ලයිටන් ලියපු ඔක්කොම පොත් කියවලා තියෙනවා. මුලින් ම ස්කෝන් එකක් කාපු දවසේ ජෝර්ජ්ලා ජුලියන්ලා මෙච්චර රස කර කර කන්නේ මේක ද කියලා හිතුන. අපේ බුල්ටො අපිට රසයි වගේ එකක් එතැන තියෙන්නෙ.

    හැබැයි, මගේ ක්‍රෂ් එක නම් සුදු වැද්දා නේ!!!

  11. කෙෂාන් විදුරංග Says:

    අයියෝ ක්‍රෂෟ කිව්වලු ඈ… මටත් සූටි කාලෙ ලැව් කරපුවා මතක් වෙද්දි අප්පා….. එක්කො බෑ බං.. මට දුකයි… මාත් බොලා වගේම ඔය ටෙලි සීරීස් වල කෑලපිවලට ලව් කරා…. කාටුන් වල එවුන්ටත් ටිකක් විතර ඈ… වැඩියෙංම ස්කුබී ඩූ එකේ ඩැෆ්නි අක්කට.. සික්. එයා දැං බැදලත් දන්නෑ නේ බං? 😀

  12. Hiruhimawi Says:

    හී හී……………………..නියම ලිපිය..මම නම් කැමතිම එඩ්වඩ් කාලන්ට අනේ 🙂 🙂


suwii වෙත ප්‍රතිචාරයක් සටහන් කරන්න ප්‍රතිචාරය අවලංගු කරන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: