බ්ලොග් එකේ කමෙන්ට් මොබයිල් එකට…

තම තමන්ගේ බ්ලොග් එකට කමෙන්ට් එකක් වැටුනම ඒක ඒ වෙලාවෙම තමන්ගේ මොබයිල් එකටත් ගෙන්න ගන්න කැමති අයට තමා මේ පෝස්ට් එක. මට ඕනේ වෙලා තිබුනේ වර්ඩ් ප්‍රෙස් වල නොටිෆිකේෂන් ටික මගේ මොබයිල් එකට ගෙන්න ගන්න විදියක්. ඒකට වර්ඩ් ප්‍රෙස් වල දීලා තියෙනවා ඔප්ෂන් එකක්, හැබැයි ඒක වැඩ කරන්නේ ඇමරිකාවට විතරයිලු. අපි ඉතිං පොඩි එවුන්නේ… ඇමරිකාව අලි සයිස්… ඒකනේ ඒ… ඒත් ඉතිං එහෙමයි කියලා වැඩේ අතාරින්න පුළුවනෑ… ඒක නිසා ක්‍රමයක් හොයද්දි තමා මේක සෙට් වුනේ. දෙයියනේ කියලා වැඩ. වර්ඩ් ප්‍රෙස් විතරක් නෙමේ බ්ලොගර් වලටත් වැඩ. මේක හරියටම  ෆේස් බුක් නොටිෆිකේෂන්ස් ෆෝන් එකට එනවා වගේ වැඩක්…!!!

කරන්නේ මෙහෙමයි…

මුලින්ම ඔයාලගේ බ්ලොගර් හෝ වර්ඩ් ප්‍රෙස් අකවුන්ට් වල, කමෙන්ට් එකක් ආවාම, ෆලොවර් කෙනෙක් ඇඩ් වුනාම, එතකොට කමෙන්ට් මොඩරේෂන් දාලා තියෙන වෙලාවක ඒක පබ්ලිෂ් කරන්න වුනාම එහෙම ඔයාලගේ බ්ලොග් එකට අදාල ඊමේල් එකට මැසේජ් එකක් එනවනේ. ඉතිං අන්න ඒ මැසේජ් එක ඔයාලගේ මොබිටෙල් හරි ඩයලොග් හරි නම්බර් එකකට ෆෝවර්ඩ් කරගන්න. එච්චරයි.

බ්ලොග් එකටත් දාලා තියෙන්නේ ඔයාලා අනිත් වැඩ වලටම යූස් කරන ඊමේල් එකනම්, වෙන එකක් හදාගෙන ඒක බ්ලොග් එකේ ප්‍රයිමරි ඊමේල් එක විදියට සෙට් කරගන්න එක වැඩිය හොඳයි. නැත්තං වෙන්නේ ඔයාලගේ ඊමේල් එකට එන හැම මැසේජ් එකම ෆෝන් එකට එන එක. එහෙම නැතුව බ්ලොග් එකෙන් එන මැසේජ් විතරක් ෆිල්ටර් කරලා ගන්න පුළුවන් ක්‍රමයකුත් තියෙනවා. ඒත් ඒක කරදර වැඩක්.

මේ වැඩේ කරන්න, මූලිකවම mms පහසුකම තියෙන මොබයිල් එකක් අවශ්‍යයි. මොකද ඊමේල් එකට එන මැසේජ් එක ෆෝන් එකට එන්නේ mms එකක් විදියට. අපි සිංහලෙන් බ්ලොග් ලියන නිසා මොබයිල් එකේ සිංහල තියෙනවා නම් තවත් හොඳයි. නැත්තං ඔයාලට දකින්න වෙන්නේ කමෙන්ට් එක දාපු කෙනාගේ ඊමේල් එක විතරක් වෙන්න පුළුවන්. කමෙන්ට් එක පේන්නේ  කොටු කොටු.

ජීමේල් සෙටිංග්ස් වලට ගියාම තියෙනවා Forwarding and POP/IMAP කියලා අන්න ඒකෙන් ගිහිං ඔයාලගේ මොබිටෙල් හරි ඩයලොග් හරි නම්බර් එක දෙන්න 940711234567@mms.mobitel.lk හෝ 940771234567@mms.dialog.lk කියන විදියට අන්තිමට @mms.dialog or mobitel .lk එක්ක. ඊට පස්සේ බ්ලොග් එකෙන් ඔයාලගේ ඊමේල් එකට එන හැම ඊමේල් එකම mms එකක් විදියට මොබයිල් එකට ලැබේවි…! ඊමේල් එකේ හා බ්ලොග් එකේ පොඩි පොඩි සෙටිංග්ස් හදාගන්න වේවි, ඒත් ඒවා ඒ තරම් සංකීර්ණ නැති නිසා වැඩි අවුලක් වෙන එකක් නෑ…

කමෙන්ට් ගොඩක් වැටෙන බ්ලොග් වලටනම් මේ ක්‍රමය ටිකක් අහිතකර තත්ත්ව ඇති කරන්න පුළුවන්. මොකද හැම වෙලාවෙම ෆෝන් එක ඇලර්ට් වෙන්න ගත්තම මළ වදයක් වෙන නිසා. කැමති අය ට්‍රයි කරලා බලන්න.

38 Responses to “බ්ලොග් එකේ කමෙන්ට් මොබයිල් එකට…”

  1. praveena Says:

    හොඳ අදහසක්. ට්‍රයි කරලා බලන්නම්. thanks මාලුවට. 🙂

  2. නවම් Says:

    // ඇමරිකාව ඉතිං අලි සයිස් නෙ// හෙහ් හෙහ්..

  3. රාජ් Says:

    //මේ වැඩේ කරන්න, මූලිකවම mms පහසුකම තියෙන මොබයිල් එකක් අවශ්‍යයි. //
    අන්න එතනින් මම වැඩේ අල්ලල දැම්ම.

  4. මඩිස්සලේ නිශාන් Says:

    මං මේක හොය හොයා හිටියේ මචන් තැන්ක්යූ වේවා.

  5. සපතේරු උන්නැහේ Says:

    මාලු මලේ… මට ඕනෙ වෙන උපදෙසක්.. මගෙ ලඟ තියෙන ෆෝන් කබලෙන් ඊමේල් කොහොමටත් කියවන්න පුලුවන්…( බාල බ්ලැක්බෙරියක් ).. මට තියෙන කෙලිය අර කොටු වැටෙන එක… සිංහල අකුරු ඒකෙන් කියවන්න ක්‍රමයක් නැද්ද..?

  6. රූ Says:

    හොඳ අයිඩියා එකක්. ඒත් ඩයලොග්වත් මොබිටෙල්වත් පාවිච්චි කරන්නැති නිසා මමත් වැඩේ අල්ලලා දැම්මා..
    මාළුවට නම් මලවදයක් වෙනවා මෙච්චර එන කොමෙන්ට් SMS වෙන්න ගත්තාම..නිදහසේ ෆිල්ම් එකක්වත් බලන්න වෙන්නෑ…

    • Gold fish Says:

      මං දන්න තරමින් අනිත් එව්වට නම් ඔය ෆැසිලිටි එක නෑ…
      මට එන කමෙන්ට්…. හික්ස්… දැනට වැඩිම තියෙන්නේ පනස් ගානක් එක ලිපියකට. අක්කට බලාගන්න පුළුවන් පහුගිය ලිපිවල කමෙන්ට් ගාන දෙකෙන් බෙදුවම මට එන කමෙන්ට් කන්දරාව. 😀 කමෙන්ට් වලට ආසා වුනාට ඉල්ලන්නෙත් නෑ, තන්හාවකුත් නෑ… ලැබෙන හැටියකට සතුටුවෙනවා.

  7. මාඩා Says:

    මාත් හදාගන්න ඕනේ….. මේ මචං එතකොට සින්ඩි වලින් එහෙම එන මේල් වලටත් ඇලට් එනවද? ඒක නැති කරගන්න බැරිද?? තමන්ගේ බ්ලොග් එකේ ඒවා විතරක් ගන්න…

  8. DDT Says:

    ආ … අද බ්ලොග් ලියන අයට විතරයි. අපි ගියා.

  9. අඩවි රජා Says:

    බලමු ට්‍රයි එකක් දීලා..

    සුභ වේවා!! රාජ සම්පත් ලැබේවා!!!

  10. arunishapiro Says:

    මගේ මොබයිලයට නම් මේක දාන්නෙ නැහැ. ඒක නාද වෙන්නෙ ඉතා කලාතුරකින්, ඒක ඒ විදියට ම තියාගන්න සෑහෙන්න කැමතියි.

    අලි සයිස් කිව්වේ woolly mammoth සයිස් ගැන ද? 😀

    • Gold fish Says:

      මට අමතක වුනානේ “ඇමරිකන්කාරයො”ත් මේක කියවනවා කියලා… 😉

      මං ඔය මැමත් තියන අලි පැටියාව දැකලා තියෙන්නේ Ice Age series එකෙනුයි, 10000 BC එකෙනුයි විතරයි. ඒත් මං අහලා තියෙන විදියට මැමත්ලට වැඩිය ලොකූකූකූ ඩයිනසෝර්ලා ඉඳලා තියෙනවා… මං කිව්වේ අන්න ඒ සයිස් ගැන… 😛

      • DDT Says:

        ඒ කියන්නෙ මාළුව මැමත්ල බලන්න Ice Age, 10000 BC බැළුවට ඩයිනසෝර්ලා බලන්න Jurassic Park බැළුවෙ නෑ. වැරදියි .. වැරදියි … බොහොම වැරදියි.
        ඔය Jurassic Park මුල් ෆිල්ම් එක ආපු දවස්වල ඉස්කෝලවලිනුත් එක්ක ගියා බලන්න. මමත් පොඩි සන්දියෙදි අපේ අම්මත් මාව එක්ක ගියා ඕක බලන්න. හි හී … ලස්සනම වැඩේ ඔය ෆිල්ම් එක දුවවන්න ෆිල්ම් හෝල් අයිතිකාරයොන්ට සවුන්ඩ් සිස්ටම් එකක් අළුතෙන් හදන්න වුණා.

      • Gold fish Says:

        Jurassic park මූවි එකේ සමහර තැන් වල තියෙන්නේ සිංහල උළු… 😀

        අනිත් එක Ice age එකේ ඩයිනසෝර්ලා ඉන්න නිසා ආයෙ Jurassic park බලන්න දෙයක් නෑ..
        ඒ කියන්නේ අයියා මළාට Ice age බලලා නෑ.. හී… හී…. 😀 😀 😀

      • DDT Says:

        // ඒ කියන්නේ අයියා මළාට Ice age බලලා නෑ.. හී… හී… //

        පිස්සුද කොළුවො. ඔන්න උඹල අපි ගැන හිතන් ඉන්න විදිය. එහෙමත් අතාරිනවද ඒව. ඔය ඩයිනසෝර්ලා ගැනම එහෙකුත් ගැහැව්වෙ. ice age – 3 dawn of the dinosaurs. මමත් තවම ඔය චූටි එකා නිසා කාටුන් පිචෑර්වලට ප්‍රියමනාපයි. අර මගේ බ්ලොගර් ප්‍රොෆයිල් හුචක්කුවෙත් ඔය ෆිල්ම් ලිස්ට් එකෙත් තියෙන්නෙ බැබලි බැබලි. Jurassic Park 1, 2, 3 වගේම Ice age 1, 2, 3 යි ඔය Ice age Christmas කතන්දරයි මම DVD වල රයිට්කරල තියෙන්නෙ. ආයිත් හිතුනම අරගෙන බලන්න.

      • Gold fish Says:

        ඒ කියන්නේ අපි වගේම ඇනිමේෂන් ලෝලියෙක්… 😀 Ice age 4 රිලීස් වුනා පෙරේදා..

      • DDT Says:

        ඔව් ඔව්, මමත් දැක්ක. හොඳ කොපියක් ටොරන්ට් වැටෙන්න ටික දවසක් යාවිනේ. එතකන් ඉතින් දුක තමා සහෝ.

      • Gold fish Says:

        මට කලින් හොයාගත්තොත් පොඩ්ඩක් කියන්න…

  11. පිණිබිඳු Says:

    මගෙ ෆෝන් එකෙත් අවුල තියෙන්නෙ සිංහල වෙනුවට කොටු කොටු

  12. henryblogwalker Says:

    එපා බං. දැනටමත් ඉස්කෝලෙ ඉන්නකොට Wi fi වලින් ලැපයි ෆෝන් එකයි දෙකම සම්බන්ධ නිසා මේල් එකක් එන ගානෙ ලැපයි ෆෝන් එකයි දෙකම ටිං ගානව. මල ඇනයක් වෙලාවකට.

    ඔය සිංහල වෙනුවට කො‍ටු වැටෙනවට SETT බ්‍රව්සර් එක පාවිඩ්ඩි කලාම වැඩේ ගොඩ.
    henryblogwalker the Dude

  13. Sarath Lankapriya Says:

    මන් හිතන්නේ අපේ යාලුවා වැඩ කරන කොම්පැනියේ පාලකයා වෙස්සන්තර රජ්ජුරුවෝ වෙන්න ඇති.. නැත්නම් මෙච්චර එවුව හොයන්න කරන්න වෙලාවක් කොහින්ද ?

  14. මධුරංග Says:

    වත්තල දිහාවටත් මේ සර්විස් එක වැඩ ද ? ඇක්ටිවු කරන්න කලින් වැඩ කරනවද කියලා දැනගන්න එපැයි…. හික්ස් 🙂

  15. කෙෂාන් විදුරංග (විද්දා) Says:

    අපේ බ්ලොග් වලටනං ඕක හරියන්නෑ… මොකද මගේ බ්ලොග් එකට කමෙන්ට් වැටෙන්නෙ අර මොකාද මොන සිදුරකිංද අහස බලනව වගේ බං… ඕක ඇක්ටිවේට් කරන එකටත් පාඩුයි…


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: