ඇවිදින සුදු ටී ෂර්ට් එක…

දැන් ඉතිං ඉස්සර වගේ නෙවේනේ… දවසට ෆිල්ම් දෙකක් බලපු කාලේ ඉවරයි. දැන් සමහර විට මාසෙටම දෙකයි. හොල්මන ගැන කියන්න කලින් වෙන අතුරු මෙව්වා එකක් කියන්න ඕනේ. මගේ යාළුවෙක්ගේ බාප්පගේ පොඩි එකා… නම චුමිඳු… යන්නේ **ස් ජාත්‍යන්තර ඉක්කෝලෙට… ඉගෙන ගන්නේ හතරේ හරි පහේ හරි… හැබැයි කොල්ලා තාමත් ෆිල්ම් වලට කියන්නේ “ෆ්ලින්“ කියලා… උංගේ ගෙදර ගිට දාට… අයියේ ෆ්ලින් එකක්… අයියේ ෆ්ලින් එකක් කියා කියා දඟලන කොට… සමහර වෙලාවට කඳුළු එනවා හිනා වෙලා.

ඉතිං දැන් ඔය හම්බෙන ෆිල්ම් ගාන සතියකට හතරක් පහක්… හයක්  විතර වුනොත් මම ඇතුළු සෙට් එක ළඟම සෙනසුරාදට ඔෆිස් එකේ රැයක් පහන් කරනවා. ඇයි ඉතිං කොයිතරම් නම් වැඩද. එහෙම ෆිල්ම් අතිරික්තයත් තිබ්බ දවසක ඔන්න කට්ටය දවල් දෙකේ විතර ඉඳන් එක දිගට රෑ හත විතර වෙනකම් බැලුවා. ඒත් ඉවර වුනේ ෆිල්ම් දෙකා මාරයි. තව ඉතුරුයි තුනක්… පස්සේ කොහොම හරි අපේ බුවාලා දෙන්නෙක් ඕෆ් වෙලා ගියා. ඉතුරු මමයි තවත් යාළුවෙකුයි විතරයි.

පස්සේ ඉතිං ඔන්න රෑට කෑම කාලා එහෙම ඉතුරු ටික බලන්න සෙට් වුනා. ඉවර වෙද්දී වෙලාව දොලහ මාරට විතර ඇති. ඔන්න එතකොට තමා මාත් එක්ක හිටිය අනිත් එකාට මතක් වුනේ ඉරිද උදේම රිදි විහාරයේ ට්‍රිප් එකක් යන්න තියෙනවා නේද කියලා…! ඌ ෂෝට් බ්‍රේක් එකකට පැන්න පුටුවට තියාගත්ත තව පුටුවක් කොල්ලා දොයි. දැන් මං තනියෙන් ඇහැරගෙන… ඉතිං ඔන්න මතක් වෙනවා…

දවසක් අපේ ෆැක්ටරි එකේ බුවෙක් කන්වයර් ලයින් එකක් උඩ කාඩ් බෝඩ් එකක් දාගෙන නිදාගෙන ඉන්නවලු. කන්වයර් කියන්නේ මොනා හරි භාන්ඩයක් ට්‍රේ එකක තියලා තල්ලු කරලා යවන්න පුළුවන් රෝලර් හෝ බෙල්ට් එකක් තියෙන බඩු ගෙනියන ලයින් එකක්. ඉතිං අපේ කම්පැනි එකේ තියෙන්නේ වැඩිපුරම රෝලර් දාපු කන්වයර්. ඉතිං අර නිදා ගත්ත පොරට නින්ද ගිහිං ඇහැරෙද්දි මූ ඉන්නේ නිදාගත්ත තැන නෙමේලු. ඊට මීටර් කීපයක් පිටිපස්සෙන්ලු. පස්සේ ඔන්න ඔහේ කමක් නෑ කියලා නිදා ගත්තට පස්සේ… ඊළඟ පාර මෑන්ව ඇහැරිලා තියෙන්නේ කන්වයර් එක ඉවර වෙලා කන්වයර් එකෙන් බඩු වැටෙනවට සවිකරලා තියෙන යකඩ පටියේ පොරගේ කකුල් දෙක වැදෙද්දි… මිනිහාගේ කකුල් දෙකෙන් කව්ද එකෙක් අදිනව දැනෙනවලු… හරි සනීපයිනේ ඉතිං ඒ වෙලාවට අඳුරු ශාලාවක තනියම නිදාගත්ත කෙනෙකුට. ඒ පාර වෙවුල වෙවුල ගිහිං ගාඩ් රූම් එකේ තමා නතර වෙලා තියෙන්නේ.

අයෙම දවසක… නයිටි ෂිෆ්ට් එකේ වැඩ කර කර ඉද්දි මැෂින් තියෙන කොටසට එහායින් තියෙන ස්ටෝර්ස් එකේ, එක උඩ එක පෙට්ටි තුනක් හිටින්න ගහපු පෙට්ටි සෙට් එකේ උඩ, සුදු ගවුමක් ඇඳ ගත්ත ගෑනියෙක් බෙල්ලේ කඹයක් දාගෙන අර පෙට්ටි වලින් පනින්න ලෑස්ති වෙලා ඉන්නවා දැකලා. ලඟ හිටිය අනිත් එකාට පෙන්නද්දි බඩු නැහැලු. ඒක නම් සමහර විට නිදිමතත් එක්ක ඇතිවෙච්ච මොලේ රසායනික දෝෂයක් වෙන්න ඇති…

ඉතිං මොන මගුල හරි… මං තනියම ඇහැරන් ඉන්න කොටනේ හැම ලබ්බම මතක් වෙන්නේ කියලා මාත් ඔන්න ඔහේ මගේ ඇඳි පුටුවටම බර වෙලා පොඩි ඇලට් එකක් දාගෙන ඉන්නවා. උදේ හයාමාර වෙද්දි ඕෆ් වෙන්න ඕනෙ නිසා එලාම් එහෙම තියාගෙන. ඉතිං පාන්දර හතරට අනිත් යාළුවා නැගිටලා. ඌ ඉතිං ට්‍රිප් එක යන්න ඕනේ නිසා කලින් ඕෆ් වෙන්න කියලා. පස්සේ මෑන් ගියා හතරාමාරට විතර. දැන් මං තනියෙන්…! කමක් නෑ තව පැය එකා මාරයිනේ එලිවෙන්න…! කියලා හිතාගෙන ඉද්දි… තවත් ඉන්න බැරි බොහොම සෝචනීය තත්වයක් උද්ගත වෙමින් තිබුනේ… අපරභාගයේ පොඩි කැළඹීමක්…! වොෂ් රූම් එකට දුවන්නම ඕනේ…

ඒ පාර විනාඩ් තුන හතරක් ඉවසගෙන හිටියා…. ම්හු… සමනය වෙන පාටක් නෑ… ඒ පාර හිතට හයිය අරගෙන “ඕනේ ගෑණියෙක් ආපුදෙන්… ගලෝනවා රෙද්ද“ කියලා හිතාගෙන පඩිපෙල බැහැලා වොෂ් රූම් යන්න හදද්දිම… මැෂින් එක ගාව අපේ වැඩ කරන බුවෙක් වැඩ. මාත් ඉතිං ගිහිං මෑන්ට පොඩ්ඩක් කතා කරලා එහෙම ගියා මගේ වැඩේට. ඒ යද්දි මං ඇහැ කොනින් දැක්කා අනිත් මැෂින් තියෙන ගොඩනැගිල්ලෙත් එදා නයිට් ෂිෆ්ට් එකක් රන් වෙනවා කියලා. ආයේ ඉතිං අමුතුවෙන් බලන්න ගියේ නෑ. ඒක බලනවට වැඩිය සෙට් වෙලා තියෙන වැඩේ ලොකුයිනේ…

ඉතිං , මාත් ගිහිං වොෂ් රූම් එකේ ලයිට් එක දාගෙන වැඩේ කරන අතරෙදි මට ඇහෙනවා එලියේ තුන් දෙනෙක් හරි හතර දෙනෙක් හරි කතා කරනවා… වොෂ් රූම් එකේ ලයිට් දැම්මම එලිය දොරක් අස්සෙන්වත් පිටවෙන්නේ නෑ… ඒක නිසා කරුවලේ තියෙන දොර ගාවට ඇවිත් දොර ඇරලද කියලා බැලුවොත් ඇරැන්න දොර ඇරලද නැද්ද කියලා හොයාගන්න බෑ…

කව්ද බං….

දන්නේ නෑ බං… මං දැක්කා සුදු පාට ටී ෂර්ට් එකක් ඇඳගත්ත කෙනෙක් ඉක්මනට මේ පැත්තට ඇවිදිනවා… උඹට පෙන්නන්න බලද්දී හිටියේනෑ.

උසද….?

නෑ…බං එච්චරම උස නෑ…

මොකද කරන්නේ බං දැන්….? ඕෆ් වෙලා ගෙදර යමුද… නැත්තං බලි අරින්න වෙයිද දන්නේ නෑ…

නෑ… නෑ… යමන් බලන්න වොෂ් රූම් එක ගාවට…

ටොක්… ටොක්…. කවුරු හරි එකෙක් ගැහුවා දොරට…

මාත් අරියි ඔය වගේ ෆන් එකක්…

මාත් කැපිටල් බෝල්ඩ් අකුරෙන්… ක්හ්වුද…? කියලා ඇහුවා…

ඊට පස්සේ ඇහුනේ සෙරප්පු පැටලෙන සද්දයි, සිමෙන්ති පොලවෙ දඩ දඩ ගාලා ලොකු බර අඩි තියන සද්දයි විතරයි. කොල්ලෝ ටික දුවලා… ඒ අස්සේ මටත් බයයි. ඇයි ඉතිං ඒ වෙනකොට කැළඹීම සමනය වෙලානේ…!

ඊට පස්සේ ඕං මාත් ආවා එලියට. අම්මට සිරි… නයිට් කරන එවුන් විස්සක් විතර වොෂ් රූම් එක තියෙන බිල්ඩිම දිහා බලාගෙන ඇස් ගෙඩි එලියට පන්නගෙන බලාගෙන ඉන්නවා… ඒ දිහා…! මමත් ගියා ඉස්සරහට. වෙලාවට ඒ කිට්ටුව කෙලින්ම එලියක් එන්න තරම් ලයිට් එකක් නෑ අවට. ඉතිං මාව මටවත් අඳුන ගන්න බැරි තත්ත්වයක් උඩ, පැහැදිලිව පේන ඇවිදින සුදු ටී ෂර්ට් එකකට කට්ටිය බය වුනයි කිව්වම මං හිනා වෙන්නද…

ආහ්… මහත්තයද වොෂ් රූම් ගියේ…? අපි හිතුවේ………………………………………………

උං හිතපු දේ කිව්වේ නෑ. කියන්න හරියට තේරුම් බේරුම් කරගන්න එපැයි. අනික මං හාරවුස්සන්න ගියෙත් නෑ. නිකං මොකටද බය කතා ගොඩට තව එකක් එකතු කරගන්නේ…!

Advertisements

37 Responses to “ඇවිදින සුදු ටී ෂර්ට් එක…”

  1. සෝරෝ Says:

    උඹ විරිත්තං ගියා නම් උන් සුදු ටී ෂර්ට් එකට අමතරව දත් සැට් එකත් දකින නිසා අම්බානක් බය වේවි නේ…. 😀

    • Gold fish Says:

      එහෙම නොකරපු එක ගැන දැන් නම් මටත් සතුටුයි… 😀

  2. praveena Says:

    //ඉතිං මොන මගුල හරි… මං තනියම ඇහැරන් ඉන්න කොටනේ හැම ලබ්බම මතක් වෙන්නේ කියලා//
    මේ කතාව නම් සම්පූර්ණ ඇත්ත. අවුරුදු ගානකට කලින් හරි දැකපු බය ෆිල්ම් එකක කෑලි මතක් වෙන්නේ ගෙදර කවුරුත්ම නැතුව තනියම ඉන්න රෑකදී.

    කට්ටිය ෆිල්ම්ස් බලන හැටි හරි අපූරුයි. 🙂

    • Gold fish Says:

      කොහොමද ඇස් ඉස්සරහා හොල්මන් පේනකොට….

  3. මධුරංග Says:

    හිනා වෙලාම පන නෑ. අපේ කොල්ලෙකුත් හිටියා ඔහොම.

    “කන්වයර්” කියන්නේ මොක ??
    මයේ කන්, වයර් උනා ඒක අහලා.

    • Gold fish Says:

      ඔය තියෙන්නේ පොඩි පින්තූර කෑල්ලක්….

      මේං වැඩි විස්තර….

  4. පැණි දොඩම් Says:

    උඹට වැඩිය තවත් හොල්මන් තියෙනවද බොල. උන් හිතන්න ඇති අම්මට සිරි නිකං ටී ෂර්ට් එකක් ඇවිදං යනව නේද කියල.

    • Gold fish Says:

      හිතන්න ඇති නෙමේ බං… එහෙම තමා හිතලා තියෙන්නේ…

  5. රාජ් Says:

    අනේ මලේ රෑට උඹ ගෙදර පලයං. අනිත් එවුන්ගෙ යහපතට මම කියන්නෙ!

    • Gold fish Says:

      හිකිස්…. හොඳා හොඳා….

  6. Sumith Niriella Says:

    රසවත් කතාවක්….
    බය බෝයි ටමනේ අනිත් බය බෝයිලත් බය වෙලා තියෙන්නෙ….

    • Gold fish Says:

      මගුලයි… මේ ටික උං දැක්කොත් එහෙම මට මොනා වෙයිද

  7. DDT Says:

    ෂා … නයිටක් දාගෙන කට්ටිය බරටම වැඩ කරල නේ. මට බැරි වෙයිද දන්නෑ “ලොකු සැලරි එකකට“ ඔය නයිට් ඩියුටිය විතරක් කරන්න භාර ගන්න. 😀

    • Gold fish Says:

      ලොකු සැලරියක් නම් නයිට් කරන්නේ ගෙවල් වලනේ… 😀

  8. ~ChAnDiKa~ Says:

    කලිසම කලු පාට එකක් වෙන්න ඇති නේද? 😛

    • Gold fish Says:

      තද නිල් ඩෙනිමක්…

  9. Glimmer Girl Says:

    he he he 😛 hodame wade kiyane holman welatath aparabage kalabili thathwe uda wenewane 😛

    • Gold fish Says:

      ඒක මාර වැඩකනේ… උන්ටත් එහෙම වෙනව තමා… 😀 😀

      • Glimmer Girl Says:

        hehehhe 😛

  10. ගිනි කුරුල්ලා Says:

    හිනා වෙලා හුස්මත් හිරඋනා.. අරුන් ටික දුවන්න ගිහින් බෙල්ල කඩා ගත්තේ නැති එකම ලොකුදෙයක්…

    • Gold fish Says:

      එකෙක් දෙන්නෙක් වැටෙන්න ගිය බව පසුව දැනගන්න ලැබුනා…

  11. අඩවි රජා Says:

    හිකිස්…. මරු ඈ.. 🙂

    සුභ වේවා!! රාජ සම්පත් ලැබේවා!!!

    • Gold fish Says:

      රාජ අඩවියේ පැත්තේ හොල්මන් නැද්ද…

  12. තාරා Says:

    ශා… මරු වැඩේ…

    • Gold fish Says:

      ඔයා ඒ වෙලාවේ හිටියනම් එහෙම් අනිවා තොවිලයක් නටන්න වෙනවා.

  13. රූ Says:

    සීරියස් අහන්නෙ මල්ලි..මටත් බැරිද ඔය කොමපැනියෙම රස්සාවක් අරන් දෙන්න..?

    • Gold fish Says:

      අක්කට ඕනේ මොන වගේ ෆීල්ඩ් එකකද?

      • රූ Says:

        ඔය වගේ ෆිල්ම් බලන්න පුළුවන් ඕනැම ෆීල්ඩ් එකක් අප්පා..

      • Gold fish Says:

        ඉන්නකෝ වේකන්සි එකක් ආපු ගමන් අක්කට කියන්නම්..

  14. Mr.Sithi Says:

    තනියම ඉන්න කොට මතක් වෙන ඒව නම් කියලා වැඩක් නෑ… මොක්ද බං මේ මැෂින් එක්ක කරන ජොබ් එක…?

    • Gold fish Says:

      අපේ කොම්පැනියේ තමා ඔය ගොඩක් දෙනාගේ ගෙවල් වල තියෙන ප්ලාස්ටික් අයිටම් කීපයක් හදන්නේ…

  15. මඩිස්සලේ නිශාන් Says:

    අඩෝ පව් බං කොල්ලෝ ටික.

    • Gold fish Says:

      මුන්ට අපි ගැන දුක නෑ… නොදන්න එවුන් ගැන තමා දුක…

  16. Dinesh Says:

    සිරාවට.. කොච්චර පරණ සිද්දි උනත් තනියම ඉද්දි ඒ හැම දේම මතක් වෙනවා.. ඇති ඔයින් ගියා.. නැත්නම් ඔෆිස් එකේ උන්ට තොවිල් නටන්න වෙන්නේ… 🙂

    • Gold fish Says:

      කොහොමද ග්රූප් තොවිලයක් නටද්දි….

  17. henryblogwalker Says:

    අපේ ශරීර වර්නයෙ තියෙන අමතර වාසි ඕවයි මාලු. ඇඳුම් නැතුව රෑට ගියොත් අදිසි මිනිසා තමයි.

    henryblogwalker the Dude

    • Gold fish Says:

      අයියා එහෙම ගියොත් නම් වානර මිනිසා තමයි..!!!


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: