ස්ටිකර් අයියා…

එදා ඉරිදා දවසක්….!!! ක්ලාස් ඉවර වෙලා කොල්ලුපිටියෙන් බස් එකේ නගින කොට හවස 6ට විතර ඇති. බස් එකේ සීට් කීපයකම ඉඩ තිබුනත්, මං වැඩියෙන්ම කැමති තැන… පා‍රේ තියෙන පොඩි වලක වැටුනත් අඩියක් විතර උඩ විසිවෙන පිටිපස්සේ  දිග සීට් එකේ වාඩි වුනා. ඒ සීට් එකට කැමති වෙන්න තව තව හේතු කරනා ගොඩක් තියෙනවා. එව්ව මං වගේම දන්නෝ දනිති…!!!

ඉතිං ඔන්න ටික දුරක් එනකොට මට ලාවට වගේ නිදිමතයි. ඒ වෙලාවකොහොමත්ම  නිදියන්න හොඳ වෙලාවක් නෙමෙයි. මොකද බම්බලපිටියෙන් පටන් අරගත්තම  වැල්ලවත්තෙන්, විලියම් හන්දියෙන්, දෙහිවලින් ඊට පස්සේ මොරටුවෙන් අන්තිමටම පානදුරේ වෙනකංම ක්ලාස් ඉවර වෙච්චි චූටි චූටි ගෑණු ළමයි බස් වලට නගින්නේ ඒ වෙලාවට. ඒ වෙලාවට බස් එකේ නිදියනව කියන්නේ හෙන ගහන අපරාදයක්..!

ඉතිං ඒක නිසාම මං නම් කරන්නේ, හොඳ ෆාස්ට් සිංදු ටිකක් කන කැඩෙන්න දාගෙන ඉයර් ප්‍රයිස් දෙක ගහ ගන්නවා කනේ. එතකොට යන්තං නින්ද යාගෙන එද්දී බේස් ඩ්‍රම් පාරකට හරි, සිම්බල් පාරකට උඩ ගිහිං ඇහැරෙනවා. වැල්ලවත්තට එනකං සුට්ටක් නින්ද යනවා කොහොමත්… එතනින් එහාට මුකුත් නෑ….! ඒ ඇහැරිලා ඉස්සරහා බලද්දී,  ඇඟත් එක්ක නිකං මෙව්වා වෙලා යනවා. බම්බලපිටියෙන් බස් එකට නැග්ග ළමයි ටික දකිද්දී මොන නිදිමතක්ද….

ඉතිං ඔහොම රත්මලානට වෙනකංම ආවා කියමුකෝ. ඔන්න රත්මලානෙන් නැග්ග ටිකක් ලොකු පොරක්. මෑන්ස් අහිසංක අපි වගේ නෙමේ, හෙන ඇඹල පාට් එකක් තිබුනේ. එක පාර පැනි හැලි ඔක්කොටම බහින්න වගේ පොර ගෑණුළමයි දිහා බලන්නේ. සමහර විට මෑන් එදාම හිරෙන් නිදහස් වෙච්ච පොරක්ද දන්නේ නෑ… ගෑණු පුළුටක් නොදැක අවුරුදු ගානක් ඉඳලා ඉඳලා ගෑණු පරානයක් දැක්කම මිසක් ඔය තරම් නලියන්නේ මොකටද නැත්තං…?

පස්සේ ඉතිං බස් එක ටික දුරක් යද්දි කෙල්ලෝ ටික ටිකක් සද්දෙන් එක පාරටම හිනා වුනා. ඒ සද්දේ ප්‍රමානේ කියනවනම්,

ගෑණු ළමයින්ගේහිනා සද්දේ  >= (මං අහ අහ හිටිය සිංදුවේ සද්දෙ + බස් එකේ ‘බෲම් බෲම්’ සද්දේ + වටපිටාවේ අනිත් සද්ද)

මාත්  ඉතිං බැලුවා ඇයි මේ එකපාරට කුමාරිහාමිලා ටික හිනා පහල කලේ කියල… අප්පා… මටත් එක්ක ලැජ්ජයි… මේං අර ලොකු බුවාගේ පිටේ ප්‍රයිස් ලේබල් එකක්…! මිනිහා මහ ලොකුවට පැනිය දාගෙන ඉඳලා තියෙන්නේ අළුත ගත්ත ටී ෂර්ට් එකේ “QC PASS” කියලා ටී එකේ ගානත් ගහලා තියෙන ලේබල් එක පිටින්මයි… ‍ඉතිං එබුවා අර කෙල්ලෝ ටික දිහා කන්න වගේ බල බල, යන්න ගිය ගමන පැත්තක තියලා ලැජ්ජාව වහගෙන බස් එකෙන් බැස්සේ මෙන්න මෙහෙමයි…!!! පොර බස් එකෙන් බැස්සා නෙමේ පැන්නා… පවූඌඌඌඌ….!!! තව සුට්ටෙං වාහනයකට අඩේකුත් තියනවා…!

මං නම් කියන්නේ කෙල්ලෝ ටික එහෙම නක්කලේට හිනා වෙච්චි එක සම්පූර්ණයෙන් වැරදියි. නැද්ද මං අහන්නේ… පවු අහිසංකයා…! ඌවැරදිලා හරි පොළොව පලාගෙන ගියානම් එහෙම…!

76 Responses to “ස්ටිකර් අයියා…”

  1. praveena Says:

    //ඇයි මේ එකපාරට කුමාරිහාමිලා ටික හිනා පහල කලේ කියල//
    එතන හිටපු ඔක්කොමලා කුමාරිහාමිලාද? 🙂

    හපොයි බස්වල යන ගමනුත් කරන්නේ කෙල්ලෝ දිහා බලන එක නේද? අනේ හැබෑට මෙහෙමත් කොල්ලෝ….. 🙂

  2. කිරිපුතා Says:

    කුමාරිහාමිලා ටික මෑන්ස්ව පීචං කොරලනෙ

  3. X-Porter Says:

    අපේ මාලුවා පවු ඌ ඌ ඌ ඌ……. මේ උදෙම්ම ඔක්කොමලමට කියන්නේ හරිය… මේක උනේ අපේ මාලුවට නෙමෙයි හරිය………නක්කලේ දාන්න එපා හරිය…….අපිට මල පනිනව හරිය………

  4. Observer Says:

    ඉයර් ප්‍රයිස් කියන්නෙ හාන්චි ප්‍රයිස් වගේ දෙයක්ද ?

  5. පන්සල් හංදිය Says:

    මල්ලි ෂුවර් එකටම මේක උඹට නෙමේනේ උනේ ……..

  6. හරී Says:

    කොයි හරියෙන්ද උඹ බස් එකෙන් බැස්සෙ?

  7. Praසන්ன Says:

    ඇයි මේ මාලුවට අන්තිමේ අනුකම්පාව පහළ වෙලා තියෙන්නෙ.
    ඒකෙන් අනුමාන කරන්න පුලුවං මේක මාලුවටම විච්ච දෙයක් කියල.

  8. පිණිබිඳු Says:

    මෙහෙමත් පැපරාසි. ඒ ටිකට ෆොටෝ එකකුත් ගහලා

  9. මාඩා Says:

    “පවූඌඌඌඌ….!!! තව සුට්ටෙං වාහනයකට අඩේකුත් තියනවා…!”

    කතා දෙකක් නැ අපිට මාලුවෙක් නැති වෙනවා…. 😀 😀 😀

  10. N.S.A. Niriella Says:

    එදාම හිරෙන් පැන්න එකාගේ සිට – පවු අහිංසකයා දක්වා…වූ වෙනස….!!??
    එතැන් සිට…”හෙන ගහන අපරාධයකට ” ගොදුරු නොවී, බාධා රහිතව….:P:P:P

  11. weniwel Says:

    බුවා හිතුවද දන්නෙ නෑනෙ ඒ ස්ටිකර් එකත් ටී එකේම කෑල්ලක් කියලා ?

  12. රූ Says:

    පව් අප්පා..ඇයි මාළුවෝ ඔයා ඒ අයියට උදව් නොකලේ..අයියෙ අයියේ QC pass පිටේ කියලා..

  13. අකීකරු හිත Says:

    දැන් ඔය පොටෝ එකේ ඉන්න කෙනාටද ඔය සිද්ධියට මුණ දෙන්ට වුනේ… පව් අප්පා…

  14. රාජ් Says:

    අඩේ මාර සීන්එකනේ…. කොහොමත් කෙල්ලන් ගොඩක් ඉන්නතැන පැණිහලනවනං “වැරදි අඩුපාඩු” අවම වෙන්න ඕන. නැත්තං සොරි තමයි.

  15. නවම් Says:

    //මෑන්ස් අහිසංක අපි වගේ නෙමේ, හෙන ඇඹල පාට් එකක් තිබුනේ.//

    හෙහ් හෙහ්… මේකව නොදැකපු උන්ට හොඳා ඒ පේලිය නම්. 😀

  16. henryblogwalker Says:

    ගෑල්ලමයි නගින වෙලාවට බස් එකේ නිදාගන්න එක හෙන ගහන අපරාදයක් කියලා මමත් හිතපු කාලයක් තිබ්බා, මාලු. උඹේ සද්ද සූත්‍රය නම් හරිම නිර්මාණශීලීයි. >= නැතුව > විතරක් තිබ්බනම් වඩා හරි නැද්ද?

  17. Harshana Says:

    ඔය ගෑණු ළමයි …..ස්ටිකරේට හිනා උනාට …… උන්ගේ ඇඳුම් පැළදුම් දැකලා යටි හිතින් කොච්චර හිනා වෙනවද කොල්ලෝ නම්….
    හැබැයි කොල්ලෝ එහෙම හිනාවෙන් නෑ… ෂුවර්

  18. සිතුවම් Says:

    හතර විලිලැජ්ජාවේ සංතෝශේ බැරුවා.

  19. Dinesh Umagiliya Says:

    හප්පේ.. වස ලැජ්ජාවක් නේ වෙලා තියෙන්නේ.. අර යටින් තියෙන පින්තූරේ නිසාම මේක මාළුවට උන දෙයක් නෙමෙයි කියලා පිළිගන්නවා… 🙂

  20. මඩිස්සලේ නිශාන් Says:

    කුමාරිහාමිලා ටික හොදට පොරගේ ශරීරෙ චෙක් කරලා තියෙනවා නැත්තන් ඔය සූටි ස්ටිකර් කෑල්ල දකීවි ඈ??

  21. හපා Says:

    අපෝ කොළඹ කෙල්ලොද ( කොළඹ කිව්වට කොළඹ-අවිස්සාවේල්ල, කොළඹ-ගම්පහ, කොළඹ-හොරණ) උන් ඔක්කොම එකයි

  22. මධුරංග Says:

    එදා ගාල්ලෙදිත් ඔහොම ස්ටිකර් සීන් එකක් උනා ලු නේ ?

  23. ඔබ නොදු‍ටු ලොවක් Says:

    අපේ එකෙක් දන්නේ නැතුව පස්ස පැලිච්ච කලිසමක් ඇඳං බස් එකේ ඇවිල්ලා…මිනිස්සු උගේ දිහා බලලා මූට තේරිලා නෑ….නුගේගොඩදී එකෙක් පෙන්නුවම දැක්කේ..පස්සේ සල්ලි එකතු කරලා බේල් කලිසමක් අරං දුන්නා…වැඩේ කියන්නේ ඌ යටට අඳින්නේ නැතීඑකෙක්….

  24. pissa palaamalla Says:

    ඈ බන් හිනා වුනැයි කියල බස් එකෙන් පැන්නෙ… අතුරු ආන්තරවක් උනානම් උබට…

  25. mohan kanishka Says:

    ubata hoda wede class iwara unama gedara yanne nathuwa pani halanna yanawata…. pawwwwwwwwwwwwwwwwwwww

  26. සාබිත් Says:

    ඒ වගේම තමයි බං ඉස්කෝල ඇරෙන වෙලාවට..සුදු ගවුමක් දැක්කම හිතට දැනෙන සනීපෙ කිය…ලා වැඩක් නෑ! 🙂

  27. Makulu Panchi Says:

    හොඳ වැඩේ…ඔය ඕන්නැති ඇඩ් දාන කොල්ලන්ට…ඔහොම වෙලා මදි… 😛

  28. Dulip Sikurajapathy Says:

    රුක් ෆෝලිං මෑන්ට බුල් පෝකිං වගේ වැඩක්නෙ ඒ අසරනයට වෙලාතියෙන්නෙ . . . කෙල්ලො නක්කිය දැම්ම මදිවට මේ යකා පොටෝත් ගහල


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: