එම්ප්ලෝයි බෙනිෆිට්ස්….

ඔය එම්ප්ලෝයි බෙනිෆිට්ස් කියන්නේ, යම් සේවකයෙක් වැඩ කරන ආයතනයකින් සේවකයාට ලැබෙන්න ඕනේ වරප්‍රසාද වලට. මං ඉතිං තාම ආසාවට එක පාරක් වත් වෘත්තිය සමිතියකට සම්බන්ධ වෙලා හිටියේ නැති නිසා ඒ ගැන මහා ලොකුවට පම්පෝරි ගහන්න දන්නේ නෑ.  ඒත් ඉතිං අපේ චූටි මොල වලට තේරෙන විදියට මං හැදුවා එම්ප්ලෝයි බෙනිෆිට්ස් ලෑස්තුවක්. මේකට මට අපේ ඔෆිස් එකේ අයත් සෑහෙන්න උදවු කලා. ඒ වගේම මේ වරප්‍රසාද හා චූටි නීති මාලාව තනිකරම සැකසෙන්නේ ස්වාභාවික පරිසරය ආශ්‍රිතව. මොකද ඉතිං අපි හැමෝම වගේ පරිසරය ගැන ගොඩක් හිතන නිසා. අනික අපි හැමෝම සොබාදහමට පට්ට ආදරෙයිනේ ඉතිං…!!!

  1. ආයතන ඉඩමේ වැවෙන, කඩන්න පුළුවන් මානයේ තියෙන නැවුම් පළතුරු තනිකරම සේවකයා සතු විය යුතුයි. ‍(සේවකයන් අතරින් කාර්යයාල අංශයට සෑම විටම මුල් තැන ලැබිය යුතුයි.)
  2. කඩන්න බැරි උසකින් තියෙන පළතුරු වර්ග කැඩීමට සෑම විටම ආරක්ෂක අංශයේ සහයෝගය ලැබිය යුතුයි.
  3. දිවා කලදී එකදු කුරුල්ලෙකුටවත්, හෝතම්බුවෙතුටත්, ඔර්සමටුල්ලෙකුටවත්, අඩුම වශයෙන් හැකරැල්ලෙකුවත් පළතුරු වලට බඩු බනිස් කිරීමට ඉඩ නොතිබිය යුතුයි. මෙය සෑම විටම ආරක්ෂක අංශයේ රාජකාරියක් වනවා සේම පලදාව නෙලා ගත් විට ආරක්ෂාව සැපයීම වෙනුවෙන් අදාල කොටහ ලැබෙන ඇති.
  4. ආයතනය අවට ගෙවල් වල මුල් තියෙන මුත්, අතු හා පළදාව ආයතන‍ය පැත්තේ ඇති ගස් වලින් වැටෙන කොල ගැන වැඩි යමක් නොසිතා අනාගත වාසි ගැන පමණක් සිතා නිවැසියන් සමග ආරවුල් ඇති කර නොගෙනසෑම විටම සමාකාමීව සිටිය යුතුයි. මෙයද ආරක්ෂක අංශයට හා පිරිසිදු කිරීමේ අංශයට තමන්ගේ වරප්‍රසාද ඉහල නංගවාගැනිමට හැකි ‍හොඳම අවස්ථාවක් කරගත යුතුයි.
  5. රෑට රෑට තැඹිලි ගස් වල නිකං හැදෙන තැඹිලි නිකංම බිමට වැටෙන විට ආරක්ෂක අංශය ඒ ගැන සොයා නොබලා තමන්ගේ පාඩුවේ නිදාගැනීමට තරම් කාරුණික විය යුතුයි.
  6. අවශ්‍ය වුවහොත් පමණක්මන්න පිහියක් සැපයිය යුතුයි. (කාර්යයාල අංශයට)
  7. ආයතනීය වත්ත පිටුපස ඇති මඥ්ඥොක්කා ගාල ගැන හොඳ හෝදිසියෙන් සිටිය යුතු අතර වල් කැත ඌරු මීයෝ රෑනට ඉක්මනටම ගේමක් දිය යුතුයි. එමෙන්ම කාර්යයාල අංශය වැඩ අධික වී මහන්සියෙන් රෑට – නයිට් කරන විට මඥ්ඥොක්කා තම්බා දී ඔවුන්ට සහයෝගය දිය යුතුයි. එයින් කොටසක් ආරක්ෂක අංශයටද හිමියි.
  8. පොල් / තැඹිලි ගස් අසල ඇති පොකුණ අලංකාරවත්ව තබා ගැනීමට පිරිසිදු කිරීමේ අංශය ඇප කැප විය යුතුයි. එම ස්ථානය හැම දෙනාටම යහපත් මානසිකත්වයක් ඇති කරන නිසාවෙන් ඒ ගැන වැඩි පුරම සොයා බැලිය යුතුයි.

ඔය වගේ තව දිග ලිස්ට් එකක් තිබුනට ලියන්න නිංක මොකද්ද මොකද්ද වගේ… මං මේ කොහොම හරි ට්‍රයි කොරන්නේ ඔය වරප්‍රසාද වලින් දෙක තුනක් වත් සදහටම රැකගන්න.

ආයතන දියුණු කරන්න නම් අපි ආයතනයේ ස්වභාවික පරිසරය ගැනත හිතන්න ඕනේ. පලදාව බේරෙන ගස් ගැන එහෙම වැඩිපුර හිතන්න ඕනේ. අපිට කලිං පරම්පරාව ඒවා හිටෙව්වේ අපි වගේ ළමයින්ට භුක්ති විදින්න… නැද්ද මං අහන්නේ. ඉතිං එව්වා කාලා අපිත් අඩුම ගානේ ජම්බු පැලයක් හරි හිටවන්න හිතට ගන්න ඕනේ ඊලඟ පරම්පරාව වෙනුවෙන්…!!!

54 Responses to “එම්ප්ලෝයි බෙනිෆිට්ස්….”

  1. weniwel Says:

    අප්පට සිරි මේ තියෙන්නෙ මමත් හොය හොයා හිටපු එකක්..අධ්‍යක්ශ නිල නිවස අවට ඇති පලතුරු ගස් වල ගෙඩි කඩන විට ඔහු නොදැක්කා සේ සිටිය යුතුයි.. කියලත් එකතු කරලා මම හෙටම මේ ඉල්ලීම් ටික දිනා ගන්ඩ උද්ගෝශනය කරනවා !

  2. maathalan Says:

    උඹ වැඩ කරන්නේ වන සංරක්ෂණ අමාත්‍යංශයේද….

  3. නිසපු Says:

    මේ…රස්සාව නැතිකරගන්නවත් අදහසක් තියෙනවද අයියෝ……????

  4. ChammA Says:

    මට හොදටස සුවර් කලින් තැබීලි බීපු මිෂන් එක සහ මේ පොස්ට් එක අතර දරුණු සම්බන්ධයක් තියෙන බවට !!!

  5. පන්සල් හංදිය Says:

    අයියෝ උඹ වැඩ කරන තැන අහල පහල වතුවලට අබ සරණයි ………

  6. ඔබ නොදු‍ටු ලොවක් Says:

    වෙඩි කන්න වෙයිද දන්නෑ මේවා ඉල්ලන්න ගිහිල්ලා මාළුවෝ…..

  7. යැන්කි Says:

    ආයතනයේ තාප්පය මතට වී අල්ලපු ගෙදර ගස්වල ඇති පලතුරු කැඩීමත් සේවක වරප්‍රසාදයක්. එතකොට ගෙදර කට්ටිය ඒවා දැක්කෙ නෑ වගේ ඉන්න ඕනි. (අපි රාජකාරිය කරනකොට කෙල්ලො ඒ ළඟට ඇවිල්ලා නාන්නත් හොද නෑ)

  8. ගිනිකුරුල්ලා Says:

    සා. මාළුවට වගේ ටිංකිරි මොලයක් ඔෆිස් එකේ ලොකුම ලොක්කටවත් නැතුව ඇති නෙහ්?

  9. රුචා Says:

    අපිට ඉතින් හුලන් තමයි. අහල පහලක රට ඉදි ගහක් වත් නෑ 😦

  10. X-Porter Says:

    ආං අර රුවා කිවුව වගේ අපිට ඉතිං *කේ වැලිතමයි. රට ඉඳි ගහක් තියා ඇටයක්වත් නෑ…. ඉතිං අපිට හරියන්නේ අහල පහල පාවෙන වැල සම්බන්ධයෙන් හදාපු එකක් තමයි. මාලුවො ආං ඒවගේ එකක් හදාපංකො උඹට එන ආත්මෙ වැල පාත්තියක්ම ලැබෙනව…

  11. Observer Says:

    මාළුවට පොකුණ විතරක් මදිද ?

    මාළුවෙක්ගෙන්ම අහන්න ඕනෙ ප්‍රශ්නෙකුත් මතක් වුනා…
    ඇත්තද මාළු නිදා ගන්නෙ නෑ කියන්නෙ ?

  12. හරී Says:

    ‘ඔර්සමටුල්ලෙකුටවත්’
    මේ මොක්කුද බං?

  13. රූ Says:

    මේක කියවන කොට මට හිතුනෙ හොරෙන් තැඹිලි බීපු ප්‍රොජෙක්ට් එකේ අපි නොදන්න පැත්තකුත් තියනවදෝ කියලා..!!

  14. දොඩං Says:

    මූ මේ හදන්නෙ රෑට රෑට හොරාට බීපු තැඹිලි ටිකත් නැති කරගන්න. අනේ සාදු… 😛

  15. පැණි දොඩම් Says:

    කොහෙද යකෝ නැවුම් පළතුරු වැවෙන ඔෆිස් තියෙන්නේ.

  16. මධුරංග Says:

    මාත් මේ ටික ප්‍රින්ට් කරගෙන ගිහින් බොස් ගේ කැබින් එක ඉස්සරහාට වෙලා උද්ඝෝෂණයක් කරනවා !

    “……ඔර්සමටුල්ලෙකුටවත්…..”
    මේ මොකාද මේ ? මාළු අයියෑ අළුත්ම කාඩ් එකවත් ද ? 🙂

  17. හිස් අහස Says:

    මම මේ ඉල්ලීම් ටික අරගෙන ගිහින් අපේ කට්ටියගේත් අනුමැතිය අරගෙන සුබ මොහොතින් මගේ බොසාට ඉදිරිපත් කරනවා . ! මෙච්චරකල් අපි මේ දේවල් කලේ පන බයෙන් නෙව ? දැන් මොකටද බය වෙන්නේ මේක සම්මත කරගත්තානම් අහවරයිනේ

  18. henryblogwalker Says:

    දෙන්නං ජම්බු!
    මට පේන්නෙ මේකා එක්කො පොල්වත්තක ගස් නගින්නෙක්, නැත්නම් ජෑම් ෆැක්ටරියකට අයිති පළතුරු වත්තක පළතුරු නෙලන්නෙක්. ඒ දෙකම නැත්නම්… එක්කො ඕනෙ නෑ.
    henryblogwalker the Dude

  19. Makulu Panchi Says:

    අයියෝ…හෙට අනිද්දට වතු පාලුවා කියල නමකුත් වැටෙනව ශුවර්.. :ප්

  20. dinesh umagiliya Says:

    සම්පූර්ණ ඇත්ත.. අපෙත් ෆාමසිය පිටිපස්සේ තියෙන දොඩම් ගහේ සම්පූර්ණ අයිතිය අපිට තමයි.. ඕකෙ වැඩෙයෙන්ම කන්නේ මේ මම තමයි..

  21. කෙෂාන් විදුරංග (විද්දා) Says:

    තමන්ගේම පල පොරෝජනේට විත්‍රක් ගත්තු මරුම වරප්‍රසාද ටිකක්…. සික් මාළුවෝ මේක පට්ට පදිරියි බං… බොලැයි වර-ප්‍රසාද වලට ආරස්සක අංසෙං මාර සප් එකක් ලැබෙනෝ නේ…???

  22. pissa palaamalla Says:

    උබ කොහෙද බන් වැඩ කරන්නේ ??? වතු පාලුවන්ගේ සංගමේ සබාපතිද මන්ද මූ


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: