මගේ යාලුවෙක්ගෙන්, මං ගැන, අපේ අම්මට ලියුමක්….!!!

මුලින්ම මේක කියවලා ඉන්න. කිසිම වෙනස් කිරීමකින් තොරව අපේ අම්මගෙන් මගෙ අතට ලැබුන විදියටම මං ලියලා තියෙනවා.

******

 හිතවත් ඇන්ටි…

මම  ප්‍රසන්නගේ යාළුවෙක්. ඇන්ටි මාව අඳුනනවා. නමුත් ඇන්ටිට මේ ගැන කියන්න ක්‍රමයක් නැති නිසයි, මේ විදියට ලියන්න සිද්ද උනේ. මට කියන්න තියෙන්නේ ප්‍රසන්න ගැනයි.

ඇන්ටි ප්‍රසන්න ගැන මීට වඩා ටිකක් හොඳට හොයල බලන්න. මේ මෝඩයා කෙල්ලෙක් නිසා පිස්සු නටනවා. මට දැනගන්න ලැබුන විදියට කෙල්ල **** කියල මිස් කෙනෙක්ගේ දුවෙක්. මට නම් ඒ ගෙදර එවුන්ව පේන්න බෑ. මහ ලොකු වංශෙන් හිතන්නේ. ඒ කෙල්ල නම් කොහොමත් ප්‍රසන්නට ගැලපෙන්නේ නෑ. ඒ කෙල්ල ගැන මං දන්නවා. මහම මහ ආඩම්බර පණ්ඩිත කෙල්ලෙක්. මං දන්න විදියට ඒ කෙල්ල කැම්පස් යන්න හදන්නේ. කොහොම උනත් ඇන්ටි මේ ගැන ප්‍රසන්නට හොඳින් අවවාද කරන්න.

මොන ක්‍රමයකින් හරි මේ මගුල සිද්ද උනත් ප්‍රසන්නට ඉන්න වෙන්නේ නිවට කොන්ද පන නැති මිනිහෙක් විදියට. ඒ කෙල්ල කවදාවත් මූට සලකන්නේවත්, ගණන් ගන්නේවත් නෑ. නිකං පාච්චල් වෙනවා. මං හිතන්නේ ඒ කෙල්ල මේකට බැනලත් තියෙනවා. එහෙම තියෙද්දිත් ලැජ්ජ නැතුව තවත් පස්සෙන් යනවා.

කරන්න තියෙන්නේ මේකට ආදරෙන් කියල දෙන්න ඒක එයාට ගැලපෙන්නේ නෑ කියලා. ඇන්ටි හිතනව ඇති පොඩි පුතා ඇන්ටිට සලකයි කියලා. එහෙම හිතනවනම් මේ ටිකත් දැන ගන්න. ප්‍රසන්නගේ මල්ලි හොඳම වර්ගයේ බේබද්දෙක්. මේ ගැන ඇන්ටි නොදන්නව උණාට මං දන්නවා. ඌට හොඳට බොන්න නම් උගන්නන්න දෙයක් නෑ. ඒ අතින් ප්‍රසන්න නම් ටිකක් හොඳයි. එක අතකින් ඌ පව්. ඌ හොයන්නේ ආදරය. මාත් එක්ක කියල තියෙනවා අපේ අම්මට මං ගැන කිසිම ගානක් නෑ කියලා. එහෙම නම් ප්‍රසන්නගේ ජීවිතයට සම්පූර්ණ වගකින්න ඕනෙ ඇන්ටි බවත් මතක තියාගන්න. ඒ නිසා අම්ම කෙනෙක් විදියට විශේෂයෙන් ආදරණීය අම්මා කෙනෙක් විදියට ඌව හොඳ මාර්ගයට ගන්න.

*******

මේක අපේ අම්මගේ නමට තැපැල් කරලා තියෙන්නේ මගේ හොඳම යාළුවා. වැඩිය ඕනේ නෑ මේ ලියුම ලියන්න කලින් දවසෙත් එකට බියර් එකක් හිස් කරපු මට ඉන්න හොඳම යාළුවා කියලා හිතාගෙන හිටිය යාළුවා.

අද ගෙදර ගිය ගමන් අම්මායි තාත්තයි, මාත් එක්ක යශෝධරා ගැන කතා කලා. එයාල පුංචි කාලේ ඉඳන් දන්න ඒ හා පැටික්කි ගැන ආයේ මගෙන් අහන්න දෙයක් නෑ එයාලට. ඒ ගතිගුන ගැන අම්මලා දන්නවා. ඒකි  ආඩම්බරයි… පණ්ඩිතයි… තමා. ඉතිං මං ඒ ගති ගුන වලට පට්ට ආසයිනේ. මම දන්නේ නෑ ඇයි මේ වගේ යාළුවෝ මට හම්බුනේ කියලා. මං ගැන සෑහෙන්න හිතනවා. මගේ බ්ලොග් එක බලන අය මගේ යශෝධරාවත කියල එකක් කියෙවුවට මේ යාළුවා එහෙම එකක් ගැන දන්නේ නෑ. ඌ දන්නේ ඒකි මාත් එක්ක නඩුවක් දාගත්තම මම ෆෝන් එකෙන් නඩුකාරිත් එක්ක කතාකරන එව්වා විතරයි. ඒ හැම නඩුවක්ම රොමැන්ටික් නඩු කියලා මගෙ යාළුවා තේරුම් අරගෙන නැති හැටි…!!!

කමක් නෑ ඌ මං ගැන සෑහෙන්න හිතලා තියෙනවා. බලන්න ඉතිං මායි මල්ලියි බොන එක ගැනත් කියලා. මටයි මල්ලිටයි මේ යාළුවව අමුත්තෙක් නෙමේ. අපි තුන් හතර දෙනෙක් සෙට් වුනාම එක එක දේවල් කතා කරනවා. හිටි ගමන් ඉතිං මල්ලිත් මාත් එක්ක සෙට් වුනාම ඔය බොන එක ගැනත් කතා කරනවා. ඒ ගැන තමා පොර ලියලා තියෙන්නේ. හික්ස්…. ඌ දන්නේ නෑ, අපේ ගෙදරින් මං ඉඳලා හිටලා බියර් එකක් බිව්වට බනින්නේ නැති විත්තිය.

මල්ලිත් හැම දාම වයින් ස්ටෝර්ස් එකට යන්නේ නෑ. ඉඳලා හිටලා… අර කියන්නේ තැනේ හැටියට කියලා… ආං එහෙම පොරත් සෙට් වෙනවා. එකේ වැරැද්දක් මං දකින්නේ නෑ. කාටවත් කිසිම කරදරයක්  නැත්තං තමන් ගැන තමන්ට බලාගන්න පුළුවන්නම් ඇයි බොන එකේ වැරැද්දක් දකින්නේ.

අපේ අම්මට මං ගැන කිසිම ගානක් නැහැ කියන එකෙන් පොර මොනා අදහස් කලාද දන්නේ නෑ. හැබැයි මං ඌට එහෙම කිව්වනම් කියන්න ඇත්තේ… අපේ අම්ම මට වැඩිය නීති දාලා නෑ බං කියන එකම තමා වෙන විදියකට. මගේ කිලිටු රෙදි තියෙනවා බලාගෙන ඉන්න බැරිනම්, උදේ පාන්දර නැගිටලා මට කිරි එක හදලා දීලා, කෑම ලෑස්ති කරලා දෙනව නම් එතෙනින් එහාට කිසිම ගානක් නැහැයි කියන්න හේතුවක්…? අනේ මන්දා. ඇත්තටම මං ගැන මේ බ්ලොග් එක තුලින් කියවලා, මාව දකින්නේ නැතුව හරි මාව තේරුම් ගත්ත අයත් එක්ක බලද්දි, මගේ යාළුවා හොඳම හොඳ පොරක්. මං තව අවුරුද්දක් ජීවත් වුනත් 100ක් ජීවත් වුනත් මගේ ආශ්‍රෙයන් අයින් කරන්න ඕනේ එකෙක් ගැන හොඳම පැහැදිලි කිරීම මට උගේ අත්අකුරින්ම දෙන්න තරම් පොර කාරුණික වුනා.

මට මේක එවපු යාළුවගේ අත් අකුරු අරුමයක් නෙවෙයි. මොකද මමයි මූයි එකට ටියුෂන් ක්ලාස් වල අකුරු ලිව්වේ. උඹ නමක් නැතුව ලියුම එවුවට අපේ අම්ම ඒක කියවලා මගෙන් විස්තර ඇහුවට, මං මොකටෙයි බං තරහ වෙන්නේ. උඹට ඕනේ වෙලාවක මට කෝල කරපන්, අපේ ගෙදර වරෙන්… කිසි ප්‍රශ්නයක් නෑ බං. හැබැයි මචං මට ආයේ මගේ හුස්ම වැටෙනකං උඹලාගේ ගෙදර එන්න කියන්නවත්, බොන්න යන්නවත් අඩුම ගානේ උඹත් එක්ක කොහෙවත් යන්නවත් මට කතා කරන්න එපා බං. මොකද මං බයයි උඹට. උඹ යාළුවෙක් වුනා තමා. ඒත් දැන් ඒ බැඳීම බැඳිලා. හරියට වීදුරුවක් බිම වැටුනා වගේ. ආයේ උඹට කවදාවත් ඒක එකතු කරන්න බෑ. අපේ අම්ම මට අද පැහැදිලි කරලා දෙනකං මට තේරුනේ නෑ මචං උඹ මගේ කුමාරිකාවටත් ඇහැදාගෙන හිටිය බව.

යාළුවෝ ගැන කියලා දුන්න උඹට රොම්බ තෑන්ක්ස් මචං…!!!

මේක බ්ලොග් එකේ දැම්මේ උණු උණූ ත්‍රාසජනක සීන් එකක් බෙදා ගන්න නෙවෙයි. බොහොම කූල් එකේ ගෙදර මිනිස්සු එක්ක වත් මේක එවපු එකා එක්ක වත් කිසිම ගැටලුවක් ඇති කරගන්නෙ නැතිව දන්න නොදන්න ගානට ප්‍රශ්නේ බේරගත්ත එකේ සතුට සමරන්න. ඔයගොල්ලොත් ටිකක් පරිස්සමෙන් කල්පනාවෙන් ඉන්න. යාළුවෝ වගේ ඉන්න එක එක මිනිස්සු අපි අතර ඉන්නවා. මේ තමා මට මෙච්චර කාලෙකට හම්බුවෙච්චි හොඳම යාළුවා. ඇයි දන්නවද..??? දැන් ඉතිං මට අර කලින් කිව්වත් වගේ පාප මිත්‍ර සේවනයෙන් වැලකිලා ශේප් එකේ ඉස්සරහට ජීවත් වෙන එක දවසක් හරි හිටියෑකි. පොර ගැන මං ලියපු පෝස්ට් එකක් මේ…. මූ මාව පාව දුන්නට, පොරගේ කතාව මෙතනින් එහාට මේකෙ ලියන්නේ නෑ….

 

76 Responses to “මගේ යාලුවෙක්ගෙන්, මං ගැන, අපේ අම්මට ලියුමක්….!!!”

  1. පූසා Says:

    ඇඩෙනවා ඇස් දෙකෙන්ම. යකෝ මං හිතුවේ මේ දෙක වසරදිවත් උන සිද්ධියක් කියලා. නොදකින් ඔය වගේ ළදරු වැඩ කරන යාළුවොත් උඹට ඉන්නවද බං…
    අමතක කරලා දාපං
    වරෙන් බං අපිත් එක්ක සෙට් වෙන්න. උඹ දන්නවනේ අපි ගැන… බීලා මොන දේ කිව්වත් එවෙලට විතරයි ආයේ පිට යන්නේ නෑ! 😀

  2. ඔබ නොදු‍ටු ලොවක් Says:

    යාළුවෝ කියන එවුං විස්වාස කරන්න බෑ මචං…එක එකා එක එක කොලිටියේ..හොඳ පාඩමක් මේක…..මගෙත් යාළුවෙක් කියලා හිතපු එකෙක් ගෙදරට කෝල් කරලා ඔය වගේ ගින්නක් දීලා ආයි ඔය වගේ වැඩ නොකරන්න පාඩමක් ඉගැන්නුවා…කොයිකටත් පරිස්සමින් ආශ්‍රය කරන එක තමා හොඳ…

  3. නඳුන් උයන Says:

    බලපන් ඔය යකා යසෝදරාවටත් ලියුමක් ලියලද දන්නේ නෑ…
    හොඳ වැඩේ මාලුවට 😛

    මම දන්න යාලුවෙකුත් ඔය වගේ වැඩක් කලා… ඒ කලේ නම් යාලුවව හදාගන්න තියන ඕනේ කමටමයි… එයා කැම්පස් ලෙක්චස් තියන දවස් වලට ලෙක් එන්නේ නැතුව ගමට වෙලා හිටිය.. අපි කොච්චර කියුවත් ආවේ නෑ.. යාලුවට කියල, කියල බැරිම තැන ගෙදරට කෝල් එකක් ගත්තේ අපේ තවත් යාලුවෙක්.. බලපුවහම මේ යකා ගෙදරට කියල තියෙන්නේ කැම්පස් වහල කියල… හැබැයි ඒ ඇන්ටිටත් බැරි උනා පුතාව හරියට කැම්පස් එවන්න…

  4. ගිනිකුරුල්ලා Says:

    :O අනේ මන්දා බන්. සත්තුන්ගෙන් නරකම සතා මනුසතා කියනවනේ…

  5. ලහිරු Says:

    මම හිතුවෙ ම ආතල් එකක් කියලානේ… මූව නම් කාලත් මදි මම හිතන්නේ! එක අතකට දැන්වත් මෑන් ගැන දැනගත්ත එක ලොකු දෙයක්, ඉස්සරහට වත් බේරිලා ඉන්න!

  6. අබරන් සීයා Says:

    මම නම් හිතන්නේ මු හොද එකෙක් …. මෙහෙමය් මිනිස්සු තේරුම් ගන්න විදිහ වෙනස් නේ … අනික් එක මු අම්මට නේ එවල තියෙන්නේ …. මුගේ අකුරෙන්ම ලියල … කලපත්තරයක් ගහල නෙවි නේ … මට නම් හිතෙන්නේ මු මේ ගැන වෙන කාටවත් කියන්නත් නැතුව ඇති … උබ මොඩය වගේ මේක පබිලිස් කොරට …. ටිකක් අමුතු ඩයල් එකක් තමා … ඒ උනාට හිත හොද එකෙක් වගේ

    • ගෝල්ඩ් fish Says:

      උගෙ හිත ගැන මං හොඳට දන්නවා. මාත් එක්ක ෆිට් වෙන්න කලින් ඌ යාළු වෙන්න ගිය කෙල්ල වෙන කොල්ලෙක්ට කැමැත්ත දුන්නා කියලා කෙල්ලගේ ගෙදරටත් කොල්ලා ගැන කියලා මේ වගේ ලියුමක් ගිහිං තියෙන බව උගේ ස්කෝලේ ගුරුවරුම මාත් එක්ක කියලා තියෙනවා…

  7. dinesh umagiliya Says:

    හපෝ මටත් ඔය වගේ අත්දැකීමක් ලගදි උනා.. මමත් මගේ හොදම යාළුවා කියලා හිතන් හිටපු මනුස්සයා කියලනේ මට ෆේස්බුක් එකේ කෙල්ලෙක් ඉන්නවා කියලා අපේ ගෙදරට.. ඔහොම තමයි මිනිස්සුන්ගේ හැටි.. ඕක උනේ මම ලංකාවට ගිහින් ආපුම ගමන් වගේ.. පස්සේ හොයාගෙන යද්දි තමයි හේතුව අහු උනේ.. මම පොරට බෝතලයක් දුන්නේ නෑ කියලනේ ඔහොම කියලා තියෙන්නේ..

  8. winchat kirilli Says:

    අපි දන්න ගොඩාක් දුප්පත් අහිංසක පැමිලි එකක් උන්න..ඒ ගෙදර පිරිමි කෙනා ඇක්සිඩන්ට් වෙලා වැඩ කරන්න බැහැ කවදාවත්,දරුවො 4. ජීවත්වෙන්න හිඟානොකා හිඟා කැවා…අපේ අම්ම ලංකාවෙ අම්ම වැඩ කරපු තැන සුලු ජොබ් එකක් අරන් දුන්න ගැහැනු කෙනාට….ජොබ් එකට ගියෙ අම්මට දන ගහල වැඳල…මාස දෙකක් ගියෙ නැහැ අම්මට විරුද්ධව ලියුමක් ලියල එතන කාටද දීල ඒක අපේ අම්මගෙ අතටම ආපසු ආව……ඉතින් බලන්න මෙහෙමත් කැත මිනිස්සු… අපේ අය විතරයි ඔය වගේ දේවල් කරන්නෙ..අපිට ඔය වගේ අත්දැකීම් මෙහෙදි අහන්න වත් දකින්න වත් ලැබුනෙ නැහැ…

  9. sachith Says:

    ඔහොම තමයි ගෝල්ඩ් fish අය්යා සමහර යාලුවො….මගෙත් හොදම යාලුවෙක් වෙලා හිටිය එකෙක් මට දුන්නා නියම ගේමක්..ඒත් අපෙ අම්මලා වැඩිය කලබල වෙන්න ගියෙ නැති නිසා අව්ලක් උනේ නෑ…

  10. haree Says:

    මේ ලියුම කියෙව්වම නම් මට මුලින් හිතුනෙ.. මිනිහා හොඳ එකෙක් වෙන්න ඇති උඹට කරදරයක් වෙන්න යන එක වළක්වන චේතනාවෙන් ලියන්න ඇති කියලා…

    ඒත් මුල් ලිපිය කියෙව්වට පස්සේ..ඌ උඹටත් කෙළවන්න යනවද කියලා හිතුනා..

  11. Chanaka Says:

    මේ වගේ යාලුවොත් ඉන්න්වා තමයි නමුත් මට නම් වැදගත් වෙන්නේ මේ ප්‍රශ්නේ කූල් එකේ විසඳගත්තු එක ගැනයි.. ඒ අතින් උඹගේ දෙමව්පියෝ උඹව හොඳට තේරුම් අරගෙන තියෙනවා..ඉස්සරහට මොන දේ උනත් උඹ එක්ක ඒගොල්ලෝ ඉන්නව කියන එක මේකෙන් පැහැදිලි වෙනවා..

  12. Observer Says:

    අන්න නියම යාළුවො….හෙහ්…හෙහ්….

  13. රූ Says:

    ඔයාගෙ අම්මයි තාත්තයි ගැන නම් හරිම ආඩම්බරයි මලේ..ඇත්තටම ලොකු පුතාලා දෙන්නෙක් ඉන්නවා කියලා හිතාගෙන ප්‍රශ්නෙ ඔයත් එක්ක කතා කරල තියෙන්නේ..
    කොච්චර යාළුවො හිටියත් දෙමව්පියො වගේ නෑනෙ කියල තියෙන්නෙ කට කහනවට නෙවේ…

  14. බීටා Says:

    අනේ… මෙහෙමත් යාළුවෝ…..
    මොකා අස්සරේ කොලත් හොයලා බලලා ලං කර ගන්නව නම් හොඳා

  15. Gayan Rupasinghe (සිංහයා) Says:

    හුනා කිව්වා වගේ කියන්නම්… ඕක අනිවා එවල තියෙන්නේ කෙල්ලෙක්… මෙන්න කැට….

    ජය…

  16. Gayan Rupasinghe (සිංහයා) Says:

    හික් හික්.. යකෝ මම වැරදි නේ,,, කොල්ලෙක් එවපු ලියුමක්…අනේ මන්දා බං.. ඒකා උබේ කෙල්ලෙටත් ඇහැ දාන් උන්නු ගොබිලයෙක් ද?,,,, උබටත් වෙන වැඩ…

    ජය…

  17. පෙදරේරුවා ‍නොහොත් මේසන්බාස් Says:

    අර ජාතක කථාවකත් තියෙනවානේ නිදාගෙන උන්න රජතුමාගේ අඟේ වහපු මැස්සාව මරන්න, කඩුවකින් තොටාපු වදුරු යාළු‍වෙක් ගැන.

    මට හිතෙන්නේ මූත් ඒ ජාතියේ, චේතනාව හොදයි. ඒත් ක්‍රියාත්මක වෙච්ච ආකාරය තමයි වැරදි.

  18. mohan kanishka Says:

    mama letter eka ewanna kalin welawata pora eka ewwe…. mamath ewwanam aparade mage salli

  19. අකීකරුහිත Says:

    අයියෝ දෙකයි පණහේ වැඩ කරන යාළුවෙක්නේ අප්පා.. හරි යාළුවෙක් නම් ඔය ටික ඔයාගේ මූණටම කියන්න හයියක් තියෙන්න ඕනේ.. කොකටත් පරිස්සමින් හැමකෙනෙක්වම ආශ්‍රය කරන්න

  20. හිතහොඳ පිස්සා Says:

    බුදු අම්මෝ අපිත් යාලුවොන්ට පණ දීගෙන ඉන්නෙ..මේ වගේ වැඩක් වුනොත් මරාගෙන මැරෙන්න වෙන්නෙ…ප්‍රසන්න අයිය ඔහොමවත් ඉවසනව ඇති…:(

  21. sarath Lankapriya Says:

    මේ වගේ යාළුවො ඉන්නකොට තව හතුරෝ මොකටද ?
    මැරෙන්න දවසකට කලින් හරි හඳුනාගන්න ඒක වැදගත්..

  22. පැතුම් Says:

    ඔයින් ගියා මදැයි

    අඟේ ඉඳන් කන කන පාප මිත්‍රයෝ නැති ලෝකෙක උපදිවා කියල තමයි මාත් උදේ හවස ප්‍රර්ථනා කරන්නේ.

  23. සිතුවම් Says:

    හපොයි බං උඹටත් ඉන්න යාලු මාළුවෝ

  24. නිකමා Says:

    මූ ගැන ඇයි බං උබට මීට කලින් තේරුම ගන්න බැරි වුනේ?.

  25. henryblogwalker Says:

    මූ නම් ගෑණු නැකතක ඉපදිච්ච පිරිමියෙක්.

    henryblogwalker the Dude

  26. henryblogwalker Says:

    ඒ මාලු. ඒ ඒ යාලුවනෙ. එතකොට අර ලොකු ජෝන්ගෙ බ්ලොග් එකේ මාලු ටැන්කියෙ පෝස්ට් වලට වෙනම බොක්ස් එකක් තියෙන්නෙ ඒ මාලුගෙ හොඳම යාලුවෙක්ද නැත්නම් ලොකු ජෝන් කියන්නෙ මාලුමද?

  27. Bunny Says:

    යකෝ මම හිතුවෙ මෙහෙම සීං වෙන්නෙ ෆිල්ම් වල කියලා..
    ඌ උඹට වඩා ආදරෙ ඇති උඹේ සිහින කුමාරිට 😀 😀
    ඔන්න අදුර ගනින් යාලුවො කියන උං.!! හොද උන් අදුර ගන්න අමාරුයි බං.. මොකද නරක උන් ඉන්නෙත් හොද උන් විදියට නිසා..!!

  28. arunishapiro Says:

    //උදේ පාන්දර නැගිටලා මට කිරි එක හදලා දීලා// බලාගෙන ගියාම තාම කිරි බොන පොඩි එකෙක් ව කොහොම ද //හොඳම වර්ගයේ බේබද්දෙක්// කියන්නෙ??

  29. Y2K Says:

    මාත් කියවන් යද්දි හිතුනෙ පොඩි කාලේ සිද්ධියක් කියලා, යකෝ මේ වයසෙත් ඔහොම වැඩ කරන එව්වො ඉන්නවද බොලේ. . . . :O

  30. X-Porter Says:

    අන්න බලහං යාලුවො….”යාලුවො…මාලුවො.. යාලුවෝ…..” ඕක මූනටම කියන්න ආවනං වචන අතමක වෙන්න තිබ්බ… අදහස නිවැරදිව පොරකාස නොවෙන්න තිබ්බ… තව එක එක ලබ්බවල් වෙන්න තිබ්බ… ඒ නිසා.. ඒක පැහැදිලිව කොරමවත්ව නියම යාලුවෙක් විදිහට මවු පියන් දැනුවත් කොරල…බලහං කොච්චර වැදගත්ද..තොට තේරෙනවයි ඕව….. තව ඔය වගේ චීත්ත දෙක තුනක් හොයාගං… උඹට හොඳ අනාගතයක් හදාගන්න ඕන්නං….

    යකෝ ගෙදට්ට ගිහිං හරි ගෙදට්ට ගෙන්නල හරි දීපංකො දෙකක් මූන ගලෝලයන්න….බල බල ඉන්නෙ (හැබැයි දෙකට වඩා දෙන්න එපා හරිය..)

  31. මන්තරකාරි Says:

    මං හිතුවෙ විහිලුවක් කියලා. කියවාගෙන යනකොටනෙ තේරුනේ…. යාළුවෙක් නිසා අපේ හිත බිදුනම ආයි හම්බෙන යාළුවන්වත් අතේ දුරින් ආශ්‍රය කරන්න ගන්නවා. එහෙම වෙන්න එපා මාළුවෝ… හැම යාළුවම එක වගේ නෑ…

  32. pissa palaamalla Says:

    යකෝ අර පූස කිව්ව වගේ මම හිතුවෙ මේ චූ කාලේ සීන් එකක් කියල.. මොකාද බන් මේ ගූ වැඩේ කල එකා. ඌ සිරාවට උබව හදා ගන්න ලිව්වද මන්ද හක් හක්

  33. කෙෂාන් විදුරංග (විද්දා) Says:

    මේ දැං උබේ යසෝ දරා කැම්පස් යනව කියන එකද කියන්න ඕන උනේ… (හික් විහිලුවක් ඈ)

    ඇත්ත බං මගේ ගාවත් ඔහොම යාළුවො‍් ඕන තරං ඉන්නව.. ගනං ගන්නෙපා.. අපි නං එහෙම නැති බව උබ දන්නවනෙ.. අපිට කියපං ඕන එකක් මේ කීබෝඩ් එකෙං එක අකුරක් ගලවල දාන්නෑ ඔය ගැන… මේ අම්මප…

  34. නිසපු Says:

    ම්….මම අදයි මේපැත්තට ආවෙ….
    ආව වෙලාව වැරදිද මන්ද…
    දුක්වෙන්න එපා අයියෝ…ඔය වගේ යාවවෙක් ගැන පහුවෙලා හරි දැනගත්තඑක ලොකු දෙයක්…

  35. මධුරංග Says:

    පුදුම මිනිස්සු නේ !!!
    ජීවිත කාලයම ආශ්‍රය කලත් මනුස්සයා කියන එකාව තේරුම් ගන්න බෑ අයියා !


Malith වෙත ප්‍රතිචාරයක් සටහන් කරන්න ප්‍රතිචාරය අවලංගු කරන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: