වැස්සදාට ගමන, වමෙන්…

මේ වැහි දවස්නේ. ඉතිං මේ දවස් වල පින්නට ඔලුව බර වුනාම මහ අමුතු එව්වා හිතෙන්නේ… මේක තනිකර මගේ සංකල්පයක්…! අපි තූති කාලේ ඉක්කෝල වල කියලා දුන්නේ පයින් යන කොට පාරේ දකුණු පැත්තෙන් යන්න කියලා. ඒ අපේ ඉක්කෝලේ. ඔයාලෑ ඉක්කෝල වලත් එහෙම්ම නේද…? හැබැයි අපේ ගුරුවරු එහෙම කියන්න නම් තව හේතුවක් තිවුනා… ඒක කියන්න නිකං මොකද්ද මොකද්ද වගේ වුනාට කියන්න වෙනවනේ. අපේ ඉක්කෝලේට යන පාර දැන් නම් ගම නැගුම කියලා කොන්ක්‍රිට් කරලා තිවුනට ඒ දවස් වල ඉක්කෝලෙට යද්දී පාරේ වම් පැත්ත කියලා එකක් නෑ… ඉක්කෝලේ ඇරිලා එද්දි දකුනු පැත්ත කියලා එකක් නෑ… හේතුව තමා අපේ පාසල අවට තිවුන අනගි වාරි මාර්ග ජල කළමණාකරන පද්ධතිය. වැස්සදාට පාරේ වම් පැත්තේ ඉඳන් දකුණු පැත්තට ගඟ ගලනවා වගේ…

ඒ නිකං ඉන්ට්‍රෝ පාරක්… මෙන්න කතාව.

දැන් අපි පයින් ඇවිදගෙන යනවනේ. ඒ කියන්නේ වාහන නැති අය පොඩි දුරක් හරි ගමනා ගමනයට තමන්ගේ රටක් වටින රන්පා යොදා ගන්නවනේ…  ඉතිං ඔහොම සිරි පොද වැස්ස වෙලාවට වගේම මහ ගිනි කාස්ටක අව්ව වෙලාවට වුනත් අපිට උගන්වලා තියෙන විදියට යන්න ඕනේ පාරේ දකුනු පැත්තෙන්. ඒකට හේතුව විදියට මං නං ඉගෙන ගෙන තියෙන්නේ අපිට ඉදිරියෙන් එන වාහන අපිට පෙනෙන නිසා ඇඟේ හැප්පෙන්න වගේ ආවොත් පැත්තකට පැනගන්න පුළුවන් වෙන්න කියලා වගේ තමා මතක. දැන් ඉතිං පැත්තකට පයිනවා බොරු. එහෙම වුනොත් නිකංම තාප්පෙකට ස්ටිකර් වෙන්න පුළුවන්…

ඉතිං මේ වැස්ස දවස් වල මට වෙච්ච දේ හැටියට වැස්ස වෙලාවට විතරක් පයින් යන අය වම් පැත්තෙන් යනු කියලා පුංචි සංශෝධනයක් කරානම් හොඳයි කියලා හිතුනා. මේවා මේ මං මෙහෙම ලිව්වයි කියලා පාර්මේන්තුවට ඉදිරිපත් කරනවා එහෙම නෙවෙයි ඕං. කියන්න බැහැනේ ගිය පාරේ ඡන්දේ ඉල්ලපු එකෙක්ගෙන් ඒ පලාතේ අය ඉල්ලලා තියෙන්නේ හෙල්මට් නැතුව බයික්කේ යන්න නීති සම්මත කරලා දෙන්න කියලනේ…!

මට මතක විදියට එදා බදාදා දවසක්. වෙනදා වගේම මං කලින් අඟහරුවාදත් ගෙදර ආවේ ටිකක් රෑ වෙලා. ඉතිං ආපු ගමන් කෑවා බීවා නෑවා දොයි. පස්සේ උදේ එලාම් එක වදිද්දි තමා ඇහැරුනේ. ඉතිං ලෑස්ති වෙලා ඔෆිස් යන්න එලියට බහිද්දි අම්මා කිව්වා… පුතේ අද හවසට ගිගුරුම් සහිත වැසි තියෙනවා කිව්වා. ඒක නිසා කුඩේ අරං යන්නය කියලා. මාත් ඉතිං ගත්තා කුඩේ. පස්සේ ඉතිං ඔෆිස් ගිහිං වහිනකං බලාගෙන ඉන්නවා. එකොලහ විතර වෙද්දි හොඳටම අව්ව. මං හිතන් හිටියේ උදේ වරුව වැහැලා හවස පායයි කියලා. නැත්තං ඉතිං තෙමිච්ච කුඩේ අරගෙන පොදු ප්‍රවාහන සේවා වල යනව කියන්නේ ඇග හීතල වෙන වැඩක්. ඒත් ඉතිං මං හිතපු විදියට එදා දවල් එකොලහ විතර වෙනකම්ම වැස්සේ නෑ. දැන් ඉතිං මගේ හිතත් ටික ටික අවුල්. ඇයි ඉතිං කාලගුණ වාර්තාවේ හැටියට අද වහින්න එපැයි කන පැලෙන්න. ඒක නිසා ඉතිං දවල් වැස්සේ නැත්තං අනිවා හවස වහිනේ කියලා බොහොම දුකින් උන්නේ. පස්සේ හවස තුනා මාරට විතර බලද්දීත් ඉර ඉන්නවා අහසේ. ඌට මෙලෝ ගානක් නෑ අපේ කාලගුණ දෙපාර්තමේන්තුවේ අයගේ සායම ගැන. ඇයි යකෝ වහිනවා කියපු එකේ තාමත් නැහැනේ වැස්ස. පස්සේ ඉතිං හිතිං හිතනවා… අනේ වහින එකක් ඉක්මනට වැහැලා ඉරව කරපිය, හතරා මාරට නම් වහින්න තියාගන්න එපා කියලා. එහෙම වුනොත් වෙන විපත්තිය මං හොඳට අත්විඳලා තියෙන නිසා ආයෙ අමුතුවෙන් රස කරලා කියන්න දෙයක් නෑ…

පස්සේ ඉතිං කොහොම හරි එදා වැස්සේ නෑ. අනේ මන්දා අපේ කාලගුණ වාර්තාව කියලා කියවන්නේ වෙන රටක එකද්ද මන්දා. පස්සේ ඉතිං අවුලක් නැතුව ගෙදර ගියා. ඉතිං එදා රෑ ප්‍රවෘත්ති වලට කියලා තිබුනේ නෑ ඊට පස්සෙන්දට වහින කතාවක්. ඒක නිසා ඉතිං මං කුඩේ ගෙනාවෙත් නෑ. අනේ…. එදා ඔෆිස් එකෙන් එලියට බහිද්දිම සීනි බෝල වගේ වැහි බිංදු වැටෙනවා. මොනා කරන්නද ඉතිං බාගෙට නාගෙන ඇවිත් බස් එකට නැග්ගා.

ඉතිං ඔහොම නැගලා ඇවිත් ගෙවල් වලට යන්න තියෙන ටික දුර පයින් පාරේ දකුණු පැත්තෙන් එද්දි තමා මේ මගුල වුනේ. ඔන්න මං ඇවිදගෙන එනවා. දකුණු පැත්තෙන් හරිද. එනකොට බස් එකක් ගියා, ආයිෂ්මා ගුන්ඩු… බස් එකේ රෝද වලින් විසික්වෙලා ආයෙම මඩ් ගාඩ් එකේ ඇතුලේ වැදිලා එලියට විසික් වෙන මඩ වලින් මාව බතික් වුනා. ඊට පස්සේ ටික දුරක් යද්දී අඩි විස්සේ පාරේ වාහනයක් නවත්තලා වම් පැත්තේ. ඉස්සරහින් එනවා තව වාහනයක් ස්ලෝ එකේ. ඩයිවර් මහත්තයා මයෙ දිහා බලාගෙන, පොර හිතන්නේ මං පාරේ තාර කට්ටෙන් පැනලා ඉඩ දෙයි කියලා. එවෙලේ මට තාර කට්ටෙන් පිට අඩිය තිබ්බනම් ඒ අයිනෙන් ගලාගෙන ගෙන යන වතුර පාරට මාව ගහගෙන යනවා. ඉතිං මට කරන්න දෙයක් නෑ. මං යන්නේ හරි පැත්තේ, එතනින් එහාට කරන්න දෙයක් නෑ. ඉතිං මාත් එහෙම්ම අයිනෙන් ගියා. ස්ලෝ එකේ ආපු වාහනේ තව ටිකක්  ස්ලෝ කරලා මට යන්න දීලා තමා ගියේ.

ඉතිං මං කියන්නේ ඒ වගේ හේතු නිසා, වැස්ස දාට විතරක් පයින් එක පැත්ත වෙනස් කලොත් හොඳයි නේද… ඔව්වා ඉතිං ලොකු ලොකු තැන් වලින් සම්මත වෙලා එනකං ඉන්න බැරි නිසා මං නම් දැන් වැස්ස දාට පයින් යන්නේ වම් පැත්තෙන්. ඉස්සරහින් මඩ වලක් තියෙනවනම් නම් පිටපස්සෙන් එන වාහනය යනකං පොඩ්ඩක් පැත්තකට වෙන්න පුළුවන් මඩ නාගන්නේ නැතුව. එතකොට අපිව පහු කරලා යන වාහනේ රෝද වලින් විසික් වෙන මඩ පාර අපේ පිටිපස්සට වැදුනත් ඉස්සරහට නොවදින නිසා, අනේ මඩ පාරක් වැදුනා නේද… කියලා නොදන්නවා වගේ යන්න පුළුවන්…! එතකොට අර ඉස්සරහින් එන වාහන වල ඩ්‍රයිවර්ලා වගේ අපි පාරෙන් පිටට පයින එක බලාපොරොත්තු නොවී පිටිපස්සෙන් අන අය වාහනේ පාරේ මැද්දට දාගෙන යන්න යන එක වගේ වාසි කිහිපයක් තියෙනවා…

අවාසිත් තියෙනවා එව්ව, මේක කියවපු අය කියයිනේ. මං ඔක්කොම කිව්වම හරියන්නේ නෑනේ… හැමෝටම හිතන්න අවස්ථාවක් දෙන්න ඕනේ…! අනික පිට රටවල පයින් යන අය යන්නේ පාරේ මොන පැත්තෙන්ද කියලා දන්න අය, නොදන්න අයව දැනුවත් කලාට අපි තරහා වෙන්නෙත් නෑ…!

එහෙනම් මගේ, වැස්ස වෙලාවට විතරක් ගමන වමෙන්… සංකල්පයට ජයවේවා…!

Advertisements

40 Responses to “වැස්සදාට ගමන, වමෙන්…”

  1. Observer Says:

    පිටරට වල පයින් යන්න ෆුට් පාත් තියෙනව බං

  2. දොඩං Says:

    ” ඉස්සරහින් මඩ වලක් තියෙනවනම් නම් පිටපස්සෙන් එන වාහනය යනකං පොඩ්ඩක් පැත්තකට වෙන්න පුළුවන් මඩ නාගන්නේ නැතුව. ”
    මේක හොඳටම කරන්න පුළුවන් දකුණෙන් යද්දියි. අනික වැස්ස වෙලාවට තාර කටිටෙන් වම් පැත්තෙ යන එක බුදු බයානකයි. පස්සෙන් ඇවිල්ල ළඟටම එනකං දැක්කෙ නැත්තං සොරි.com ඇයි බ්රේක් ලැල්ලට පැගුවයි කියල වදින එකක්යැ මර වැස්සෙ. රූස් ගාල ලිස්සල මාළුව අපායටම ගෙනියයි. දකුණෙන් යං මාළුවා. වැස්ස නැති වෙලාවට නං මමත් වමෙන් යනවා. වැස්ස වෙලාවට නං දකුණෙන්මයි යන්නෙ. ඒක ගොඩක් safe කියල තමයි මම නං හොයාගෙන තියෙන්නෙ

    • ගෝල්ඩ් fish Says:

      අඩේ ඒ බ්රේක් කේස් එක නම් කියලා වැඩක් නෑ… මං ඕනේ තරම් දැකලා තියෙනවා රෝද නැවතිලත් ලෙස්සලා යන වාහන…

  3. පන්සල් හංදිය Says:

    ලංකාවේ කාලගුණ මොකක්ද එක ගැන නං කියලා වැඩක් නැහැ, ඔක්කොම කියන්නෙ වැඩේ උනාට පස්සෙ …..
    ෂෝක් කරමේ වැස්ස දාට වමෙන් යෑම …….

  4. ගිනි කුරුල්ලා Says:

    තාර කට්ටේ යන්නේ ටයර් කට්ටේ අස්සේ රිංගන්න ආසාවක් ඇතිවෙලාද ..?

  5. henryblogwalker Says:

    මම මේක අදම ඇතුල් කරන්නං නීති පොතට.
    henryblogwalker the Dude

  6. Gayan Rupasinghe (සිංහයා) Says:

    හිරෙත් ලගින්න වෙන වැඩක උබ මේ කරන්නේ,,

    ජය,,,

  7. රූ Says:

    අයියෝ මාළුවත් නාන්න අකමැතිද?

  8. නවම් Says:

    මැරෙන්නද මිනිහො යන්නෙ ? [ඒ කාර් කාරයෙක්] 😉

  9. maathalan Says:

    අළුත් නීතියක්…

  10. sevini Says:

    hmmmmmmmmmmmmmm……………………:P

  11. ශානka Says:

    මචන් මාළුවෝ මෙහෙ නම් පයින් යන්න ෆූට් පාත් තියෙනවා අර ඔබා අන්කල් කිව්වා වගේ ඒත් පාරේ පයින් යන්නම ඕනේ නම් වමෙන් තමා ගමන.
    එත් ඒක භයානකයි මචන් මොකද මෙහෙ උන් යන්නේ 160 ස්පීඩ්.
    මොනවා උනත් හොඳ දෙයක් ඕක ගැන මට මතක් කරපු එක මම සලකල බලන්නම්.ලොල්

    • ගෝල්ඩ් fish Says:

      අන්න හොඳයි… එහෙම ගිහිං මොනා හරි වුන ගමන් මට ටක් ගාලා කියපං හරිද… 😀

  12. praveena Says:

    ඔයාගේ පාර ඔහොම උනාට අනික් පාරවල් ඔහොම නැතුව ඇතිනේ. පොඩි ලමයි මේක දැකල වමෙන් යන්ට උනොත් තමා වැඩේ.

  13. dinesh umagiliya Says:

    අපි නම් හැමදාම යන්නේ වමෙන්.. ඉතාලියේ ලංකාවේ අනිත් පැත්ත.. ඒ කියන්නේ මේ සංකල්පය මෙහෙට යොදා ගත්තම මම මෙහේ වැස්ස දාට යන්න ඕන දකුණෙන්..

    • ගෝල්ඩ් fish Says:

      අනේ මල්ලියේ මේක සකල්පයක් විතරයි බං… ක්‍රියාත්මක කරන්න කලින් තව පාරක් හිතපං…

  14. වර්ණා Says:

    හ්ම්ම් තෙමෙන්නේ නැතුව යන්න , කොහෙන් ගියත් මොකද. මමත් පාරේ හරියට යන්නේ නැහැ කියලා අප[ඒ අම්ම්මි මට බනිනවා..මමනම් අම්මිට කියලා තියෙන්නේ අම්මේ මම මැරුණත් රියදුරුට දඩයක් නොවන විදියට මැරෙන්නේ කියලා, මොකද ඒ මිනිහත් පව නොවැ

    • ගෝල්ඩ් fish Says:

      වර්ණා සෑහෙන්න අනිත් අය ගැන හිතනවා… බලන්න කොයිතරම් පරමාදර්ශි චරිතයක්ද කියලා… ස්තුතියි ටැංකියට එබුනට.

  15. මධුරංග Says:

    ඇති යාන්තන් වතුට ටිකක් නාගෙන !!!
    ඒ ඩ්‍රැයිවර්ට පින් සිද්ද වෙන්න ඕනේ.

  16. සෝරෝ Says:

    මඩ වලක් හදලා හරි වමෙන් යන්නෝන….. 😀

  17. E-Porter Says:

    “අඩෝ… මොකද පවුල තරහ වෙලාද මැරෙන්න යන්නේ……. වෙන තැනක් හොයාගනිං…. අපිටත් ලමයි ඉන්නව….. (වට පිට)”

    මාලුවට පිස්සුද ඕයි…. මේදවස් වල වමේ උනුත් යන්නෙ දකුනෙන්නෙ….ඒ අස්සෙ උඹ වමෙං යන්න ගොහිං ඉල්ලං කෑවොත් අපි නෑ.. ඕං.

  18. ඕනයා (දුලිප් සිකුරාජපති) Says:

    එක දිගට පායනකොට ගුන නෑ මල්ලි . . ඒනිසා ඉඳල හිටල හරි වහින්න ඕනෙ

  19. Anuruddhika Jayasinghe Says:

    ලංකාවෙ වැඩියෙන්ම බැනුම් අහන දෙපාර්තමේන්තුව මොකක්ද දන්නෙ නෑ.. දැන් බලාගෙන යද්දි කාලගුණ එක වෙන්නත් බැරි නෑ…. =D මොනා උනත් වැස්ස දවසක පයින් ගියොත් නම් ඉතින් අජම තමා…

  20. pissa palaamalla Says:

    වැස්ස දාට පොදු ප්‍රවාහනයයි පයින් යාමයි නම් කරුමයක්… මට ඒ කාලේ උදේටයි හවසටයි වහිනව කියන්නේ මරන්න වගේ සීන් එක්ක්.. සුදු යුනිෆෝර්ම් එහෙම සොරි.


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: