320 gsm පෙම් හසුන…!

මේක තමා නිල වශයෙන් මං පෙම් හසුනක් නිසා නාගත්ත ප්‍රථම අවස්ථාව. ඉස්සර ඉතිං අපි ස්කෝලේ යන කාලේ ස්කෝලෙදී නෙට් එකේ හිටියට ගෙවල් වල නෙට් නෑනේ… තිබුන එකම නෙට් එක මදුරු නෙට් විතරයි. ඒකෙත් තැන් තැන් වල හිල්.

ඉතිං ඒ දවස් වල කෙල්ලෙක්ට හිත ගියාම කරන්නේ ඒක්කෝ තමාගේ යාළුවෙක් ලව්වා කෙල්ලගෙන් අහන එක එහෙමත් නැත්තං දන්න සීපද ටිප්පනි කවි කතා නිසඳැද් ඔක්කොම දාලා සුවඳ ගහන කොලේක පෙම් හසුනක් ලියලා කෙල්ලට දෙන එක. ඒක ලියන්නෙත් ඉතිං රෝස පාට හරි තැඹිලි පාට හරි එහෙමම්ත් නැත්තං දම් පාට, කොල පාට ව‍ගේ ටිකක් හොයාගන්න අමාරු පැහැයකින් තමා. ඒ දවස් වල සමහර එවුන් හිටියා ඇඟිල්ල බ්ලේඩ් එකකින් කපලා අකුරු ලියලා දෙන. අනේ මන්දා කෙල්ලෙක් නිසා ඇඟිල්ල කපා ගෙන මොනා බලාපොරොත්තු වුනාද කියලා…

මටත් ඉතිං හිටියනේ හොඳ යාළුවෝ හතර දෙනෙක්. ආහ්… මේ උසස් පෙල ක්ලාස් යන කාලේ. ඉතිං ඒ දවස් වලට නැති යාළුවෝ වැඩක් නැහැනේ. අනික ඔය වගේ වැඩකට උදව් කරන්නේ නැති එවුන් කොහොමත් වැඩක් නෑ. ඉතිං මටත් අපේ ක්ලාස් එකේ පූසියෙක් වගේ කෙල්ලෙක් ගැන හිතක් පහල වුනා. පහල වුනා කිව්වට, කෙල්ල මගේ දිහා පන්තියෙදී බලලා බලලා ටිකක් උඩින් තිබ්බ මගේ අහිංසක හිත එක පාරටම බිමට පහත් කරා… දැන් ඉතිං ඒකි ගාව මං දන ගහලා වඳින සයිස්.

පස්සේ ඉතිං මං යාළුවෝ ටිකත් එක්ක ක්ලාස් ඉවර වෙලා දවස් දෙකක් විතර පොඩි ෆලෝ එකක් දුන්නා. කෙල්ල අම්බලන්ගොඩ ස්කෝලෙක, ඉන්නෙත් එහෙමයි. ඒක නිසා ඉතිං අපිට එච්චර දුර ගිහිං ගේ හොයාගන්න පුළුවන් කමක් තිබ්බේ නෑ… පස්සේ ඉතිං ඔය පස්සෙන් යන වැඩේ මාසයක් විතර කෙරුනා. මාත් එක්ක හිටි එවුංගේ තරම කියන්නේ…. මුං එකෙක්වත් මාව දිරිමත් කලේ නෑනේ ඒකිගෙන් අහපන් කියලා. මුං කලේ මං යන යන තැන මාත් එක්ක වැටිලා මාත් එක්ක එන එක. අනේ අම්මපා මගේ යාළුවෝ….

පස්සේ ඉතිං මංම යෝජනාව දැම්මා කෙල්ලගෙන් අහන්න. මොන මුං එකෙක්වත් කැමති නෑ ඒකිගෙන් අහන්න යන්න. පස්සේ කරන්නම දෙයක් නැති පාර මං ලියුමක් ලියන්න හිතාගත්තා. අනික තමා මං මේ වෙද්දී ඉංග්‍රිසි වලට පන්ති හොයනවා. ඒක නිසා යශෝධරාව ගැන කට්ටිය ගැටළුවක් ඇති කරගන්න එපා…!

පස්සේ ඉතිං ගෙදර ගිහිං තාත්තා ගෙනාපු 80 gsm A4 එකක් එහෙම අරගෙන වැඩේ පටන් ගත්තා. ඒ දවස් වල ඉතිං මගේ අත් අකුරු වල කියන්න තරම් වැරැද්දක් නෑ… සාමාන්‍යයෙන් අකුරු දන්න එහෙකුට කියෝගන්න පුළුවන්. අකුරු මොන වගේ වුනත් දැන් මට ලියන්න තියෙන්නේ කළු පෑනයි, නිල් පෑනයි රතු පෑනයි විතරයි. ඒ පාර ඉතිං පෑන් හෙව්වා අන්තිමේ හම්බුනේ පාට පැන්සල් පෙට්ටියක්…!

හැබැයි ඊළඟ පස්නේ තමා ලියුම ලියල ඊළග පන්ති දවස වෙනකං කොහෙද මේක හංගලා තියාගන්නේ කියන එක. ටික වෙලාවක් කම්පනා කරද්දී තමා මීටර් වුනේ ෆිසික්ස් පොතේ පිටකවරේ අස්සේ දැම්මනම් බඩුම තමා නේද කියලා. මොකද මං ෆිසික්ස් පොතට දාලා තිබුනේ පට්ට ලස්සන සීනරි එකක් තියෙන ටිකක් ගනකම් කොලයක්… කොලයක් කිව්වට කාඩ් බෝඩ් එකක් වගේ එකක්. ආයේ ඉතිං ඒක අස්සට එබුවම කවුරු හොයන්නද…?

ඉතිං එහෙම හිතාගෙන පොතේ පිටකවරෙට ගහලා තිබ්බ ස්ටේපරේකුත් ගලෝ දාලා වැඩේ පටන් ගත්තා. මුලින්ම නිල් පෑනෙන් ලියාගනෙ ගියා…

නුඹේ පුංචි ඇස් දෙක,

දුටුදා සිටන් මට….

අදහන්නවත් බැරි විලසට…..

(ඔච්චරයි මතක) ඒ දවස් වල තියා අදටත් මට ලියුමක් ලියාගන්න නම් බැහැ. පුරුද්දක් නැති කම තමා ඉතිං. ඒ වුනාට නිසදැසක් නම් ලියාගන්න පුළුවන්. ඉතිං මං ලිව්වේ නිසදැසක්. අර උඩ පද තුන අන්තිමට, පිස්සු හැදී ඇත…. කියන කෑල්ල දාගෙන කියෙව්වනම් ආදරේ තරම හිතා ගන්න පුළුවන් වෙයි.

ඉතිං ඔහොම ටිකක් ලොකු අකුරෙන් සිංහලෙන් ලියාගෙන ගියා නිසදැස. පස්සේ ඒක එක එක පැත්තට හරෝලා බලද්දී හිතට නිකං මදි මදි වගේ. හරියට ඒ ලියුම ආධාර පත්‍රයක් වගේ. පස්සේ අර හම්බුන පාට පැන්සල් පෙට්ටිය ගත්තා. ඊට පස්සේ තමා මතක් වුනේ… අපේ තාත්තා කාඩ් බෝඩ් කෑලි වල කැටයම් කරපු මල් වැල් වගයක් තාත්තගේ ලාච්චුවේ තිබුනා නේද කියලා. වැඩ ඔක්කොම පැත්තක තියලා ඒ ටික හොයලා ගත්තා….

අම්මද බොල… මේ තියෙන්නේ එක එක එව්වා. බිනර මලද, නෙළුම් මලද, ලියවැල්ද… අම්බෝ සෑහෙන්න තිබුනා එතෙන එක එක විදියේ කැටයම්. පස්සේ ඉතිං මල් වැල දෙකක් විතර තෝරගෙන කොලේට බෝඩරේ විදියට අර මල් වැල් තියලා පාට පැන්සල් වලින් පාට කලා.  ෂඃ…එත‍කොට තමා ලියුමේ නියම රොමැන්ටික් ගතිය ආවේ…

පස්සේ ඉතිං A4 එක නැවුවා හතරට. ඊළඟට ක්ලාස් යන දවස වෙනකම් පරිස්සං කරගන්න එපැයි. මොකද මං මේ තනියම ලියුව පළවෙනි පෙම් හසුන (වගේ එකනේ කිව්වත් කමක් නෑ)  නේ… ඊට පස්සේ ෆිසික්ස් පොතේ පිටකවරේ අස්සට දැම්මා… වෙලාවට කෙල්ල හිටියෙත් ෆිසික්ස් ක්ලාස් එකේමයි. ඒක නිසා ආයෙ ක්ලාස් යන්න කලින් ලියුම අදින්න වුවමනා වෙන්නේ නෑ… ඒකත් ඒ දවස් වල හිතට මාර සැනසිල්ලක්…

පස්සේ ඉතිං ඊළඟ දවසේ ක්ලාස් ගියා… දැන් ඉතිං නලියනවා… මං හිතාගෙන හිටියේ ලියුම ඉන්ටවල් එකේදී දෙන්න කියලා. පස්සේ ඉන්ටවල් එකට විනාඩි දහයක් විතර තියලා අපේ අනිත් වුන්ටත් කියලා ලියුම ගන්න කියලා පිටකවරේ අස්සට අත දැම්මා….

භාන්ඩේ නෑ වගේ… පස්සේ අමාරුවෙන් ඇස් දෙකෙන්ම බැලුවා… හුටා බඩු නෑ තමා. දැන් ඉතිං මාව රත්වෙලා. මොකද මට හොඳටම ෂුවර් ලියුම අපේ අම්මා ගාව කියලා. මේ ටිකේම මට නිකං අවකැපෙන කතා වගයක් අහන්න වුනේ ඇයි කියලා මට මීටර් වෙන්න ගත්තේ ඒ වෙලාවේ තමා.

පස්සේ ඉතිං බයේ ගැහී ගැහී ගෙදර ගියා. අම්මා මුකුත් කියන පාටකුත් නෑ, මට කටක් ඇරලා ලියුම ගත්තාද කියලා අහන්නත් බෑ… එහෙම ඇහුවයි කියන්නේ ඉතිං ‍මට වහාම පදිංචිය මාරු කරන්න වෙන සීන් එකක් හරි ඇඳිරි නීතිය දැම්මා වගේ ගෙදරටම වෙලා ඉන්න වෙන සීන් එකක් හරි සෙට් වෙනවා කියන එකතමයි. ඒක නිසා කට වහගෙන දන්නෙ නැති ගානට, කොට්න්ම මං ලියුමක් ලිව්වේ තියා කෙල්කේ ගැන හිතේ වත් නැති විදියට මාසයක් විතර හිටියා.

ඊට පස්සේ දවසක් මගේ යාළුවෙක් හම්බුවෙලා මගෙන් අහනවා…

මේ උඹලයේ අම්මා, මගෙන් ඇහුවනේ බං උම කා එක්ක හරි සම්බන්ධයක් තියෙනවද කියලා….

ඉතිං උඹ මොකේ කිවේ… කියලා මං ඇහුවා…

පිස්සුද බං තිබුනත් මං තියෙනවා කියනවද බං… පොර කිව්වා. ඇති යන්තං ඌ නම් මාව බේරලා.

පස්සේ ආයෙම මූ අහනවා…  ඒ බං 80 වැඩිකිරීම 4 කීයද බං?

ඒක ඉතිං ඒ හැටි අමාරු ගානක් නෙමේනේ… අසූවයි අසූවයි එක සිට හැටයි, එකසිය හැටේ එව්වා දෙකක් තුන්සිය විස්සයි….  මං ඉතිං චන්ඩියා වගේ උත්තරේ කිව්වා. හැබැයි මට ටිකක් මඥ්ඥං ඇයි මේ ලියුමක් අස්සේ මූ මෙහෙම ඇහුවේ කියලා…

පස්සේ මං ඇහුවා… ඇයි බං හදිස්සියේ කියලා…

නෑ බං උඹේ ලියුම 320gsm නේ බං… ඒක අම්මට මාට්ටු නොවී තිබුනනං තමා පුදුම වෙන්න ඕනේ ඕයි… කියලා කින්ඩි හිනාවකුත් දානවා…

මගේ උගුරත් එක්ක සීතල වෙලා ගියා ඌ කිව්ව කතාවට. බලාගෙන යද්දී අපේ අම්ම මූට ලියුමේ සීන් එක කියලා. මං ඉතිං දහ අතේ පොරොන්දු කරවා ගත්තා මෑන්ව අනේ උඹ මේ විත්තියක් කාටවත් කියන්න එපා බං කියලා….

මගේ වෙලාවට සහ උගේ  හොඳ කමට අද වෙනකං එකෙක් වත් දන්නේ නෑ මං ලියපු ලියුමට මොකද වුනේ කියලා…! අන්තිමේ ලියුම නැති දුකටම මට කෙල්ලවත් එපා වෙලා ගියා. පටන් ගන්න හදද්දිම චාටර් කේස් එකක් වුනාම ඇත්තටම මට කන්ටිනියු කරන්න හිතුනේ නෑ… පස්සේ ඉතිං මං බලෙන්ම වගේ ඒකිව පෙන්නෙ නැති තැනකට සෙට් වුනා…

ඔය අනිත් කතා වලින් ගන්න ආදර්ශයක් නැති වුනාට මේකෙ නම් තියෙනවා… පෙම් හසුන් ලියලා හංගනවනම් ඝනකම අඩු කොලයක් ගන්නලා. නැත්තං මට වුනා ව‍ගේ… බඩුම තමා…!

Advertisements

71 Responses to “320 gsm පෙම් හසුන…!”

  1. Dodan Says:

    හපොයි මම එහෙම නං තව එකක් අනිවා ලියනවා….අනික අපේ අම්ම නං ඔය වගේ එකක් දැක්කනං නොදැක්ක ගාණට ඉඳල, පස්සෙ කියයි, ඕවට තව කල් තියෙනව දැන් ඉගෙන ගන්න කියල 😀

  2. Dodan Says:

    මමද මේ පෝස්ටුවේ මුලින්ම කමෙන්ට් කලේ, පළවෙනි වතාවටද කොහෙද 😀

  3. cjgayan Says:

    ආ බං ලියුම 320g බරයිද? පුදුමයි උඹට ඒකේ බර දැනිච්ච නැති එක. ඉතිං පස්සේ වත් අම්මගෙන් ශේප් එකේ අහලා බැලුවෙ නැද්ද ? කොහොමද මාට්ටු උනේ කියලා. මම නම් හිතන්නෙ අම්ම ඒ දවස් වල ඉඳලම උඹෙ හැටි මිටර් කරගෙනද කොහෙද ඉඳලා තියෙන්නෙ 🙂 😀 😀

  4. සාතන් Says:

    ඇඬෙනව මිනිහො….. එල එල… උදේ පාන්දර ලේ පිරිසිදු වුනා… 🙂

    ප්‍රස්ථා පිරුළක් වගේ එකක් හදන්න පුළුවන් මාලුව ලව් ලෙටර් ලිව්ව වගේ කියල…. 😉

  5. weniwel Says:

    මන් ටොපික් එක දැක්ක ගමන් හිතුවෙ කාඩ්බෝඩ් පෙට්ටියකවත්ද ලියුම ලිව්වෙ කියල..දැනුයි තේරුනෙ.. 80×4..හිකිස්

  6. සරුංගලේ Says:

    ඔකනම් අනිවා ලෙසටම සෙට් වෙන්න තිබුනු එකක්…… ඒකයි ඔහොම උනෙ…… මොනව කරන්නඩද ඉතින්……… ලබා උපන් හැටියටලුනෙ අර මොකක්ද වැනෙන්නෙ……. නේද????

  7. Gimhani Says:

    හප්පා ඔයා ඒක කිව්වම මට මතක් උනේ. මට ලැබුන මුල්ම පෙම් හසුන එක පාරක් කියවලා පොතේ පිට කවරේ අස්සට දැම්මා.
    ඊට පස්සේ නිවාඩු පාඩුවේ කියවන්න බලනකොට නෑනේ…මේ අම්මලාට තියෙන්නේ මාර ඉවක් නෙව…

  8. Mahesh Nishantha Says:

    අපේ අතීතයත් මතක් වෙනවා මේක කියවත්දි

  9. Gayan Ruasinghe Says:

    හෙහ් හෙහ් එල එල.. මමත් ඔහොම එකක් ලිව්වා අර පාට 4 එක්ක දම් පාට.. ඕකට උත්තරේ ලැබුනු ලියුමට පට්ට සීන් එකක් උනා. උනේ මොකක්ද කියල ලගදිම කියන්නම් මචෝ..

    එල එල

    ජය…

  10. මන්තරකාරි Says:

    ෂික් අපරාදේ… මං තවම ලව් ලෙටර් එකක් හරියට දැකලා නෑනේ. කොච්චර කිව්වත් මට ලියුමක් දෙන්න කියලා කෝල් කරන එක විතරනේ කරන්නේ. මොකද ඉතින් කවදාක හරි ළමයෙක් ලියපු එකක් අහු වෙයි කියලාවත් හිත හදා ගන්නද… මාළුවාගේ අම්මගේ ලඟ තවම ඒ ලියුම නැද්ද දන්නේ නෑනේ?

    • ගෝල්ඩ් fish Says:

      නැතුව ඇති සමහරවිට… හැබැයි මගේ පොතක් අස්සේ තිබ්බ යශෝධරාවගේ පින්තූරයක් නම් තාම තියාගෙන ඉන්නවා. ඒකට නම් මම වලිය ඇද්දා ඒත් හම්බුනේ නෑ…

  11. buddie-බුඩී Says:

    320 gsm වල ලියන්න එපා 80 ලියන්න 🙂
    මාලුවාගෙන් ඔවදනක්

  12. sulagawageawidin Says:

    සික් අම්මලා ඔහොම්මමයි

  13. චීටා Says:

    80gsm වල ලිව්වට කමක් නැහැ හතරට නවල 320 කරගන්න එපා…
    මාළුවාගේ දෙවැනි ඔවදන

  14. madushan1000 Says:

    වෙලාවට මම ජීවිතේට පොතකට පිට කොල දැම්මෙ නැත්තෙ..අම්මා බලෙන්ම වගේ අට වසරෙ පොත් වලටද කොහෙද අන්තිමටම දැම්මෙ 😛

  15. abeetha Says:

    මේ තියෙන්නේ මගේ අත්දැකීම…. http://tikakhinawenna.blogspot.com/2010/07/blog-post_31.html

  16. කෝඩුකාරයා Says:

    නියමයි මචෝ…………..හැබැයි ඉතින් අපේ ගෙදරට ඔය වගේ එකක් මාට්ටු වුනානම් මාව 18 මාසයක් නිවාස අඩස්සියේ තියයි.

  17. Kasun Chanaka Says:

    අයියෝ ඉතින් වැඩේ අනාගෙන නෙ. අම්මෝ ලියුම් ගැන නම් ලස්සන මතක තියනව. දවසක් දොර ලොක් කරල කියල හිතාගෙන පනදාගෙන ලියුමක් ලියනවා. මෙන්න බලනකොට ලොකු අම්ම මගේ ළඟ. මොකක්දෝ පෙර පිනකට ලොකු අම්ම දැක්කේ නෑ. ලියුමෙ සයිස් එකේ හැටියට (ෆුල්ස්කැප් කොළ 2ක්) දැක්කනම් ඉඳල හමාරයි.

    මට එකෙක් කිව්ව උගේ යාලුවෙක් පිටු 40 පොතක් සම්පුර්ණයෙන්ම පිරෙන්න ලියුමක් ලියල දුන්නලු. කෙල්ල කිව්වලු “ඔයා මට මේ විදියටම ආදරේ කරනව නම් මම කැමතියි” කියල. වැඩේ ගොඩ. 🙂

    • දිලංක මාධව Says:

      උගේ වෙලාවට අඩුම පිටු තියෙන පොත පිටු 40 උනේ.ඕක පිටු 400 වගේ උනානම් තවත් ආතල්

      • Kasun Chanaka Says:

        මලා, එහෙම උනානම් ඌ ලියුම ලියල ඉවර වෙනකොට කෙල්ල වෙන එකෙක් යාලු වෙලා.

      • ගෝල්ඩ් fish Says:

        එහෙනම් මගුල වෙලා බබත් හම්බුවෙලා….

    • ගෝල්ඩ් fish Says:

      අඩේ මගේ යාළුවෙකුත් ලිව්වා පිටු 12ක ලියුමක්…

  18. දිලංක මාධව Says:

    උඹ හතර දෙනෙක්ට දෙන්න කොපීස් 4ක් ලිව්ව නේද?වල් මාලුව.බොට කියන්න මම තාම එකක්වත් ලියල නැ.ලියන්නෙත් නැ.
    උඹේ ටොපික් එක දැක්කහම මතක් උනේ අපේ එකෙක් පිටු 8 ක ලියුමක් ලියල,ඉස්කෝලෙ මාට්ටු වෙලා,අන්තිමට උගේ අම්මව ගෙන්නල සර් අම්මට ඇහෙන්න ලියුම් කියවපු සිද්ධිය.

    • ගෝල්ඩ් fish Says:

      හපෝ උඹේ යාළුවට මාර ජොලියක් යන්න ඇති බං…

    • Kasun Chanaka Says:

      ඔයිට ආතල් වැඩක් කළා අපේ ඉස්කෝලේ. වැල සීඩි ඉස්කෝලේ ගෙනත් මාට්ටු උනාම අම්මවයි තාත්තවයි දෙන්නම ගෙන්නලා ළමයව දෙන්නගෙ මැද්දෙන් තියල අරක දාල තුන් දෙනාටම පෙන්නනවා. ආයෙත් ඉතින් හොදි ඕන නෑ.

      • ගෝල්ඩ් fish Says:

        සිරාවටද බං? මාට්ටු වෙච්ච එකා ආයෙ කසාදයක්වත් බඳින්න හිතන්න නැතුව ඇති…

      • Kasun Chanaka Says:

        සිරාම සීන් එක. අපේ වයසේත් දෙතුන් දෙනෙකුට වෙලා තියනව. ඊට හොඳයි ඌව මරල දැම්මනම්.

      • ගෝල්ඩ් fish Says:

        ඒකනම් ඇත්ත බං…

  19. කළු පූසා Says:

    ඕක කියවද්දී මටත් අතීතය මතක් උනා , කළු පූසටත් A/L කරන කාලේ Chemistry Class යන කෙල්ලෙක් ගැන හිතක් පහල වෙලා තිබුනා. ඉතින් මේක කොහොමද කියන්නේ කියල හිත හිත ඉන්නකොට කෙල්ලගේ ගමේ කොල්ලන්ගෙන් මරණ තර්ජන අවා. නිකන් කෙල්ලෙක් නිසා මැරෙන්නේ මොකද කියල. ඔන්න ඔහේ නිකන් හිටියා 😦

    • ගෝල්ඩ් fish Says:

      ඊයා බය ගුල්ලා… මොනාද බං කෙල්ලව සිරාවටම ඕනේ නම් මැරෙන්න හරි යන එකනේ… (ඔව්වා කරන්න යන්න නෙමෙයි මං නිකමට කිව්වේ බං)

      • කළු පූසා Says:

        විභාගෙට මාස 3යි , ඒ කෙල්ල මට කැමතියි කියල තේරෙන්න මං දිහා බලන්නෙවත් නැහැ. ඒ මදිවට ගමේ ඉන්න එකෙක් අවුරුදු 4ක් තිස්සේ ඒකිගේ පස්සේ යනවා. ඔන්න ඕකයි වටපිටාව.

        ඔන්න කෙල්ල මට කැමතියි කියල පෙන්නුවා නම් මැරෙන්න හරි පස්සෙන් යනවා. 😀

      • ගෝල්ඩ් fish Says:

        අතූරලා දාලා වෙන එකකට ට්‍රයි කරපං බං

  20. Mada Says:

    Adee.., game kaju game wawlanta.. Athi yanthn oin geya….

  21. Black King Says:

    ෆිසික්ස් ක්ලාස් එක සිප්සෙවනේ වෙන්න ඈති නේද බන්

  22. henryblogwalker Says:

    එක අතකට ඒක නැතිවෙච්ච එකත් හොඳයි මාළු මොකද පූසියෙක් වගේ කෙල්ලෙක් මාළුවව බයිට් එකට ගන්න මහ වෙලාවක් යන්නෙ නෑනෙ.
    henryblogwalker the Dude.

  23. ගිනි කුරුල්ලා Says:

    ආපෝ මොනාද මාළුවෝ ලියුමක්වත් උබට හරියකට හංගන්න බෑනේ…..
    ගිය හකුරට නාඩන්නේ තියන හකුර රැකගන්නේ කිව්වලු…..

  24. pissa palaamalla Says:

    ලව් ලෙටර් ගැන නම් මම ත් පෝස්ට් එකක් දැම්මා…. යකෝ අර කිව්ව වගේ…

    මාළුවා ලව් ලෙටර් ලිව්ව වගේ කියලා පිරුලක් හැදුවොත්….

    මෙන්න මගෙ පෝස්ට් එක

    http://palaamalla.blogspot.com/2010/07/love-letter.html

  25. හිස් අහස Says:

    මම ලීවේ A5 කොලේක

  26. නදුන් උයන Says:

    මමත් පළවෙනියෙන් ලියපු පෙම්පතේ තිබුනේ කවියක්… කවියක් කියුවට අමාරුවෙන් ගැට ගහපු පේලි 8ක්… හැබැයි ඒක තිබුනේ මගේ මේසේ රෙද්ද යට… මාලුවගේ වගේම මගේ ලිපියත් එයාගේ අතට ගියේ නෑ.. එදායින් පස්සේ කිසිම පෙම් පතක් ලියල නෑ.. එස්. එම්.එස් / ඊ මේල් / මූනු පොත/ ස්කයිප් තියෙද්දි මොන 320 ජී එස් එම් ද?

    • ගෝල්ඩ් fish Says:

      මට නම් ඉතිං flash, photo shop තියෙනවනේ CD,flash drive එක්ක. ඒක නිසා දැන් නම් අවුලක් ඇත්තෙම නෑ…

    • ගිනි කුරුල්ලා Says:

      ඒ උනාට බන් හොරෙන් හොරෙන් වචන එකතු කරලා නිදි මරාගෙන ලියන ලියුමක තියෙන සුන්දරත්වය ෆොටෝ ෂොප්, ආෆ්ටර් ඉෆෙක්ට්ස්, ඇක්ෂන් ස්ක්‍රිප්ට්,ජාවා ස්ක්‍රිප්ට් වලින් වැඩ දාපු ඩිජිටල් මීඩීයා එකක නෑ බන්……

      • ගෝල්ඩ් fish Says:

        අනේ උඹ දන්න ඉටිගෙඩිය…. කොහෙන් හරි කට්ට කාලා කාලා ඈනිමේසමක් කරලා දුන්නම…
        ආව්… මේක ලස්සනයි…! කියලා කියද්දිත් ඇති​වෙන්නේ අර ලියුම කියවලා හා මම කැමතියි කියන කොට ඇතිවෙන හැඟිමම තමා බං.

  27. නවම් Says:

    හික් ! මාත් ඉස්සර ලියුං ලිව්වෙ 100 gsm මැට් ආර්ට් පේපර්ස් වල බං. [අච්චු කන්තෝරුවෙ වැඩකරන කාලෙ] අම්මට මාට්‍ටු උනේ ඒකිගෙයි මගෙයි ලව් එක අහවර වෙලා මම ඒකිට ලියාපු ලියුං සේරම ලොකු ටියුලිප් බෑග් එකක දාල ඒකි මට ආපහු දුන්න දවසෙ හැන්දෑවෙ. ඒක හන්ද මට නං වගක් තිබුනෙම නෑ.

  28. කළු පූසා Says:

    @gold Fish

    මම කිව්වේ අවුරුදු 3 කට කලින් වෙච්ච දෙයක් බං , ඊට පස්සේ වෙන එව්වම දෙකකට try කළා 😀


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: