කසුන් කල්හාර කොපි කාරයෙක්ද…?

අනේ ඉතිං අපේ කසුන් අයියා… මගේ හෙනම ෆේවරිට් ගායකයෙක්‍. දැන් ඉතිං කස්ටිය හිතන්න එපා මේක පෞද්ගලික ආරෝවක් මත කරන මඩ ගැසීමක්වත් එහෙමත් නැත්තං දේශපාලනික කේස් එකක් නිසා ගෙනියන මඩ ප්‍රචාරයක්වත් කියලා. මොකද මේක කොටින්ම මඩ ප්‍රචාරයක් නෙවේ.

මං ඉතිං දවසට මූවිස් දෙකක් විතර බලන එකා වෙච්චි, මේ සීන් එක මීටර් වුනේ මීට අවුරුදු 2කට විතර ඉස්සෙල්ලා. ඒ දවස් වල ඉඳන් මේක ඔලුවේ තිබුනට මට සීන් එක ටික ටික අමතක වෙලා ගියා…

කේස් එක තේරුම් ගන්න කලින් කසුන් අයියගේ මේ සින්දුව බලලා ඉන්න.

මොකද හිතෙන්නේ…. මාර ලස්සන සංගීතයක් නේද…? හා හරි එහෙනම් මේ වීඩියෝ කෑල්ලත් අහලා බලලා ඉන්න… (මෙතෙන පෙනුනේ නැත්තං කරුණාකරලා you tube ගිහිං බලන්න.)


මොකද කියන්නේ කට්ටිය…? කාටවත් හිතුනේ නැද්ද සංගීත කණ්ඩ වල සමාන කමක් තියෙනවා කියලා…! මගේ කනේ දෝසයක්ද දන්නේ නෑ මට නම් එහෙම ඇහුනා… මං මේ කියන්නේ කසුන් අයියා කොපි කාරයෙක් කියලා නෙමේ…. සිරාම සිරා සංගීතඥයෙක් කියලා.

ඉස්සර අපේ අය හිංදු සිංදු වල සංගීතයට සිංහල සින්දු හැදුවා… ඒ කියන්නේ සංගීතය කෙලින්ම කොපියක් ගැහුවා හා සමානයි… ඒත් මේ වැඩේ නම් මල් හතයි. කසුන් අයියා මේක කොපි කලා වුනත් මං නම් දකින්නේ කොපියක් හැටියට නෙමෙයි… මාරම ගතියට ගොඩක් උසස් විදියට කරපු සංගීත ප්‍රතිනිර්මානයක් විදියටයි….!

ඇත්තටම අර ඔරිජිනල් සංගීතයට වැඩිය කසුන් අයියගේ සිංදුව මැක්සා…. ආහ්… ඒ මූවි එක තමා ජැක් සහ බෝංචි වැලේ ඇත්ත කතාව…. කියන එක. මං කතාව කියන්නේ නෑ. ඕනේ අය බාගෙන බලන්න…. ලස්සන මූවි එකක්….

 

90 Responses to “කසුන් කල්හාර කොපි කාරයෙක්ද…?”

  1. deeps Says:

    මේ ගැන අවුරුදු ගානකට කලින් කවුරු හරි බ්ලොග් එකක ලියලා තිබ්බා මතකයි…ඔව් ඉතිං කොපියක් නම් තමා

  2. සෝරෝ Says:

    හුටා……………. 😀

    මෙහෙමත් වෙන්න බැරි ද..

    උඩ තියෙන එක ඔරිජිනල් එක වෙලා පහල තියෙන එක කොපිය වෙන්න…. 😀

  3. මධුරංග Says:

    කොපියක් වෙන්ටෑ.
    මට හෙනම ගේමක් දෙන්න වෙනවා මේ වීඩියෝ කෑලි දෙකම ලෝඩ් කරගන්න. අප්පා මගේ කනෙක්සොන් එක මාරම ස්පීඩ් නේ !!!!!

  4. Darshana Wimukthi Says:

    සදමිතුරි සිංදුවත් දෙමළ එකක කොපියක්..

  5. indika27 Says:

    අපිට කොපියක් නෑති දෙයක් හදන්න පුලුවන්ද අපිට එන දේවල් කලින් කොහේ හරි තියෙන දෙයක් නේ..කලිම්ම මියුසික් හදපු ආදි කාලෙ අයත් ඒ අයට ඇහෙන සද්ද නෙව කොපි කරල බාන්ඩ වලින් ගැහුවෙ..
    කසුන් අර සඳ මිතුරී නම් ගෙඩිය පිටින්ම කොපි කරල ඒත් මේක නම් එහෙමම නෑ…

  6. Alchemiya Says:

    ඇත්තෙන්ම මේ සිංදු දෙකම එකවගේ තමයි.
    ඒ වගේම භාතිය සංතුෂ් ගායනා කරන වසන්තයේ ගීතයේ සංගීතය, ජිප්සීස් ලාගේ ලුණු දෙහි සංදුවේ සංගීතයත් බටහිර සංගීතයෙන් උපුටා ගත් කැබලි.
    යම් ගීතයක් අවුරුදු 20 ක් ගිය තැන එම ගීතයේ බුද්ධිමය දේපල අයිතිය ඉවත් වෙනවා. එවිට ඔනම කෙනෙකුට ඒ ගීතයේ අණු ඛණ්ඩ තමන්ගේ නිර්මාණ වලට යොදාගන්න පුළුවන් කියලා මම අහලා තියෙනවා. නමුත් මේ කතාව නම් බොහොම මෑතක වෙච්ච එකක් නිසා එහෙම දෙයක් තියෙනවාද නැත්නම් කසුන් කල්හාර අදාල නිෂ්පාදකයාගෙන් අහලා අවසර ගත්තාද යන්න ආදිය දන්නෙත් නැති නිසා කසුන්ට වැරැද්දක් කියන්නත් අමාරුයි.
    නමුත් කසුන් කියන්නේ අපේ රටේ නව පරපුරේ ඉදිරියෙන්ම ඉන්න බොහොම අපූරු සංගීත ඥාණයක් ඇති පුද්ගලයෙක්. අර එක රැයින් පිපිලා පරවෙලා යන ජාතියෙ සුපිරි තරුවක් නම් නොවෙයි.

  7. ChammA Says:

    අෆ්ෆා ..මාල සීන් එක නේ…කසුනුත් කොපි ද එතකොට..

  8. පිණිබිඳු Says:

    සමහරවිට ඔය සුද්දො කසුන්ගෙන් ඕක කොපි කලා වෙන්ටැ.

  9. haree Says:

    දෙවෙනි එක ලෝඩ් වෙන්නේ නෑ… පස්සෙ බලන්නම්…….

  10. බුද්ධි Says:

    මමත් මේක කාලෙකට කලින් ඇහැව්වා…… කසුන් කල්හාර කියන්නෙ මගේ ‍ප්‍රියතම සංගීතඥයා. කසුන්ගෙ ඕනැම ගීතයක් ඕනෙම වෙලාවක අහගෙන ඉන්න පුලුවන්…..

    කසුන්ගෙ සින්දුව වගේම තමා දෙවෙනි එකත් නියමයි. ඔලුවට නෙ‍මේ කෙලින්ම වදින්නෙ පපුවට

  11. නවම් Says:

    හෙහ් හෙහ්, මීට කොපියක් නේන්නං. ඒත් කසුන් කොපි කලත් ඒක නියමෙට කරල තියනව බං, අනිත් එව්වො වගේ නෙමේ.

  12. Niroshini Says:

    ෆිල්ම් එක ආවේ කසුන්ගේ සින්දුවට කලින්. මට කසුන්ගේ සින්දුව අහපු දවසේ ඒ සංගීත ඛාණ්ඩය අහලා පුරුදු වගේ දැනුනා. මම හිතුවේ කසුන් මොකක් හරි බටහිර සම්භාව්‍ය සංගීත කොටසක් (අර බෙතෝවන් ලාගේ වගේ) අරන් සින්දුවට දාල කියලා. පස්සේ ආයිත් මතක් කරද්දී තමයි ෆිල්ම් එක මතක් උනේ.
    මට ඒක එච්චර හොඳට මතක හිටින්න හේතුව ඒකේ තියෙන අමුතු සුන්දරත්වේ වෙන්ඩැති. කොහොමත් මට පාඩම් වැඩ මතක නොහිටියට, චිත්‍රපටි නවකතා හොඳට මතක හිටිනවා.
    පොඩ්ඩක් ගුගල් කරලා බැලුවම මේ ෆිල්ම් එකේ(Jack and the Beanstalk: The Real Story) මේ වීණා වායන කෑල්ලට ගොඩක් අය ආසයි. ඒ කොටස බාගන්න ඉල්ලලා දාල තියෙනවා.
    අර සඳ මිතුරි සින්දුව ගැන කොහේ හරි තිබුන එකේ තනුව හදපු කෙනා කසුන්ටයි දෙමල සින්දුව කියන කෙනාටයි දෙන්නටම තනුව දීල කියල. ඒ කියන්නේ දෙන්නම දැනුවත්ව.
    හැබැයි මොනා උනත් කසුන් තමයි අදටත් මගේ ප්‍රියතම ගායකයා… 🙂

  13. Niroshini Says:

    ප ලි – ඔය ෆිල්ම් එක ජාතික රුපවාහිනියේ හරි සිරසේ හරි සින්දුව එන්න කලින් පෙන්නුවා. කසුන්ටත් එකෙන් වෙන්නැති අදහස පහල උනේ සින්දුවට!

  14. සාතන් Says:

    බොරුව එපා…. උඹ කසුන් එක්ක මලට තමා මේක ලිව්වෙ… කලින් දවසකත් උඹ මාත් එක්ක කසුන්ට බැන්න නේද?… 😉

  15. asanka Says:

    කසුන්ගේ තව ගීත කීපයකම ඔය විදියට බටහිට ගීත වලින් ගත්තු කොටස් දාලා තියනවා,ඒත් කසුන් බොහොම සුන්දර විදියට ඒක කරලා තියනවා…

  16. වේලාව ලගයි Says:

    කොපි කරත් මනිහා ගානට එ‍ක කරලා තියනවා ජරා ව්ධ්හට මොනවා කරත් ම්නිහාගේ කටහඩ හොදයි ……………..

  17. පිස්සිගෙ ලෝකය Says:

    ඔය කතාව ඉස්සර ART Tv එකේ ගියා. අය්යයි මායි මුලු කතාවම බැලුවා. නැවත මතක් කරාට ස්තූති 🙂

  18. මුහුදු කොල්ලකාරයා Says:

    මේක celtic මියුසික් අනුව හැදුනු ගීතයක්. මගේ මතකය හරි නම් කාලෙකට කලින් වැම්පයර් එයාගේ බ්ලොග් එකේ මේක ගැන ලියල තිබ්බ. ( හරියටම මතක නෑ බ්ලොග් එක මොකද්ද කියල). You Tube එකේ Celtic Woman කියල සර්ච් කරල එන විඩියෝස් අහල බලන්න.

  19. geethika Says:

    මටත් මේක කලින් ටික් වෙලා තියෙනව….. කසුන්ගෙ විතරක් නෙමෙයි BnS ගෙත් මේවගෙ ඒව ගොඩක් තියෙනව.. උදා..
    “වසන්තයේ“ සින්දුවෙ මුල ටික එහෙමම u lead 11 එකේ සාම්පල් මියුසික් වල තියෙනව. අහල තියෙන හැටියට සද මිතුරි කොපියක් නෙමෙයි.. (ගීත දෙකම එකම සංගීතඥයාගේ)

  20. දුමී Says:

    මල්ලි, මම පිලිගන්නේ, කසුන් කල්හාර තමයි ලංකාවේ ඒ.ආර් රහමන් කියලා. ඔහු අවිවාදයෙන්ම ඉතාමත්ම දක්ෂයෙක්. ලංකාවෙ අපි අතර ජනප්‍රිය සින්දු ගොඩක් තියෙනවා තවත් නිර්මාණ ඇසුරට අරගෙන කරපුව. අපේ ශාස්ත්‍රීය ගීත හැම එකක්ම වගේ ඉන්දීය රාග ඇසුරු කර ගෙන ඒවායේ නාද රටා උපයෝගී කරගෙන කරපු නිර්මාණ. අපි කවදාවත් ඒවාට “කොපි” කියලා කියන්නේ නෑ. අනික “මල් මිටක්” අරන් ගීතයේ “ඉන්ට්‍රොඩක්ෂන්” (ආරම්භක සංගීතයා සහ “ඉන්ටර්ලූඩ්” (අතර මැද ) සංගීතයට තමයි, මේ චිත්‍රපටයේ සංගීත ඛණ්ඩය යොදාගෙන තියෙන්නෙ. සින්දුවේ තනුව ගත්තොත් තනිකරම “ස්වනිර්මාණයක්”. ගීතයේ තනුවත් ඉතාමත් මිහිරියි නේද ?

    මේ තියෙන්න චිත්‍රපටියේ සම්පූර්ණ සවුන්ඩ් ට්‍රැක් එක…

    http://www.mediafire.com/?7657ps7klgodocw

    • buwa Says:

      @දුමී – රාගයක් කියන්නේ ගීතයක් නෙවෙයි , එක රාගයක් ආශ්‍රිතව ගීත දහස් ගානක් නිර්මානය කරන්න පුලුවන් , රාගයක් ආශ්‍රිතව ගීතයක් නිර්මාණය කිරීමයි , වෙනත් ගීතයකින්/ සංගීත කණ්ඩයකින් කැලි උස්සන එකයි කියන්නෙ දෙකක් . කසුන්ට රහුමාන්ව සමාන කරනව කියන්නේ රහුමාන්ට කරන අපහාසයක් . රහුමාන් කියන්නේ පරියේෂකයෙක් මිසක් අනුන්ගේ කැලි හොරෙන් උස්සන හොරෙක් නෙවෙයි

      • දුමී Says:

        @බුවා, මම මගේ කමෙන්ට් එක දහ පාරක් විතර උඩට පල්ලෙහාට කියෙව්වා මම කොතනද රාගයක් කියන්නේ ගීතයක් කියලා ලියලා තියෙන්නෙ කියලා බලන්න. අනිත් එක මේ ෆිල්ම් එකේ සවුන්ඩ් ට්‍රැක් එකත් ගීතයක් නෙමෙයිනේ. ඒක පාවිච්චි කරලා තියෙන්නේ ෆිලින්ග් ඔකෙස්ට්‍රේෂන් එකක් විදිහට. කසුන් ඒ මියුසික් ට්‍රැක් එක “ආභාෂයට” අරගෙන තමන්ගේ “ඔරිජිනල්” මෙලඩි (වචන යොදපු සංගීතය ) එකට ඉන්ටලූඩ්,ඉන්ට්‍රොඩක්ෂන් දාලා ඒක කලර් කරපු එකෙන් කොච්චර ලස්සන ගීතයක් බිහි වෙලා තියෙනවද ? කලා කෘතියකින් රස වින්දනය තමයි මූලික දේ.

        බුවා රාග ගායනය කරනවා අහලා තියෙනවද ? රාගයක් ගීතයක් නොවෙයි කියලා කියන්න, කියන්න බලන්න ඒ දෙකේ තියෙන වෙනස් කම් ටිකක් එහෙනම්. වැරදි විදිහට හිතන්න එපා, මම බුවා තරම්ම රාග ගැන නොදන්න නිසයි අහන්නේ.

        මම කිව්වේ, කසුන් කියන්නේ ලංකාවේ ඒ.ආර්.රහ්මන් කියලා මගේ දෘෂ්ටි කෝණයෙන්. මම ඒක අදත් හෙටත් ඒ විදිහටම පිළිගන්නවා. ඒකට වෙන කවුරුවත් එකඟ නොවුනා කියලා මට ප්‍රශ්නයක් නෑ. ඒ ප්‍රකාශය අද නෙමෙයි, තව අවුරුදු 10ක් විතර යනකොට කොච්චර වැලිඩ්ද කියලා පෙනේවි.

        සමහරු කියලා තිබුනා කසුන් “The Corrs Sisters” ලගෙන් කොපි කරලා කියලා. එතකොට “The Corrs Sisters” මියුසික් ඔරිජිනල් කියලද කියන්නේ ? Corrs ලගේ Joy of Life කියන මේ සින්දුව (සින්දුව කියන්න බෑ, මේක ඕකෙස්ට්‍රේෂන් එකක්) අහලා බලන්න. කොච්චර ලස්සනද ? මේක තනිකරම අයිරිෂ් ෆෝක් මියුසික් කීපයක් එකතු කරලා කරපු නිර්මාණයක්.

        Joy of Life පර්ෆෝමන්ස් ගොඩක් තියෙනවා. මූණු පොතේ විතරක් තියෙන වීඩියෝ එක තමයි මම කැමතිම, ඩබ්ලින් වල සජීවීව කරපු එක, හැබැයි ඒක යූ.ටියුබ් එකේ නෑ…

    • ගෝල්ඩ් fish Says:

      අදහස් වලට කෙසේ වෙතත් අර සවුන්ඩ් ට්‍රැක් එලේ ලින්ක් එකටනම් බොහොම ස්තූතියි අයියෙ.

  21. buwa Says:

    “ඇත්තටම අර ඔරිජිනල් සංගීතයට වැඩිය කසුන් අයියගේ සිංදුව මැක්සා…”

    උඹ බීලද ? අර ඔරිජනල් එකේ වාදනය කරන සංගීත භාණ්ඩ වලින් එන අපූර්වත්වය කෝ …. මම මේක දැකල ගොඩක් කල් . ඔය සින්දුවයි සඳ මිතුරි එකේ ඔරිජිනල් එකයි දැක්කාම තමයි මට හිතුනේ කසුන් කියන්නේ ලොකු ටෝක් දාන තවත් එක කොපි කාරයෙක් විතර්යි කියල . මේ තනුව අහවල් එක ඇසුරෙනි කියල සඳහන් නොකර කොපි කරනව කියන්නේ තනිකරම වංචාව . කේමදාස මහත්තය ගරිල්ල මාකටින් එකට කරපු “වැහි බිඳු …” සිංදුව ජන ගී ඇසුරෙනි කියල සඳහන් කරල තිබුන මට මතකයි . නිශ්චිත අයිතිකාරයෙකුත් නැති ගෙඩිය පිටින් කොපි නොකරපු දෙයකටත් එහෙම දාන එකෙන් තමයි කේමදාස මහත්තය දක්ෂයෙක් වගේම විශිෂ්ටයෙක් වෙන්නේ . කසුන් දක්ෂයෙක් වුනත් විශිෂ්ටයෙක් නොවෙන්නෙ කැත විදිහට කොපි කරන නිසා

  22. tharindu Says:

    ඔකේ අනිත් පැත්තද දන්නේ නෑ කසුන් කල්හරගෙන් කොපි කරද දන්නේ නෑනේ..

  23. Observer Says:

    කසුන් කල්හාර දන්නවද මේ විවාදය ගැන?

  24. රත්ගමයා Says:

    හා…කියහන් බලන්න කොපි නොකරන එකෙක්… :)) සමාජක්‍රමේ තමා මාලුවෝ…මක් කොරන්නෙයි

  25. Kathandara Says:

    පිණිපලසෙත් මේ වගේ සින්දුවක් ගැන තිබුණා.
    මෙන්න තවත් බටහිර තනුවලට හදපු සිංහල ඒවා
    1. මුලු ලෝකෙ පුරා
    2. කාලෙකට මම ඔබ දකින්නට එන්නේ නෑ
    3. කොඩි ගහ යට මම උපන්නේ
    4. මල් රේනු නටලා

  26. සුමිත් දේවාදිත්‍ය Says:

    කසුන් අයිරිශ් කෝර්ස් ලාගෙන් කොපි කරල තමයි හුඟක් ඒව කරේ! උඹල නොදන්නවට දන්න උං ඉන්නවා!

  27. Pathum Herath Says:

    අමරදේව මාස්ටර් කියන නිම්හිම් සෙව්වා මා සසරේ මියුසික් එක තියෙන ඉංග්‍රිසි සිංදුවක් තියෙනවා කියල මම අහල තියෙනවා. කොපි කලේ කවුද දන්නෑ….

  28. buddie-බුඩී Says:

    නෑ නෑ ඕක කසුන්ගෙන් කොපි ක්අරලා 🙂

  29. hare :-) Says:

    ඔය කියල තියෙන සින්දුව අර කොල්ලකාරය කියල තියෙන විධියෙ එකක්. මේක ගැන කසුන්ම කියල තියෙනවා. ඔය ස්කොට්ලන්තෙ වගේ රටවල් වල ජන ගී වගේ ජාතියක්. ඔය සින්දු කොටසම ඒ විධියට වෙන නිර්මාණ වලදිත් යොදාගෙන තියෙනවලු. (ඔය පෙන්නල තියෙන ෆිල්ම් එකේ තියෙන්නෙත් ඔරිජිනල් එකක් නෙවෙයි.) මෙතනදි ඒකෙන් කෑල්ලක් අරන් කසුන්. වැඩේ කියන්නෙ එහෙම්මම අරගත්තු එකයි. ටිකක් වෙනස් කරලා නොදැනෙන්න කලා නම් හොඳයි. සඳ මිතුරි කියන සින්දුවෙ නම් කසුන්ගෙ මියුසික් නෙවෙයිනෙ තියෙන්නෙ. රාජ් කියල සංගීතඥයෙක්ගෙනේ. එයාම තමයි සින්දු දෙකම කරල තියෙන්නෙ මම දන්න තරමින්. ඒ නිසා එතන කොපියක් නෑ. හැබැයි කසුන් ඔය ස්කොටිෂ් මියුසික් එක්ක ස්කෝපියන් වගේ බෑන්ඩ් එකක ස්ටයිල් එක නම් හොඳට අරගන්නව තමන්ගෙ වැඩ වලට.

    ඉස්සර ඔය කොපි කතාවට මමත් කැමති නෑ. ඒත් බලාගෙන යද්දි ලෝකෙ කොහෙවත් genuine වැඩ නෑ.

  30. chaniya Says:

    ඕක යුරෝපියන් FOLK එකක් මචෝ………එන්ගලන්තේ ගම් වල ඉන්න අය තවමත් ඔය සින්දුව කියනව උත්සව වල…………..

  31. හිස් අහස Says:

    ඉතින් බං දෙවනි වීඩියෝ එකේ තියෙන්නේ මැජික් වීනාවක් නේ ! ඒ වීනාවට ඕන මියුසික් එකක් ප්ලේ කරන්න පුලුවන්ලු අනාගතයේදී නිපදවෙන මේ සින්දුව මැජික් බලෙන් දැකලා මැජික් වීනාව ඒක වයන්න ඇති ..

    මේක කසුන්ගේ වරදක් නෙවේ .. ඇයි බං කසුන් කියන්නේ මනුස්ස පරානයක් ඌ කොහොමද මැජික් එක්ක හැප්පෙන්නේ ?

  32. JK Says:

    Even the song in the movie is not ‘original’. This piece of music is like our ‘Gajaga Wannama’ which is used by every tom, dick and harry to spice up their songs. If you haven’t already heard this just check out this link. Gajaga wannama in hard rock style!!!

  33. කස්සා Says:

    කසුන් කල්හාරට සුන්දර කලාකාරයෙකු කියනවා හැරෙන්නට කොපි කාරයෙකු කීම මගෙ හිත හරි නැත,සඳ මිතුරී කතාවම මේ ස්ංදුවටත් අදාල වෙනව මම දන්න විදියට.කසුන් යනු ලංකා ස්ංසීතයේ නොමැකෙන නමක්.

  34. යසියා Says:

    කසුන් කල්හාර කියන්නෙ කොහොමත් දක්ශයෙක්.. ජෝතිපාල මහත්තයා වැඩිපුරකියල තියෙන්නෙ හින්දි තනුවලටනේ එහෙනම්…හොද දෙයක් කො[පි කිරීම වැරැද්දක් නෙමෙයි ම්ම හිතන්නේ…

  35. පැතුම් Says:

    මුලින්ම කියන්න ඕන මේ ගැන ලියපු මුල්ම බ්ලොග් ලිපිය නෙමෙයි මේක… ජැක් ගේ කතාවටත් මේ සංගීත ඛණ්ඩය අරගෙන තියෙන්නෙ නෝර්වීජියානු (හරියටම දන්නෙ නෑ) ජන සංගීත ඛණ්ඩයක් මූලාශ්‍රය කරගෙන බව තමයි කියන්නෙ..

    @Buwa
    සඳ මිතුරි එකට Original එකකුත් තියෙනවද? එකම සංගීත අධ්‍යක්ෂකවරයා එකම සංගීත නිර්මාණය රටවල් දෙකක භාෂා දෙකක ගායකයන් දෙදෙනකු ලවා ගායනා කළ විට Original එක හොයාගන්න විදිය කියල දෙන්න පුළුවන්නම් වටිනවා. මට තවත් ප්‍රශ්නයක් තියෙනවා.. ඒ. ආර්. රහ්මාන් කියන්නෙ අනුන්ගේ ගීත හොරෙන් උස්සන හොරෙක් නෙවෙයි කියලා බුවා එකපාරටම කිව්වෙ කොහොමද?

    අතට ගත් මල් මිටෙන් මුහුණට දමා ගැසීම ලිපියට මිගාර මහත්මයා දාලා තියෙන comment එක මම මෙතන දාන්නම්…

    17 | මිගාර
    April 24, 2009 at 8:22 pm
    මේ ගිය පට්ට ගසන්නට පෙර මෙය නිමැවුණේ කෙසේදැයි දැන ගැන්ම වටී. මේ ගීයරෛචකයා ‍වෛද්‍ය ප්‍රභා කුමාර රාජගුරු ය. ඔහු මා සමග හෝමාගම රෝහලේ එකට සේවය කළ කාලයෙහි මේ ගැන අපූරු කතාවක් කීය. ප්‍රබා විසින් ලියූ මේ ගීතය කසුන් ට ලබා දී ඇත්තේ බොන පාටියක් අතරේදීය. රෙස්ටුරන්ට් එකේ අත පිහිදන කඩදහිය මත ප්‍රභා ලියූ ගීයට එවෙලේම කසුන් තනුව යෙදූ බව සැලයි. එසේම මෙය රුසියානු ගැමි ගීත ඛණ්ඩයක් බවත් ඔහු පවසා තියෙනවා. එබැවින් ඉරාජ් ටයිප් කොපියකට කසුන් ගොස් නැති බව පැහැදිලියි.

    BnS වසන්තයේ සින්දුව කරනකොට කොහේදිද කියලා තියෙන්නෙ ඒක Air On G String කියන එකේ කොපියක් කියලා?
    BnS සරාගි සිහින අන්ධකාරයේ කොපි කරේ Toto Cutugno ගෙ L`Italiano. එකෙන්ද? නැත්නම් Mann Film එකේ Nasha Ye Pyar Ka Nasha එකෙන්ද?
    මේ පැත්තට ගිහිල්ලා තව කොපි කරල තියෙන්නෙ කවුද කියලා බලාගන්න පුළුවන්…

  36. dilan thivanka Says:

    මොනව උනත් කසුන්ගෙ music එක පට්ට,මේ ලෝකෙ අලුත් කියල දෙයක් නෑ තියෙන්නෙ වෙනස් දේවල් විතරයි

  37. අමරදාස Says:

    ඇයි බොලව් උඩ තියෙන සිංදුව අහනකොටම තෙරෙන්නෙ නැත්ද ඒක බටහිර ආභාශය ලබපු මෙලඩි එකක් කියල ..ඒ music instruments කොහෙද පෙරදිග තියෙන්නෙ. ඕවා පර්යේශන නෙවිනෙ .


hare :-) වෙත ප්‍රතිචාරයක් සටහන් කරන්න ප්‍රතිචාරය අවලංගු කරන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: