කෙල්ලෙක් කොල්ලෙක්ව සප්‍රයිස් කරපු හැටි….

මේ කතාව මගේ ෆිට්ම ෆිට් යාළුවෙක්ගේ එස් එම් එස් , ඒක පාර්ෂවීය ආදරයක් ගැන. මේ ලව් එකේ ඉතිහාසය නම් මං වැඩිය දන්නේ නෑ… ඒ වගේම මේකට යොදන්න පුළුවන් වෙනත් විශේෂන පද ගැනත් ඒ තරම් දැනීමක් නෑ. මොකද මේ ලව් එකට දාන්න සුදුසු විශේෂන එකක් වත් මං දන්නේ නෑ. කොහෙද ඉතිං අපේ සිංහල මිස්ලා අපිට ඔව්වා කියලා දුන්න එකක්යැ. අඩුගානේ පෙම් හසුනක් ලියන හැටි… දිනය දාන හැටි, ආමන්ත්‍රනය කොරන හැටි … මුකුත් කියලා දුන්නේ නෑනේ…

ඉතිං අපිත් කෙල්ලෙකුට ලියුමක් ලියද්දී…. ගරු මහත්මියනි කියලා තමා පටන් ගන්නේ… ඒ වුනාට අවසන් කරන්නේ ඔයා එනව නේද සුදු කියලා… බලහං ඉතිං ඕක ෆෝමල් ලෙටර් එකක්ද අන්ෆෝමල් එකක්ද කියලා… ඒ මදිවට දිනේ දාන්නේ… ඕනේ සැමදා සැමතැන කියලා… ස්ථානය… නුඹ ගැන සිහින මවන මාලිගයේ සිට…. ඔව්වා තමා අපේ අධ්‍යාපන ක්‍රමයේ තියෙන දුරුවල තැන්. ඔව්වා කියන්න ගියානම් කට්ටිය අපිව කන්න හදන්නේ…

ඉතිං මේ මගේ යාළුවා ඉන්නවනේ… පොර බොක්කෙන්ම ආදරේ කරන කෙල්ලෙක් ඉන්නවා. මං දන්න තරමින් හෙන හොඳ කෙල්ලෙක්‍. විස්ස විජ්ජාලෙක උකස් අධ්‍යාපනේ ලබනවා. ඉතිං මේ ළමයාගේ ගෙවල් තියෙන්නේ ඔය නුවර පැත්තට කිට්ටු වෙන්න. ඒ වුනාට ඉතිං නැවතිලා ඉන්නේ රත්මලාන කිට්ටුව.

ඒ වගේම මගේ යාළුවා එක්ක කෙල්ල කතා කරන්නේ බොහොම කලාතුරකින්. ඒ වුනාට මැසේජ් නම් යවනවා. හැබැයි තාම එක රිප්ලයි එකක් වත් නැද්ද කොහෙද… ඉතිං පොර කොහොම හරි කරලා කෙල්ලට විභාග තියෙන දවස් එහෙම හොයාගෙන මෑන්ගේ ආදර බර සුරඟන බලන්න යනවා. ඉතිං ඔන්න මට ගිය ඉරිදා එනවා මැසේජ් එකක්…. මචං මං ලබන සඳුදා කෙල්ල බලන්න යනවය, මං ගිහිං උඹට කෝල් එකක් දෙන්නම්ය කියලා…

පස්සේ ඉතිං මාත් දත කට මැදගෙන බලාගෙන ඉන්නවා මුගේ සුභ ආරංචිය අහන්න‍. සාමාන්‍යයෙන් පොර යන්නේ පාන්දර ජාමේ තමා. ඒ කියන්නේ උදේ හයට හයාමාරට විතර. පස්සේ ඉතිං මං බලාගෙන ඉන්නවා…. ඉන්නවා…. යාළුවගෙන් මැසේජ් එකක් එනකං…. වෙලාව අට වුනා… ඊට පස්සේ නවය වුනා… දහය වුනා‍‍‍… ඒත් නෑ…. දැං ඉතිං මට එක එක එව්වා හිතෙනවා… මූ කෙල්ල එක්ක කොහෙවත් ගියාවත්ද…? නැත්තං අද කෙල්ලගෙන් ඇඹ‍රැල්ලා පාරක් කෑවද…? නැත්තං ගෙදර උං මූට අල්ලං නෙලවනද… අරකයි මේකයි දාහක් පස්න මගේ ඔලුවේ… ඊට පස්සේ බැරිම තැන මං දැම්මා මැසේජ් එකක්…

මචං ‍මොකද වුනේ‍…? උඹ ගියාද අද…? කියලා…

පස්සේ ඉතිං වෙනද මැසේජ් එකට ක්ෂනික පිළිතුරු දෙන එකා අද නෑ… දැන් ඉතිං ආයෙමත් මාව රත්වෙලා… මේකට මොනා වෙලාද කියලා…

පස්සේ ඕං එනවා මැසේජ් එක…. යාළුවගෙම වචන වලින්….

Mama nokiyama giya eyawa surprise karanna. Eya awe nehe mawa surprise karanna. mama sms ekak ehema dala. Gedara lagata gihin job ekata giya. කියලා.

බලන්න ඉතිං… අපේ එකා කෙල්ලව පුදුම කරවන්න හිතාගෙන නොකියම ගියාම කෙල්ල මූව පුදුම කොරන්න හිතාගෙන ඇවිල්ලා නැහැ. අනේ සත්තලනේ කාටද ඉතිං කියන්නේ….? මේ මනුස්සයා උදේ පාන්දරම නැගිටගෙන කෙල්ලව බලන්න ගෙවල් කිට්ටුවට ගියාම කෙල්ල මූට පොල්ලක් තියලා… මං අහන්නේ කෙල්ල මෙහෙම මූට කරන එක වැරදියි නේද…? හරිනම් ගෙයින් එලියට ඇවිල්ලා…. මං මේ ඉන්නවා ඕයි කියලා යන්න තිබුනේ නැද්ද…?  නිකමට කෙල්ල හිතුවද මේ පිස්සා උදේ පාන්දරම නැගිටගෙන ආවේ මාව බලන්න නේද කියලා…. නැහැනේ… නෑ… මට එහෙම්ම කියන්න බැහැනේ…. කෙල්ල එහෙම හිතුවද දන්නෙත් නැහැනේ… ඒත් මොනා වුනත් නංගි උයා කොරපු දේනම් බොහොම වැරදියි. අතාරින්න එපා මචං… කොහොම හරි ඕක දාගනින්… ඊට පස්සේ මචං උඹට කිංඩි දාපුවට දීපං  හොඳ ගේමක්…

දැන් ඉතිං මේ පෝස්ට් එක පොර බලන්න ඕනේ පොතේ හැටියට… ඉතිං ඔය අත්දැකීම් බහුල නෝනා මහත්වරු දන්න උපදෙස් එහෙම තියෙනම් කිව්වට කමක් නෑ… අනිත් එක කෙල්ල මූට අකමැත්තකුත් නෑ වගේ තමා මෑන් කියන්නෙ… ආයෙ මොනාද පොරට විතරක් නෙමේ මටත් එහෙම්ම හිතෙනවා…. ඒක නිසා මුං දෙන්නව ඉක්මනට එක්කහු කරලා මාත් ‍කේක් කෑල්ලක් ඉල්ල ගන්න ඕනේ… ඔව්වා ඉතිං ආත්ම ගානකට මහත් පල මහානිසංස දෙන පිං කං නොවැ….

48 Responses to “කෙල්ලෙක් කොල්ලෙක්ව සප්‍රයිස් කරපු හැටි….”

  1. පූසා Says:

    මෙහෙම කිව්වට මුකුත් හිතන්නෙ එපා මචං. ඒ කෙල්ලගේ වැරැද්දක් නෑ. උඹේ යාළුවා විහින් මුලා වෙලා ඉන්නේ. කෙල්ලෙක් කොල්ලෙක්ට කැමතිනම් මම දන්න තරමින් ඔච්චර සෙල්ලම් දාන්නේ නෑ….

  2. සාතන් Says:

    බොරුව නොදා ඉඳපන්… මේක උ‍ඹේ යාළුවෙක්ට වුන එකක් නෙමෙයිනෙ… (* කෙල්ලෙක්ගෙන් යාලුවෙන්න අහනවනම් උදේ 6ට කලින් අහන්න ඕන… උඹ පාන්දර ගිය එක වරදක් නෑ ඒ හින්ද… ;))

  3. මධුරංග Says:

    කොහෙද මාළු අයියා ඔය කෙල්ල ඉන්නේ ? ගෙදෙට්ට ම ගිහින් දෙකක් කතා කරලා එන්නම් !!!!
    අපිට නම් කැම්පස් එකේ ඉන්නකොට පෙම් හසුන් ලියන්න ඉගැන්නුවා. ඒක හැබැයි ඉංග්‍රිසි වලින්.

  4. sithuwam Says:

    නිකං කැමතියි අකමැතියි සීන් එකක්නෙ බං.ඉතින් මේ යෝධයා තාම ඇහුවෙ නැද්ද?යන කජු අත්තකින් යන්න කියල අහල දැම්මනම් ඉවරයි බං..

  5. පිණිබිඳු Says:

    කෙල්ල ඇත්තටම කරනවදෝ කියන සැකයකුත් එනවා හැබැයි. ඔච්චරම දුක් විඳගෙන ආපු කොල්ලව තත්පරේකටවත් නොබල ඉඳියිද ඇත්තටම ආදරේ නම්.

  6. Kasun Chanaka Says:

    ඔය වගේ සර්ප්‍රයිස් නම් ඕන තරම් ලැබෙනව නෙ.

  7. Dinuka Harshana Says:

    සප්‍රයිස් නොකරම ගියා නම් යාළුවා ගොඩනේ.

  8. බීටා Says:

    උට කෙල්ල සෙට් වෙන්ට ඕනෙ නම් මාළු අයියා ඌ එක්ක කෙල්ල බලන්න නොයා ඉන්න ඕනේ. මොකෑ කියනව නම් ගෝල් පිෂ් වගේ හැංසොං එකෙක් දැක්කම අර කෙල්ලට අරූව එපා වෙන්න පුළුවන්

  9. annonyomus Says:

    යංතං ගෝල්ඩ් ෆිෂ් ගෙ කක්කුස්සියට ලෝඩ් වෙන හමක් දාලා. නැත්තං මේ මගුල ලෝඩ් වෙන්න සතියක් විතර යනව.

  10. Sarath lankapriya Says:

    හපොයි ඒක පාර්ශවීය ආදරේ ගැන නම් කියන්න එපා.. ඒක කොහොමත් එහෙම තමයි.. මෙහෙමයි එයට ආදරේ කරනකන් එයා ඔයාට කරාවි. ඉතින් බිතතරේද කිකිලිද ඉස්සෙල්ල එන්නේ ?

  11. නවම් Says:

    උඹ අර රාහු කාලෙ පන්නල යනයි කිව්වෙ මේ කෙල්ල බලන්නෙයි බං. ඒත් ඉතිං එහෙම වෙන්නත් බෑ, මොකෝ මේක වෙන එකෙක්ට වෙච්ච දෙයක්නෙ නේද…… හික්… !

  12. කල්හාර Says:

    යාලුවට කියන්න පුරුස දහිරිය අරගෙන කෙලින්ම ගෙදරින් අහන්න කියලා, වැඩේ කම්මුතුයිනෙ එතකොට ………

  13. මදුශාන් Says:

    හලේ මාලුවෝ මටත් මෙහෙම වෙයිද? :O :O දවසට මැසේජ් 60ක් විතර ගැහුවට තාම ඒක පාර්ශිකයිනෙ බං 😦 😦 😦

  14. කරුමක්කාරයෙකුගේ දින සටහන් Says:

    “කොහොම හරි ඕක දාගනින්… ඊට පස්සේ මචං උඹට කිංඩි දාපුවට දීපං හොඳ ගේමක්” – දාගත්තට පස්සෙ ඉතින් අත අරින එක තමා ඩෙන්න පුලුවන් හොඳම ගේම? කික්

    • ගෝල්ඩ් fish Says:

      ඔය ඉතිං දන්න හරිය තමා…. මං කිව්වේ මාස දහයේ පනිෂ්මන්ට් කෝස් දෙකක් විතර කෙරෙව්වුනම් … මුලු පවුලම සන්තෝසෙන් ඉන්නවා. යකෝ කෙල්ලෙක් අපිව රිද්දුව පලියට කෙල්ලට රිද්දලා හරියන්නේ නෑ,.. ඒකිට තව තව ආදරේ දෙන එකයි කරන්න ඕනේ.

  15. බෙලෙක් කටා Says:

    අමතක කරන්න යනව වගේ ඇට් කරන්න කියපං කොල්ලට.කෙල්ල අඬල අඬල යාලු වෙයි…[මට උනා වගේම.]

  16. arunishapiro Says:

    තරුණ කාලේ මතක් වෙනවා.

    කැමති නැහැයි කිව්වම තරහ වෙයි කියන බයට අකමැති අය එක්ක යාළු වෙච්ච, විවාහ වෙලා දීග කන යෙහෙළියෝ ඉන්නවා.

    අකමැතියි කියල බොරුවට කියන්න ගිහින් කැමති අයව නැතිවෙච්ච යෙහෙළියෝ ඉන්නවා.

    ඇත්තෙන්ම යාළුවෙක් විදියට කැමතියි ඒත් එතැනින් එහා දේවල් වලට අකමැතියි කියන්න ගිහින් (ඒ මම) තරහා වෙච්ච අය ඉන්නවා!!!

    සමහර අය මහළු වයසට යද්දී ආයේ තරුණ වයසට යන්න හිතනවා. ඔය ගැටළු නැති මේ මහළු වයස කොතරම් සුන්දර ද?!!!!

  17. මකුළුවා Says:

    අයියා ඔය කෙල්ලොන්ගේ හැටි අයියා…..ගණන් ගන්න එපා…උන්ගේ‍‍ ‍මොළේ විකාර ඒකයි……නැත්තම් ඔහොම ගොන්පාර්ට් දායියෑ…….කේක් කැවොත් ඉතින් තනියම කන්න එපා…අපිත් කන බොන මිනිස්සුනේ……..

  18. Prabha Says:

    malu aiyage love guru theory walinwath yaluwa kellawa kamathi karaganna baluwe nadda??anith aya ewa karanna gihin guti kewata ekek hari ewagen goda giya kiyala maluwata sathutu wenna puluwan… 😀 😀 😀 Kella akamathi na wage kiyala hithenawanam baya wenna deyak na..maluwage yaluwa ikmanta goda yawi..

  19. කෝඩුකාරයා Says:

    පව් අර කොල්ලා…….ඔය කෙල්ලව නම් අතාරින්න හොඳ නෑ.මේ ඔයාගෙ අත්දැකීමක් නෙමෙයි නේද?

  20. Black King Says:

    ඔය තරම් බ​ලෙන් ගන්න ආදරේකින් වැඩක් තියෙනවද ටිකක් හිතල බලපන්


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: