ආදරය අනතුරු සහිතයි… ප්‍රවේශමෙන් පරිහරණය කරන්න.

ආදරය… මේ වචනේ ‍තේරුම ඉතිං කියලා දෙන්න ඕනේ නැහැනේ. හැමෝම දන්නවනේ…  හැබැයි ඉතිං කවුරු හරි ඇහුවොත් එකෙට්ටවත් උත්තර නෑ… බොරුද මං කියන්නේ…? ඔක්කොමලා කරන්නේ අහස පොළොව ගැටලලා හිතට එන අදහස් දහස් ගානක් අතරින් ටිකක් එහෙට මෙහෙට කරගෙන යාන්තං උත්තරයක් හදාගෙන කියන එක.

ඉතිං මං මුලින්ම කියන්නම් ආදරය මං දකින විදිය ඊට පස්සේ යමු කතාවට.  ඇත්තටම ආදරය කියන්නේ බොහොම ප්‍රවේසමෙන් හැසිරවිය යුතු දෙයක්. මොකද ආදරයත් එක්ක තවත් ගොඩක් දේවල් ලින්ක් වෙලා තියෙනවා. ඒ වගේම ආදරය කියන දෙය එක එක පුද්ගලයා එක්ක තියෙන සම්බන්ධතාව අනුව වෙනස් වෙනවා. දෙමව්පියන් දරුවෙකුට තියෙන ආදරය නෙමේ සැමියෙක් බිරිඳකට තියෙන්නේ… ඒ වගේම ගුරුවරයෙක් සිසුවෙකුට තියෙන ආදරය නෙමේ ආච්චි කෙනෙක් මුනුපුරෙකුට තියෙන්නේ…

ඒ වගේ එක එක විදියට ආදරය විවිධ අය අතර විවිධ රූප වලින් පෙනී සිටිනවා. එමෙන්ම එක පුද්ගලයෙක් තුලින් ගොඩක් ආකාර වල ආදරය දිස් වෙන්නත් ඕ‍නෑ තරම් ඉඩ තියෙනවා. ඒ වගේම ආදරය කියන සිතුවිලි ධාරාව නිසා ඇතිවන හැඟීම ගොඩක් ප්‍රබලයි. යම් කෙනෙක්ව සිටින මානසික මට්ටමෙන් උඩට උස්සලා තියෙන්න හරි පහලට හෙලන්න හරි මේ ආදරයට පුළුවන්. ඒකයි මං මුලින්ම කිව්වේ ආදරය කියන‍්නේ බොහොම පරිස්සමින් පරිහරණය කල යුතු දෙයක් කියලා.

කොටින්ම කියනවා නම් ආදරය මිනිස්සුන්ට වගේම සියලූ සතුන්ටත් අත්‍යවශ්‍ය දෙයක්. ඇමීබා වගේ ඒක සෛලික ජීවියෙකුට ඇරෙන්න ආදරයෙන් තොරව තම වර්ගයා බෝ කිරීමේ හැකියාවක් නෑ. මොන මොන ක්‍රම වලින් හරි එහෙම වුනත් වර්ගයා ජීවත් කරවන්න බැහැ ආදරයක් නැත්තං. ඒ කියන්නේ ආදරය නැතුව පැවැත්මක් නැහැ කියන එකයි.

ඉතිං දැන් බලමු මේ අමුතු ආදරය ගැන. මේ කියන්නේ මූනට මූනට හම්බුනොවී දැකලා වත් නැති අය අතර ආදරය ඇතිවෙන හැටි ගැන මං දකින විදිය. සාමාන්‍යයෙන් තරුණයෙක් තරුණියකට ආදරය වෙන්නේ… මුලින්ම රූපයට… ඊට පස්සේ කතාවට, ඊට පස්සේ ගතිගුණ  වගේ දේවල් වලට. හැබැයි ඔය ඔක්කොටම මුලින් සල්ලි හා ධනවත් බව ඔබාගන්න උදවියත් ඉන්නවා.

ඉතිං කොහොමද මේ කවදාකවත් නොදැක්ක දෙන්නෙක් අතර ආදරයක් ඇතිවෙන්නේ. මං ගොඩක් දුරට විග්‍රහ කරන්න යන්නේ නෑ… ඒක නිසා කෙටියෙන් කියන්නම්. ඔය නොදන්න අය අතර ඇතිවෙන ආදරය… ඇතිවෙන්න මුල්ම ක්‍රමය තමා දුරකථනය. හැබැයි දැන්නම් ඔය ක්‍රමය යල්පැනලා තියෙන්නේ… දැන් ලීඩ් කරන්නේ සෝෂල් නෙට්වර්කින් ක්‍රමය. ෆේස් බුක්, ටීවීටර්…. වගේ ක්‍රම තමා. අමුතුවෙන් කියන්න ඕනේ නැහැනේ…

ඉතිං ඉස්සර නම් දුරකථන ආදරයක් පටන් ගන්නේ… වැරදිලා එබෙන හරි ඔබලා බලන අංක කීපයක සංකලනයකින්. ගොඩක්ම වැඩේට දක්ෂ පිරිමි. කොයි තරම් ආඩම්බර කෙල්ලෙක් වුනත් තමන්ට අවශ්‍ය පොයින්ට් එකට වෙනකං තල්ලු කරගෙන යන්න දක්ෂ පිරිමි ඕනෙ තරම් ඉන්නවා. ඒ අය ගොඩක්ම උපයෝගි කරගන්නේ පැනි බේරෙන වචන. ගොඩක් වෙලාවට කියන්නේ බොරු. ඇත්තෙන්ම ඒ අයගේ උත්සාහය වෙන්නේ ගොඩක් වැරදි නරක දෙයක්. සමහරවිට ගෑණු කෙනා සතු මිල මුදල් වෙන්න පුළුවන් එහෙමත් නැත්තං වෙනත් ස්වභාවික වුනත් අස්වාභාවික අශාවන් වෙන්න පුළුවන්. ඔය වගේ දේවල් ගැන අපිට මේ සමාජයෙන්ම ඕනේ තරම් උදාරහණ හොයාගන්න පුළුවන්. ඒක නිසා ප්‍රශ්නය තේරුම් ගන්න අමාරුවෙන එකක් නෑ… මුලින්ම ආදරය වගේ දෙයකින් හිත පිරිලා යන විදියට කතාකරනවා. ඊට පස්සේ ආදරයට ලින්ක් වෙලා තියෙන වෙනත් හැඟීම් වලට මුල් තැන දීලා ඒවා ඔස්සේ යද්දී ගොඩක් වෙලාවට පිරිමියා දිනන තැනට ඇවිත්.

ඒ වගේම ඔය වගේ දේවල් වලට සැදී පැහැදී සිටින ගැහැණුත් ඉන්නවා. පිරිමින්ගේ දත් ගලවනවා කියන්නේ… අන්න ඒකට තමා. හැබැයි මෙතෙන්දී ඇත්තටම ඉස්මතු වෙන්නේ ආදරය නෙමේ කියලයි මට නම් හිතෙන්නේ… මොකද  කවදාවත් දැකලා නැති කෙනෙක් ගැන, ගතිගුණ කිසිවක් හඳුනන්නේ නැති කෙනෙක් ගැන… කොහොමද සැබෑවට ආදරයක් උපදින්නේ… සමහරවිට  අපි රැවටෙන්නේ ඒ අදාල කෙනාගේ රූපයට වෙන්න පුළුවන්. නැත්තං කටහඩට වෙන්න වෙන්න පුළුවන්… එහෙමත් නැත්තං ෆේස් බුක් චැට් එකේ එවන පැනි වචන වලට වෙන්න පුළුවන්.

ඒත් නිකමටවත් හිතෙනවද… මෙයා කොහොම කෙනෙක් වෙන්න ඇත්ද කියලා… අඩුමගානේ අදාල පුද්ගලයගේ චරිතය ගැනවත්… මං හිතන්නේ අපි දන්නේ ඒ කවුරු හරි අපිට කියන දේ විතරයි. මොකද ඉතිං ගිහිං හොයාගන්නයැ… හරියට ඇඩ්රස් එකක් වත් කියනවද කියලා 100%ක් විශ්වාස කරන්න පුළුවන්ද…?

ඉතිං මට තියෙන ප්‍රශ්නය තමයි… කලින් කිව්වත් වගේ ඔය අවස්ථාවෙදී ඇත්තටම ඇතිවෙන්නේ ආදරයද…? මගේ උත්තරේ මං මුලින් කියන්නම්… ඊට පස්සේ ඔයා තීරණය කරන්න මම හරිද වැරදිද කියලා…

මං කියන්නේ ඔය වෙලාවට ඇතිවෙන්නේ ආදරය තමා. හැබැයි… ඇත්තටම ඇත්තම නැත්තං ජෙනුයින් ආදරයක් නම් නෙමේ. මොකද ජෙනුයින් ආදරයක් ඇතිවෙන්න නම් එකිනෙකාගේ අදහස් හොඳින් හඳුනගන්න ඕනේ… ඊට පස්සේ ගතිගුණ… එහෙම නැතුව කවදාවත් ඔය වගේ චැටිං වින්ඩෝ එකක් ඇතුලෙදීවත්, දුරකථනයේ ඉලක්කං අස්සෙවත් සැබෑ ආදරයක් උපදින්නේ නෑ…

සමහර විට ආදරය කරන අය පස්සේ කාලෙක හමුවෙලා තමන් මෙච්චර කාලයක් නොදැන කරපු ඇසුර විවාහය දක්වා දුර යන්නත් බැරි කමක් නෑ… ඒත් ඒක වෙන්නේ ගොඩක් කලාතුරකින්.  ඒ වගේම ඒ ආදරයේ අවසානය විවාහයෙන් කෙලවර වෙනවා ලෝකය දැක්කත්… සමහර විට දැම්ම මුද්ද ගැලවෙන්නත් වැඩිය කාලයක් යන්නේ නෑ… නමුත් ඔය ගොඩ දෙනක් අස්සේ සාරථක වාසනාවන්ත පවුල් ජීවිත ගත කරන අයත් ඉන්නවා.

ඉතිං මං අන්තිමටම කියන්නේ ආදරයේ පැති ගොඩයි. ආදරය කියන දෙය මේ වගෙයි කියලා කියන්න පුළුවන් කෙනෙක් මං හිතන්නේ තාම නං ඉපදිලා නෑ… ඒ වගේම ආදරය ගොඩක්ම… ගොඩක්… ප්‍රවේසමෙන් පරිහරණය කරන්න ඕනේ දෙයක්. නැත්තං එක එක්කෙනාගේ හිත රිදෙන්න පුළුවන්… ඒ වගේම ජීවිත නැතිවෙන්න පවා පුළුවන්…

ඉතිං මට හිතෙන්නේ “ආදරය අනතුරු සහිතයි… ප්‍රවේශමෙන් පරිහරණය කරන්න.” කියලයි. ඇත්තෙන්ම තව ගොඩක් දේ ගැන කතාකරන්න පුළුවන්… ඒත් මං කැමතියි ඒ දේවල් ඔයාලම හොයාගන්නවනම්. වෙන කෙනෙක් කියන දෙයක් තව කෙනෙක්ට දැනුමක් තමයි. ඒත් ආදරයෙදී නම් එහෙම නෑ… පුළුවන් තරම් තනියම ඉගෙන ගන්න එක තමා හොඳ.

32 Responses to “ආදරය අනතුරු සහිතයි… ප්‍රවේශමෙන් පරිහරණය කරන්න.”

  1. බීටා Says:

    ඇත්ත කතාව මාළු අය්යේ…….ඕක ප්‍රවේසමෙන් පාවිච්චිකරන්න ඔනේ…. නැත්තම් හිත් රිදිලා…දුක තමා ඉතුරු වෙන්නේ….ඔය කියන විදිහට නොදැක ඇතිවන ආදරෙන් ගොඩ යන අයත් ඉන්නවා.

  2. අකිකරු හිත Says:

    මේක 200% ක් ඇත්ත….

  3. prabha Says:

    me kathawa nam aththa thama..ada kale wadipura wenne ma de thama..eth me wenakan ekaparak dakala itapasse adare karanna patan aragena e kenage gathiguna gana wena katath wada hodin danagena hamadatama e adareth ekka sathutin jiwathwena ayath innawa.ehema aya inne tika dena unata ehema aya innawa…. karana adare 2nnama awankawa kranawa nam kisima dukak na… 🙂

  4. shanu Says:

    මම මේකට මුකුත් කියන්නේ නෑ…..

  5. නවම් Says:

    ඔය තියෙන්නෙ කියන්න ඕනෙ දේ තිතටම කියල…….

  6. ගිනි කුරුල්ලා Says:

    හ්ම් හ්ම්.. පණ වගේ ආදරේ කරලා අන්තිමට ඒක නැති උනාම ජීවීතෙත් නැති කරගන්න උන් අම්බානක ඉන්නවා බන්.

  7. සාතන් Says:

    ආදරේ ගැන සාතන්ගෙ නම් තියන්නෙ වෙනස්ම අදහසක්…. ආදරය කියන්නෙ මචන් අපි එක එක්කෙනාට ඕන කරන දේවල් ලිස්ට් එකක් අකුරු 4කින් ලස්සන කරල කීමක් විතරයි… දෙන්නට දෙන්න අනෙක් කෙනාගෙ අවශ්‍යතා වලට දෙන තැනයි, තමන්ගෙ උවමනාවන් ඉෂ්ඨ වෙන ප්‍රමාණයන් මතයි ආදරය කියන එක අඩු වැඩි වීම පැවැත්ම තීරණය වෙනව….
    චැටින්, කෝල්ස් වලින් වෙන්නෙත් ඕකමයි… ඔතනදි වෙන්නෙ දවසකින් දෙකකින් ආදරේ ඇතිවීමක් නෙමෙයි… දවස ගානෙ එකම වෙලාවකදි එකම දේට හුරුවුනහම ඒක අවශ්‍යතාවයක් වෙනව… නැති වෙද්දි හරි අමාරුයි… ඉතිං හැමතැනදිම වගේ ඕකට දාගන්නෙ ආදරේ කියන වචනෙ….
    තම තමන්ගෙ උවමනා එපාකම් ඉෂ්ඨ කරගන්න ආදරේ කරනව කියන එක නරකයි කියල හිතනව නම් ඒක එහෙම නෑ…. ඒක නරක් වෙන්නෙ එකම පුද්ග‍ලයෙක්ගෙ උවමනා එපාකම් ඉෂ්ඨ වෙනවනම් විතරයි…. කසාද බැදපු දෙන්නෙක් අතරත් තියෙන්නෙ සරලව ගනු දෙනුවක්…. ගනුදෙනුවෙ සාධාරණ අසාධාරණ තත්ත්වය උඩ පැවැත්ම තීරණය වෙනව….

    යකෝ, සෑහෙන දිග කමෙන්ටුවක් කෙටුනනෙ…. මම කියන්නෙ බොරු කියල හිතෙනවනම් එකම කෙල්ලෙක්ට මාස 3ක් හැමදාම එකම වෙලාවක විනාඩි 10ක් කෝල් කරල බලපන්…..

  8. හංසකිංකිණි Says:

    අද මොකද මේ පිෂ් මලය සීරියස් වෙලා???

  9. පිණිබිඳු Says:

    චැටින් වින්ඩෝ එකකින් කෝල් එකකින් හම්බවෙන කෙනෙක්ගෙන් ලැබෙන දේ ඇත්තටම ආදරයද. සමහර වෙලාවට ඕක හරියන වෙලාවල් ඇති. ඒත් අද වැඩි දෙනා කරන්නෙ මොහොතකට ආතල් එකක් ගැනීම විතරයි.

  10. කුරුං ගුරුං Says:

    ඇතුවත් බැරි,නැතුවත් බැරි,හරියට අඳුනන්නෙත් නැති,නොහඳුනන්නෙත් නැති,මොකක්ද කියල වචනෙන් කියන්නත් බැරි,ඒත් එහෙමමත් නැති….

  11. මලිති Says:

    හම් ටිකක් බරපතලයි :)රුවටෙන්නම් හොඳ නෑ ඇත්තටම ආදරයක් නැති කෙනෙකුට ,ජීවිතේ අනතුරේ වැටෙන්න උනත් පුලුවන් ……කොහෙන් හම්බ වුනත් දෙන්නට දෙන්නා අදුරගෙන ආදරය කරන එක තමා ගොඩක්ම වටින්නේ..ඉවසිම කියන දේත් තියෙන්න ඕනේ.මටත් මගේ ආදරේ හම්බ වුනෙත් කවදාවත් නොහිතපු විදියට.අපි සතුටින් ඉන්නව දැන් 😀

  12. කුරුම්නියා Says:

    මාඵවා හරි බලාගෙන යන කොට ම්..මමත් ලොකු අවුලක් ලිහන්න තමා ලගදි හිතාන ඉන්නෙ..පැටලෙයිද කියලත් තාම කියන්න බෑ..පරිස්සම කෝකටත් හොදා තමා..

  13. සිරි කොලුවා Says:

    ආදරය අනතුරු සහිතයි, ප්‍රවේශමෙන් පරිහරණය කරන්න…….. සහතික ඇත්ත කතාව අයියා. එක කෙස් ගහක වැරැද්දකින් ලොකෙ තියනව භයානකම ජිව අවිය ආදරය වෙන්න වැඩි වෙලවක් යන් නැ ……….

  14. අයේෂා Says:

    ඔයාගෙ කතාවනම් සහතික ඇත්ත අය්යා… නියම කතාව…. අත්දැකිම් බහුලයි වගේ 😉


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: