ඇක්සලරේටඩ් ගේම…



මේ කතාව ඇහුවම නම් අපේ රට ගැන කැක්කුමක් තියෙන එවුන්ට දුක හිතෙන්න ඕනේ. නැත්තං ඉතිං වැඩක් නෑ. මේක ඇත්තම සීන් එකක්… දැනටත් ක්‍රියාත්මක වෙනවා. සීන් එක යන්නේ ගෝල්ඩ් fish රැකියාව කරන ආයතනයේ.

අපේ ෆැක්ටරි එකේ යම් නිශ්පාදන භාන්ඩයක් නිපදවනු ලබනවා. ඒක මොකද්ද කියලා මට කියන්න විදියක් නෑ… මොකද ඒක රැකියාව කරන තැනට හොඳ නැති නිසා. විශ්වාසවන්ත කීපදෙනෙක් නම් දන්නවා, ඒ අයගෙන් කරුනාවෙන් ඉල්ලා සිටිනවා ගෝල්ඩ් fish ගේ සේවා ස්ථානය ගැන කිසිවක් නොපවසන ලෙස.‍

ඉතිං මේකයි සීන් එක, අපේ ‍ෆැක්ටරිය පටන් අරන් දැනට අවුරුදු 24ක් වෙනවා. ඉතිහාසයේ පළමු වරට තමා මෙහෙම දෙයක් ක්‍රියාවට නැංවුනේ. මෙච්චර කාලෙකට අපේ ආයතනයේ වැඩ කරේ දවසක් ඇර දවසක් රාත්‍රි සේවාමුරයක් විදියට. ඒ කියන්නේ සඳුඳා, බදාදා, සිකුරාදා නයිට්… අඟහරුවාදා, බ්‍රහස්පතින්දා 4.30ට ඕෆ්. ඒ ඇරනම සෙනසුරාදා නයිට් එකක් හෝ දහවල් 1.30ට ඕෆ්. ඉතිං මේ විදියට අවුරුදු 24ක් ආයතනය කරගෙන ආවට පස්සේ තමා අපේ ආයතනයේ ලොකු තැන් වලට මොලේ පෑදිලා තියෙන්නේ.

ඇත්තටම අපේ ආයතනයේ, හවස 4.30 වෙද්දී කරන්න ඕන වැඩ ටික, එහෙමත් නැත්තං ටාගට් එක දවල් 11.00 වෙද්දී කවර් කරනවා. ඊට පස්සේ නයිට් එකේ වැඩ, ඒ කියන්නේ ඊළඟ දවසේ උදේ 6.30 වැඩ ටික හවස 4.00 විතර වෙද්දී ඉවරයි. පස්සේ ඉතුරු මුළු පැය 16කට ආසන්න කාලයම අපේ සේවක මහත්තරුන් කරන්නේ, කාලා බීලා ආතල් එකේ ඉන්න එක තමා. එහෙම නැත්තං හවස ලොක්කෝ ටික ගෙවල් වලට ගියාම තම තමන්ගේ බයිසිකල් හෝදගන්න, ඒවා රෙපෙයාර් කරන්න එහෙමත් කට්ටිය පෙළඹිලා හිටියා. ඇත්තටම ඉතිං ඒ මිනිස්සුන්ට බනින්නත් බැහැ. මොකද පැය දාසයක් නිකං ඉන්න බැහැනේ. ගෙවල් වලටත් යන්න නැති එකේ ඔය බයිසිකල් හේදිල්ල වගේ ඒවා ඉතිං කරාට කමක් නෑ වගේ තමා.

ඉතිං දැන් තමා ප්‍රශ්නේ පටන් ගන්නේ. රෑ වෙනකොට කට්ටිය ලයිට් දාගෙන රැ 11 විතර වෙනකම් කයිය දාගෙන ඉන්නවා. තවත් කට්ටියක් පාන්දර වෙනකම්ම ටී.වී එකේ එල්ලිලා. තවත් කට්ටියක් එලිවෙනකම්ම ෆෑන් දාගෙන හොඳට බුදි. ඉතිං නිකමට හිතලා බලන්න නිකං ගත කරන පැය දාසයක් වෙනුවෙන් ජලය, විදුලිය වගේ දේවල් කොයි තරම් වැය වෙනවද? ඒවා කිසිම වැඩකට ඇතුව නෙමේ වැයවෙන්නේ.

ඉතිං ඔන්න දෙයියනේ කියලා අවුරුදු 24කට පස්සේ අපේ පාලනාධිකාරිය තීරනය කරලා තියෙනවා ටාගට් දීලා එහෙම නැත්තං වැඩ කොටස සම්පූර්ණයෙන් අහවර කරලා හවස 6‍‍‍.30 වෙද්දී කට්ටියටම ගෙවල් වලට යන්න අවස්ථාව ලබා දෙන්න‍. මේ මාසේ පළමුවෙනිදා ඉඳං ඒක ක්‍රියාත්මකයි. ඇත්තටම ගෝල්ඩ් fish නම් හිතන්නේ මේ වැඩේ කරන්න තිබුනේ ගොඩක් කලිං කියලයි.

ඇත්තටම හැබැයි මේකෙත් අර පිහියේ කැපෙන පැත්තයි අනිත් පැත්තයි වගේ පැති දෙකක් තියෙනවා. ඒ තමා… එකක් මිනිස්සු ඉස්සර පොඩි විවේකයක් අරගෙන ඉඳලා තමා දෙවෙනි වැඩ මුරය පටන් ගන්නේ… ඉතිං මේ ඇක්සලරේටඩ් ක්‍රමයෙදී ඒක නැති වෙනවා… ඒ කියන්නේ මිනිස්සු ඉක්මනට විඩාවට පත්වෙලා, කාර්යක්ෂම තාවය අඩුවෙනවා. ඒ වගේම යන්ත්‍ර සූත්‍රත් ඉක්මනට ‍බ්‍රේක් ඩවුන් වෙනවා. ඊ‍ට පස්සේ ඒවා හදන්න ගියාම වැඩ නවත්තන්න වෙනවා. ඔන්න ඔහොම ප්‍රශ්න ගොඩක් ඇතිවෙන අතරේ ඉස්සර දවසක් ඇර දවසක් ගෙදර ගිහින් දරු මල්ලොත් එක්ක හිටිය සේවක මහත්වරු දැන් හැමදාම ගෙදර යනවා. ඉතිං ඒක තමා මේ ඇක්සලරේටඩ් ක්‍රමයේ තියෙන සේවකයින්ගෙන් පැත්තෙන් වාසිය.

ආයතනය පැත්තෙන් නම් වතුර බිල, ලයිට් බිල සනීපාරක්ෂක සේවා සඳහා යන වියදම් එහෙම භාගෙට භාගයක් විතරයි ඉතුරුයි. හැබැයි වැගදගත්ම දෙයක් තියෙනවා කියන්න. ඒ තමා අපේ ආයතනයේ නිපදවෙන භාන්ඩයේ තත්වය දැන් ඉස්සරටත් වැඩිය හොඳයි කියන එක. මම දන්නවා තත්ත්ව පාලනය ගැන හොඳට, මොකද හැම කෙනෙක්ගෙම තත්ත්ව වාරතා අන්තිමට නවතින්නේ මගේ ගාව නිසා. ඇත්තටම සෑහෙන ලොකු වර්ධනයක්.හිතාගන්න අමාරුයි තමා. ඒත් ‍එහෙම වෙලා.

ඒ තමා ඇත්ත කතාව. ඒත් ගෝල්ඩ් fish මේකෙන් කියන්න උත්සාහ කෙරුවේ… ආයතන මෙච්චර කාලයක් තිස්සේ, කාලය, ජලය, විදුලිය, ඒ වගේම මිනිස්සුන්ගේ සතුට තේරුමක් නැති විදියට තමා පරිහරනය කරලා තියෙන්නේ. ඇත්තටම දැන් සේවක මහත්වරුන්ට තැන් තැන් වලට වෙලා කයිය ගගහා ඉන්න ඕනේ නෑ, අහුමුළු වල නිදිකරන්න වෙලාවක් නෑ… තමන්ට අවශ්‍ය වෙලාවට පොඩි විවේකයක් ගන්න පුළුවන්, ඒත් ආයෙමත් සුළු මොහොතකින් වැඩ. කොටින්ම කිව්වොත් අපේ සේවක මහත්වරුන්ට වෙන වැඩ කරන්න කාලයක් නෑ. හැම විනාඩියක්ම තමන්ගේ රැකියාව වෙනුවෙන් කැප කරන්න වෙලා. ඒත් කිසිම කෙනෙක් ඇක්සලරේටඩ් ක්‍රමයට අකමැති නෑ. ‍හැමෝම කැමතියි. මොකද හැමදාම හවසට ගෙදර යන්න පුළුවන් නිසා.

ඇත්තටම දැන් තමා ෆැක්ටරි එක නියම ට්‍රැක් එකට වැටිලා තියෙන්නේ…. මැෂින් නම් බ්‍රේක් ඩවුන් වෙන වාර ගනන වැඩියි. ඒක නිසා නඩත්තු අංශයත් තව අමතර පිරිසක් ඕනෑම වෙලාවක සූදානමින් තියලා තියෙනවා. ඇත්තටම ගෝල්ඩ් fish හරි සංතෝෂයි ‍මේ ක්‍රමය ගැන.

ඉතිං කාට හරි කියන්න පුළුවන්ද මේ වගේ වැඩකට නැති විදියට ජාතික සම්පත් නිකරුනේ නාස්ති කරමින්, වැඩ කරන ආයතන තියෙන්නේ මෙච්චරයි කියලා? අපි දන්නේ නැති වුනාට තව සෑහෙන ප්‍රමාණයක් ඇති. ඉතිං ඒ වගේ ජාතික සම්පත් නැති නාස්ති කරන ආයතනක් ඒ මාර්ගයෙන් ඉවත් වෙච්චි එකට ඒකෙ වැඩකරන මට නැත්තම්, වෙන කාටද ආඩම්බර?

අන්තිමට ආයෙත් කියන්න ඕනේ… ඉස්සර නයිට් දාගෙන කරපු වැඩ කොටසම ඊට වැඩිය හොඳට ඇක්සලරේට් වෙලා එලටම යනවා මේ දවස් වල. හැබැයි… මේක කවදා වෙනකම්ද කියන්න බැහැ. මොකද හැම තැනම තියෙනවනේ වෘත්තීය සමිති කියලා දෙයක්. ඒකේ ඉන්න අලුගුත්තේරු‍වෝ ටික බකට් එකක් දාපු දාට අනිත් හැමෝගෙමත් සතුට නැති වෙලා යනවා. ඒවට ඉතිං කොරන්න දෙයක් නැහැ. මොකද කට්ටිය කියන්නේ වෘත්තීය සමිතිත් තියෙන්න ඕනෙ කියලා. තියෙන්න ඕනෙ තමා, ඒත් හැමදේටම බකට් දාන ඒවා නෙවේ… වැඩ කරන සහෝදරයන්ගේ අවශ්‍යතා වෙනුවෙන් පෙනී හිටින්න. එහෙම නැතුව එක එකාගේ පදේට නටලා අනිත් අයට ලැබෙන දේවලුත් නැති කරගන්න නෙමේ.

13 Responses to “ඇක්සලරේටඩ් ගේම…”

  1. නවම් Says:

    ඔන්න ඔහොම හැම ආයතනයම හිතනවනම් කාර්යක්ෂමව වැඩ කරගන්න විදියක්, සේවක සේව්‍ය දෙපාර්ශවයටම හොඳයි. වින් වින් සි‍ටුවේෂන් කියන්නෙ මේ වගේ දේවල් වලට තමයි. දෙපාර්ශවයම තම තමන්ගෙ ඉලක්ක වලට ඉක්මනටම ලඟාවෙන්න පුළුවන්.

  2. රත්ගමයා Says:

    අප්පට සිරි…මාවත් එහෙනම් විශ්වාස කොරා නේ..දන්න එකෙක් මාව විශ්වාස කොරන්නේ නෑ බොල…ඔන්න මම කියනෝ…ආයතනේ නම…ඔන්න…ඔන්න….හික්ස්…බය වෙලා නෙව..
    දැන් ඉතින් වැඩ කොරන්න තමා තියෙන්නේ…අර ආයතනේ බිලට අපිට කෝල් ගන්න….එව්ව සුම්මා දැන්…ඒකද කොහේද අද කෝල් එක ගත්තේ ෆෝන් එකෙන්….හික් හික්

  3. blog gadol Says:

    ගොඩක් වැදගත් ලිපියක් සහෝ! බැලින්නං මාලුත් රැකියා කරනවනේ 🙂

  4. කෙෂාන් විදුරංග Says:

    මාළුවගේ රැකියාව දැං නං කියන තරමින් හිතා ගත්ත.ප්‍රසන්න අයිය තත්වපාලන අංශෙ වගේ නේ???? ගොඩාක් වැදගත් ලිපියක් අයියේ

  5. ක්ෂිතිජ විජේමාන්න | විත්ති Says:

    ඔය ගොල්ලන්ගේ ආයතනය ඔහොමවත් කලින් වැඩකලා.රාජ්‍ය ආයතනයක් ගත්තොත් කොහොම තියෙයිද ?

  6. සාතන් Says:

    මාළුවො, උඹ ඔය කිව්ව වගේම තැනක තමයි මම ගිය මාසෙම වැඩ කලේ… යන සිස්ටම් එක දැක්කම එපා වෙනව… මොන කරන්නද අපිවත් දෙයක් කරගන්න ඕන නිසා මුළු මාසෙම නයිට් ෂිෆ්ට් එක ඉල්ල ගත්ත…. දවල් දවසෙ තව ජොබ් එකක් කලා…
    වැඩක් නෑ කියල අපේ වුන් වැඩක් කරන උන්ටවත් වැඩ කරන්න දෙන්නෙ නෑ… එකෙකුගෙ වැඩ ටික කරන්න 3 – 4 දෙනෙක් ඉන්නව… මාසයයි වැඩ කලේ අස්වීම දීල ගෙදර ආව….. ඉතින් බන් රට දියුණු වෙයිද?….


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: