යූ ආර් කැරට්…



 
මේක නම් ලියන්න හිතුනේ අපේ සාතන් උන්නැහේගේ රී…ඇඩ්මේ පෝස්ට් එක කියෙව්වට පස්සේ. ඇත්තම කියන්න ගෝල්ඩ් fish මේ වගේ සිදුවීම ගණනාවකට මුහුණ දීලා තියෙනවා. ගොඩක් ඒවා නොදැනුවත්කම නිසාම යාළුවෝ අතින් කියවෙච්චා. තවත් සමහර ඒවා ඒක එක් කෙනාට විහිළු කරන්න ගිහින් කිය වෙච්චා. බලන්නකෝ කතා ටික.
 
ඔන්න මට මතක තියෙන මුල්ම සිද්ධිය, මේක වුනේ ගෝල්ඩ් fish දහය වසරේ විතරදි. අපි යාළුවෝ කට්ටියත් එකක් ගියා ගෙවල් කිට්ටුව තියෙන ඉංග්‍රිසි පන්තියකට කඩ්ඩ ටිකක් හදාගන්න කියලා. ඔහොම ගිහින් ඉතිං මාස පහ හයක් යද්දී, පන්තියේ ටීචර් අපිට ටෙස්ට් එකක් තිබ්බා. ඒකට තිබුනේ යාළුවෝ දෙන්න දෙන්න සෙට් වෙලා ප්‍රශ්න අහගන්න. ගෝල්ඩ් fish ට සෙට් වුනේ සුපුන්ව. සුපුන් කියන්නේ පිස්සුම ලෝකයක්. ඌව මුළුපන්තියටම එපා වෙලා ති‍බුනේ. වෙන මුකුත් නිසා ඌ පන්තියේ කාට හරි මොකක් හරි වැරදුනොත් එහෙම නෝන්ඩි කරනවා ඇඩෙනකම්ම. ඇයි දෙයියනේ ඉංග්‍රිසි පන්තියෙදී වැරදීම් වෙන්නේ නැද්ද? හැබැයි මූ ඉස්සරහ වැරදීමක් වුනොත් නම් අපිට ආයේ වැරදීම වැරදිලාවත් වෙන්නේ නෑ. මොකද මේකා අපිට දාන නෝන්ඩිය නිසා. මේ ටෙස්ට් එකට කලිං දවසක පන්තියේදී, ප්‍රශ්න අහද්දී ගෝල්ඩ් fish ග් වෙන යාළුවෙකුට කියවුනා you are correct එකට you are carrot කියලා. ඒක හිතා මතා කියපු දෙයක් නෙවේ. ඒත් මේක හැම තිස්සෙම සුපුන් මිනිහාට කිය කියා නෝන්ඩි කර කර තමා හිටියේ. කොහොම හරි ටෙස්ට් එක දවසේ ගෝල්ඩ් fish සුපුන් ගෙන් අහපු ප්‍රශ්නෙකට සුපුන්ට කියවුනා you are carrot කියලා. මිනිහා එච්චර බ්‍රයිට නොවුනට මිනිහාට වැරදීම් වෙනවා අඩුයි මොකද මිනිහා ඉංග්‍රිසි පංතියෙත් ලියන ඒවා ඇරෙන්න කතා බහ ඔක්කොම සිංහලෙන් නිසා. ඉතිං මේ වෙච්ච සිද්ධියට අපේ මාළු ටිකටයි ටීචර්ටයි මල් හතයි. කොටින්ම කියන්න එදා අපි සුපුන්ව බයිට් කරපු බයිට් කිරිල්ලට ඌ එදායින් පස්සේ පන්ති ආවේ නැහැනේ. පස්සේ අපිටම දුක හිතුනට ඉතිං කරන්න දෙයක් නැහැ.
 
මෙන්න දෙවෙනි කතාව. කට්ටියට මතකද කාලෙකට කලිං ආවේ Hutch කියලා මොබයිල් නෙට්වර්ක් එකක්. මේක හරියටම ශබ්ද කරන්න පුළුවන් වුනේ ගෝල්ඩ් fish යාළුවෙක්ගේ නංගි කෙනෙක්ට තමා. Hutch කියන එක ඒ ළමයා කියලා තියෙන්නේ හුච් කියලා. බලාගෙන යද්දී වැරුද්දකුත් නෑ වගේ නේද?
 
අනිත් කතාව මේත් යාළුවෙක්ගේ මල්ලී කෙනෙක් කියපු දෙයක්. Pulsar බයික් තියෙනවානේ, ඒකෙ නම හරි විදයට නම් පුල්සර් කියලා තමා කියනවනේ ශබ්ද කරන්නේ . වැඩිය ඕනේ නෑ, මේ යෝධයාට ටී.වී එකේ යන ඇඩ් එක පෙන්නුවත් මූ විශ්වාස කරන්නේ නැහැනේ. දැන් නම් ඒක හරි වගේ.
 
අනිත් එක තමා හොඳම එක.
 
ඔන්න දවසක් දා ගෝල්ඩ් fish ගේ මැංගෝගේ මල්ලි එක්ක පුටාර් එකේ පොඩි ගමනක් යනවා. යාළුවගේ මල්ලියි මායි දෙන්නම එක පුටාර් එකේ. දැන් ඌ යද්දි පදිනවා, මම එද්දි පදිනවා කියලා කතාකරගෙන තමා ගියේ. දැන් ඉතිං ඔහොම යද්දී මූ එක පාරටම පාර අයිනේ තිබුන ගෙදරක අළුතෙන් හයිකොරපු බෝඩ් ලෑල්ලක් දැකලා, පුටාර් එක ස්ලෝ කරලා පස්සත් බැලුවා. කොහොම හරි මූ පස්ස බලපු ටිකට පුටාර් එක කානුවකටත් යන්න ගිහින් නූලෙන් බේරගත්තා. පස්සේ මූ බයිසිකලේ නවත්තලා අර අරුම පුදුම බෝඩ් ලෑල්ල දිහා බලං ඉන්නවා. මං ඇහුවා මොකෝ බං කියලා. පස්සේ මූ කියනවා, මේ මොකද්ද බං ඇන්ටි කිවුස් කියන්නේ කියලා. මාත් ආයේ ඇහුවා මොකක්? කියලා. පස්සේ මූ මට අත දික්කරලා බෝඩ් එක පෙන්නුවා… පව් අප්පා අහිංසකයා ඌ ඒක හරියටම කියවගෙන ඒකයි අවුල. මෙන්න මෙහෙමයි තිබුනේ Antiques. ඌ ඒක කියෙව්වා හරිද මන්දා. අපි නිකම්ම නිකම් ඇන්ටික්ස් කිව්වට, ඇන්ටි කිවුස් කියද්දිත් අමුතු ගෝ එකක් තියෙනවා වගේ.
 
ඇයි දෙයියනේ කැස්පර් ස්කයි. ඔය සමාගමේ අයිතිකාරයා දැනගත්තොත් එහෙම අපි ඕකට කියන නම, ඌ රුසියාවේ ඉඳන් තකහනියක්ම මෙහෙට ඇවිත් අපිට කනට ගහනවා. ඔය ලෝක ප්‍රසිද්ධ වෛරස් ගාඩ් එකේ නම කැස්පර්ස්කි. කැස්පර් ස්කයි නෙවේ ඕං. කැස්පර්ස්කි කියන්නේ ඒ වෛරස් ගාඩ් එක හදන ආයත‍නයේ ප්‍රධානිය‍ගේ නම. නැතුව කැස්පර් අහස නෙවේ හරිද.
 
අනිත් එක ඇඩෝබ්. ඇඩෝබ් කියන්නේ ඔය පොටෝ ෂොප් එහෙම හදන කොම්පැනියේ නම. ඒකත් හරි විදියට ශබ්ද කරන්නේ ඇඩෝබි කියලා. මේක නම් මං දැනගත්තේ පොටෝ ෂොප් ටියුටෝරියල් එකකින් බලලා.
 
තව තියෙනවා, ඇයි ෆියුල්… ඉන්දන ඉන්දන, දන්නවනේ. ෆුඅල් කියන්නේත් ඒවටමනේ.
 
ආහ්… තව චුට්ටං එකක් තියෙනවා. මේකත් ඉතිං මටම තමා. ඔය ඒන්ජල්ට ගෝල්ඩ් fish මැසේජ් යවන කාලේ දවසක් ගෝල්ඩ් fish අතින් මෙහෙම මැසේජ් එකක් ගිහින්. Good night my angle කියලා. පස්සේ රිප්ලයි එනවා අපේ අම්මා ගණන් නෙවේ උගන්නන්නේ ඉංග්‍රිසි කියලා. පේනවනේ සීන් එක. එල් අකුරයි ඊ අකුරයි මාරු වෙලා. මම යවලා තියෙන්නේ ඒන්ජල් කියලා නෙමේ ඈන්ගල් කියලා. මටත් වෙන වැඩ.

Advertisements

12 Responses to “යූ ආර් කැරට්…”

  1. අකීකරුහිත Says:

    මටත් හරියට ඔය ඉංග්‍රිසි වචන පැටලෙනවා.. හී හි….

  2. pinibindu Says:

    ඇයි කුරේ and කරේ. cure and care..

  3. අකිල Says:

    මටත් ඔය කැස්පර්ස්කි එකයි ඒන්ජල් සීන එකයි වැරදෙනව 😀

  4. හිස් අහස Says:

    කඩ්ඩ අපෝ මගේ කඩ්ඩනම් බිංදුවයි ? මේ පෝස්ට් එකට කමෙන්ට් කරන්නගියොත් මම වරිගෙ නහගන්නවා . ම

    යකෝ අපේ බොසාත් කියන්නේ “කැස්පස්කයි” හෙට ගිහිං කින්ඩියක් දාන්නන ඕන. ඒන්ජල් නම් මටත් අම්බානට වරදිනවා . අපි ඉතින් සුද්දෝ නෙවෙයිනේ.නැද්ද ?

    මේ දවස්වල රන්මාළුවා ෆන් එකේ වගේ !

    ජයවේවා !!

  5. වැම්පයර් Says:

    හෆොයි.. අපේ එකෙක් ටත් ඔහොම වැඩක් උනා නෙ. කඩ්ඩ පන්තියෙදි පාඩම කියවද්දි තිබුණා “හායි ජෝන්..!(Hi John…!)” කියල… මූ පැන්නගමන් කියපි “හී ජෝන්” කියල

  6. සමාදි Says:

    🙂 u r corrot!

  7. සාතන් Says:

    හහ් හා…. සෑහෙන දවසකින් බ්ලොග් අවකාශෙට ආවෙ…. අලුත් රස්සාවකට සෙට් උනානෙ…. කථා ඔක්කොමත් හරි මල්වරේ එකත් හරි…. ගොල්ඩ් ෆිෂ් විදල තියෙනව විදිල්ල ආයි ලොවෙත් නෑ… ලෝක සිතියමෙත් නෑ….

    • ගෝල්ඩ් fish Says:

      @ අකීකරුහිත – අපි ඉතිං කළු සිංහලයොනේ

      @ pinibindu – ගෑනු ළමයි දන්නෙම බියුටි කචල් ඒවා තමා නේද?

      @ අකිල – කො‍හොමහරි කරලා, කැස්පර් නම් ඕනෙ ඉලව්වක්, ඒනජල් එක හදාගන්න වෙයි.

      @ හිස් අහස – යකෝ බොසාට නෝන්ඩි දාන්න යන්න එපා, රස්සාවත් නැති කොරගන්නද බොල හදන්නේ?

      @ වැම්පයර් – ෂිකේ වස ලැජ්ජාව බං

      @ සමාදි – කොලපුතා ඔයාටත් දැන් කාඩ් එකක් ගහන්න වෙනවා. බලන්න ආයෙත් අකුරු හරිද කියලා?

      @ සාතන් – උඹ නිසා තමා මේ පෝස්ට් එක දාන්න හිතුවේ. තෑන්ක්ස් මචං.

  8. අහවලා Says:

    පරක්කුයි තමයි කමෙන්ට් කරන්න… ඒත් මේක කියන්න හිතුනා… මමයි නෝනයි දවසක් ගියා සබ්වේ එකකට… එතන හිටපු ඉන්දියන් ගෑනු කෙනා අපි දෙන්නට සබ්වේ දෙකක් හදන ගමන් සැලඩ් වලට “කුකුම්බර්” ඕනෙද ඇහුවා… අපි දෙන්න මූනට මූන බලාගත්තා… චුට්ටක් වෙලා යද්දි තේරුනා මේ ඇහුවෙ ක්‍යුකම්බ’ කියන එක කියල… 🙂

    • Gold fish Says:

      හික්ස්… අහවලා කියලා නැතුව ඇත්ත නමින් කමෙන්ට් කලානම් “කුකුම්බර්” කියලා කාඩ් එකක් ගහන්න තිබුනා ලස්සනට… 😀 මේකේ කමෙන්ට් වහන්නේ නැති නිසා කවදාවත් පරක්කු නෑ….

      • අහවලා Says:

        එහෙම අහවල් වැඩක් වෙයි කියල තමයි මේ විදිහට නම දාගෙන ඉන්නෙ… 😀

      • Gold fish Says:

        හැබැයි ඉතිං අහවලාව හොයා ගන්න බැරි කමකුත් නෑලු හොඳේ… මූනනං දැක්කා… 😀


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: