මහා බෝම්බ රාජයා… (දුම්)


ඕං කිව්වා කට්ටියටම, මේක කියවලා එහෙම ගෝල්ඩ් fish ත්‍රස්තවාදියෙක් කිව්වොත් එහෙම……. මොනාකරන්නද ඉතිං, අහං ඉන්න තමා වෙන්නේ. නැත්තං යාළු මාළු කට්ටියම ගෝල්ඩ් fishව බලන්න හතරවෙනි තට්ටුවට එන එකයි තියෙන්නේ, බත් මුලකුත් බැඳගෙන, මාව පොලෝසියන් කුදලගෙන ගියොත් එහෙම.

හරි හරි මෙන්න කතාව.
ඔය හැමෝටම වගේ ගෝල්ඩ් fishටත් O/L වලින් පස්සේ ගන්ධබ්බ යුගයක් ආවනේ. ඒ කාලේ ඉතිං කෙරෙන වැඩයි, නොකෙරෙන වැඩයි ඔක්කොම කරන්න යනවා. ඒ ගැන යාළුවන්ට අමුතුවෙන් කියන්න ඕනේ නැහැනේ. වැඩි හරියක් ඉතිං නොකෙරෙන ඒවා තමා. හික්ස්… 🙂

ඒත් මේක නම් කෙරිච්ච වැඩක්. ඇත්තටම පොඩි අත්හදා බැලීමක්. ගෝල්ඩ් fish O/L කරලා පන්ති හොය හොය ඉද්දී තමා මේ සීන් එක කලේ. අපිත් ගියානේ ඉතිං සාමාන්‍ය පෙළට විජ්ජාව පන්ති. හරි ෂෝක් ඒ කාලේ. අපි පන්ති ගියේ තරමක් වයසක සර් කෙනෙක් ගාවට. සර් මං හිතන්නේ විශ්‍රාම ගිහිල්ලත් අවුරුදු 10කට වැඩි ඇති. ඒත් අළුත් නිර්දේශයට අනුව අපිට ඔක්කොම පාඩම් ටික ලස්සනට කලා. ඊට අමතරව අපිත් ඔය එක එක වැඩකට නැති රෙද්දවල් ගැන අහගත්තා. ඒ කියන්නේ කුණුහරුප නෙවේ. විෂයට අදාල ඒත් ගොඩක් advance දේවල්. ඒ කියන්නේ දැන් හිතන්නකෝ… ගෙන්දගම් තියෙනවනේ, අර සල්ෆර් කියන්නේ. ලා කහපාට කැට තියෙන්නේ ඒවා. දැන් සර් අපිට ගෙන්දගම් ගැන කියාදෙද්දී අපි අහනවා සර් ගෙන් “සර් ගෙන්දගම් වලින් මොනාද කරන්න පුළුවන්” කියලා. පස්සේ ඉතිං සර් කියනවා. වෙඩි බේත් වල ප්‍රධාන සංඝටකයක්. තව කෘමි නාශක වලට ගන්නවා. අරකයි මේකයි ඔක්කොම කියනවා. පස්සේ නිකං ඉන්න බැරි කමට ගෝල්ඩ් fish ත් ඇහුවා, සර් වෙඩි බේත් හදන්නේ කොහොමද කියලා.

ඔන්න ඉතිං සර්ත් කියනවා, ගෙන්දගම්, කාබන්, පොටෑසියම් නයිට්‍රේට් වගේ දේවල් වලින් තමා වෙඩි බේත් හදන්නේ කියලා. අපි ඒ දවස් වල ඕවා ඇහුවට කරන්න නම් හිතං හිටියේ නෑ. ඊටත් ඔය කියන ඒවා කොහෙන් හොයන්නද? අඳුරන ත්‍රස්තවාදියෙක්වත් හිටියනම් ඉතිං හොයාගන්න තිබ්බා. එහෙමත් නැහැනේ. පස්සේ ඉතිං ඔය අහගන්න ඒවා නිකංම මතකෙට විතරක් සීමා වුනා. ඊට පස්සේ සාපෙ ඉවර වුනාම තමා ඒ අහගත්ත ඒවයේ අගේ තේරුනේ.

ඒ කියන්නේ ගෝල්ඩ් fish ඈතුළු පිරිස චීන්නු වගේම වෙඩි බේත් හැදුවනේ. මෙන්න මෙහෙමයි ඒ. ගෝල්ඩ් fish තමා කණ්ඩායම් නායකයා වුනේ. දැන් මුලින්ම අපිට ඕනේ වුනා මේ එක එක ජාතියෙන් වෙන්නේ මොනාද කියලා හොයාගන්න. පස්සේ කොහොම හරි පොත් කියවලා කියවලා, බැරිම තැන අපි ආයෙමත් exam ඉවර වෙලා සර්ව බලන්න යන්න වගේ ගිහින් කයියක් එහෙම දාගෙන ඉඳලා කාබන්, සල්ෆර්, එතකොට පොටෑසියම් නයිට්‍රේට් හෙවත් වෙඩි ලුනු වලින් කෙරෙන් සීන් ටික අහලා දැන ගත්තා. දැන් තියෙන්නේ බෝම්බයක් හදලා, ගේමක් දෙන එක තමා.

මෙන්න මිෂන් එක…..
මුලින්ම ගෙන්දගම් හොයා ගත්තා, ඒවා හාඩ්වෙයාර් වල තියෙනවා. ඒ දවස් වල නම් ග්රෑම් 100ක් වුනේ රුපියල් 20ක් විතර. පස්සේ කාබන්. කාබන් කිව්වේ පෑන් වල තියෙන කාබන් නෙමේ. අඟුරු. පොල්කටු හරි , දෙල්කටු හරි මොනා හරි අඟුරු. ඒකත් ඉතිං අමාරු වුනේ නෑ. පස්සේ වෙඩිලුනු තමා සීන් එක. වෙඩිලුනු වලින් කරන්නේ දහනයට අවශ්‍ය ඔක්සිජන් සපයන එක. ඒ කියන්නේ කාබන් මගින් දහනයට අවශ්‍ය තාපය දෙන අතර, සල්ෆර් මගින් දහනය ඇතිකරනවා, මේවා තවත් බලවත් වෙන්නේ තාපය මගින් ඔක්සිජන් පිටකරන වෙඩිලුනු වලින් තමයි. ඒ අපිට සර් කියල දුන්න විදිය . කොහොම හරි වෙඩි ලුනු අපිට හොයාගන්න බැරිවුනා. ඒත් ඉතිං ගෝල්ඩ් fishගේ චූටි මොලේට මීටර් වුනා, දහනයෙන් ඔක්සිජන් නිකුත් කරන තව දෙයක් තියෙන බව. කව්ද දන්​නේ ඒ මොනාද කියලා…? කට්ටිය අහල තියෙනවද කොන්ඩිස් කියලා දම් පාට තුවාල වුනාම දාන කැට වර්ගයක් ගැන? කොන්ඩිස් වලින් කෙරෙන්නෙත් දහනයෙන් ඔක්සිජන් පිට කරන එක තමා.

පස්සේ කොනිඩිස් පැකට් දෙක තුනක් ලඟ ෆාමසියකින් ගත්තා. ඊට පස්සේ සල්ෆර් මේස හැන්දයි, කාබන් මේස හැන්දයි, කොන්ඩිස් ටිකකුයි දාලා මහානුභාව සම්පන්න වෙඩි බේත් රාජයා හැදුවා කියමුකෝ. හැබැයි අපේ වුන්ගේ නිර්භීත කම කියන්නේ, රතිඤ්ඤා තුන්හුලස් අලිඩොං පත්තු කරන එකෙකුටවත් මේකට ගිනදර තියන්න බයයි. ඇයි දෙයියනේ වෙඩි බේත්නේ. අර අනිත් පුපුරන ඒවායේ තියෙන්නේ එතකොට පනුබේත් වෙන්න ඇති… 😀 කොහොම හරි, අපේ වුන්ගේ නිර්භීත කම නිසාම වෙඩි බේත් පත්තු කොරන්නත් උපායක් යොදන්න වුනා. ඒ කිව්වේ ඇත්තටම දුර ඉඳන් පත්තු කරන්න. ඇයි මේ අපි හැදුවේ c4 නේ, ඒකයි හොදේ. පස්සේ කොහොම හරි කරලා ඒකටත් සැලස්මක් යෙදුවා.

ඒ තමා, පිච්චුන 5W බල්බ් එකක උඩ කෑල්ල ගලෝලා, ඒක ඇතුලට වෙඩි බේත් දාලා, තඹ කම්බියකින් නිකං සූත්‍රිකාව වගේ එකක් හදලා, ඒකට අධිබල විදුලි ධාරාවක් ලබා දීම. අර තඹකම්බි කෑල්ල වැහෙන කන් බල්බ් එකට වෙඩි බේත් රාජයා පුරවලා එහෙම වයර් කෑලි දෙකකුත් ගැට ගහලා, සීන් එක පටන් ගත්තා. හුටා.. දැන් කොහෙන්ද කරන්ට් එක ගන්නේ? ගෙදර ලයින් එකෙන් පිස්සු කෙලින්න ගිහින් කොහෙන් ගිනි ගනීද දන්නේ නැති නිසා. විකල්පයක් හොයන්න වුනා. ඊටත් මේක කලේ ගෝල්ඩ් fishගේ ගෙදර නෙමේ වෙන යාළු මාළුවෙක්ගේ ගෙදරක. පස්සේ එයාලගේ ගෙදර කාර් බැටරියක් තිබුනා, එකෙන් එන කරන්ට් එකෙන් වැඩේ කරන් පුළුවන්ද කියලා මුළින්ම අපි චෙක් කොරලා බැළුවා අර තඹ කම්බි කෑල්ලක්ම තියලා . දැන් වැඩේ හරි. පස්සේ බෝම්බේ රිමෝට් එක, ඒ කියන්නේ ඩෙටනේටරේ අපි ගාව තියාගෙන බෝම්බේ අපිට වඩා අඩි 10 ක් විතර ඈතට ගෙනිහින්, පොළව යටත් අඟල් 6ක් විතර වැලලුවා. ඒ බයට නෙමේ… වැඩි ආරක්ෂාවට. පස්සේ ඔන්න සුභ මොහොත එනවා ටික ටික. මෙන්න බොලේ ගෝල්ඩ් fishව ඉස්සරිහින් තියලා කට්ටිය කෙහෙල් පඳුරු වලට, කොන්ක්‍රීට් කෑලි වලට එහෙම මුවා වෙනවා. මුන් සේරම ඒ දවස් වල, ගෙදරින් යන්න දෙනවා නම් යුද්ධෙට වුනත් යන්න ලෑස්ති පිට හිටිය මිනිස්සු. ඒ වුනාට මේ පුංචි බෝම්බෙට භය වෙලා. මේ කාටවත් කියන්න එපා… මාත් එහෙම තමා. පස්සේ තව වයර් කෑල්ලක් හොයාගෙන තවත් අඩි 10ක් විතර පස්සට ගිහින් ඔන්න බෝම්බෙට කරන්ට් එක දුන්නා.

මොනා වෙන්න ඇත්ද? එක මොහොතක් දෙන්නම් හිතන්න. ……………… …………. හරි හරි මොහොත ඉවරයි. මෙන්න එක පාරටම ඩෝං ගාල සද්දයක් එක්ක ලස්සන කහපාට දුමක් දාන්න ගත්තා. අම්මටසිරි වැඩේ හරි කියලා අපි ​කට්ටියම ලඟට දිව්වා විනාසයේ තරම බලාගන්න. මොන යන්න තියා අඩි 5ක් වත් ලං වෙන්න වුනේ නෑ, මෙන්න හුස්ම හිරවෙලා කැහැ කැහැ කට්ටිය ආපහු එනව. 🙂 මොකද දන්නවද සීන් එක? අපි අපේ මාහාර්ග බේතට දාපු සල්ෆර් වැඩි වෙලා. ඒ ලඟ පාතක වත් ඉන්න බෑ. සල්ෆර් දුම වැදුන ගමන් හුස්ම හිරවෙනවා. දැන් මොන කරන්නද, තව පැය කාලක් විතර කැහැල කැහැල අපි ගියා අපේ බෝම්බ රාජ​යාගේ විස්තර බලන්න. වැඩේ අවුලක් නෑ. හැබැයි පුපුරලා තියෙන්නේ තිරස් අතට. ඒ කියන්නේ උඩ ඉඳන් යටට. වටේට පිපිරිලා නෑ. අපි බෝම්බේ වැලලුවේ අඩි භාගයක් විතර පොලව යටින්නේ. ඒත් අපි ගිහින් බලද්දී තවත් අඩි භාගයක් විතර යටට ගිහින්. හී හී… බල්බ් එකේ වීදුරුවත් උණුවෙලා. අර යකඩ හෝල්ඩර් කෑල්ල විතරක් ඉතුරු වෙලා තිබුනා. පස්සේ අපි ඒ මෙහෙයුම අතෑරලා දැම්මා. මොකද ඒ ​​බෝම්බේ පුපුරන්නේ තිරසට නිසා හා අදික දුම නිසා. ඇත්තටම මැරෙන්න තරමට ඒ දුම සැරයි අප්පා. පස්සේ අපි අපේ ඒ වෙඩි බෙහෙත් formula එක පිට රටකට වික්කා. බෝම්බයක් විදියට යොදාගන්න නෙමේ, දුම් බෝම්බයක් විදියට යොදාගන්න. 😀 අපි කොහොම හරි මෙච්චර කල් චීන්නුන්ටත් හොයා ගන්න බැරි වෙලා තිබුන මාරාන්තික දුම් බෝම්බ හදන විදිය හොයාගත්තා එහෙනම්. අපි හොඳයි නේද?

Advertisements

9 Responses to “මහා බෝම්බ රාජයා… (දුම්)”

  1. Praසන්ன Says:

    නියමයි. බෝම්බෙ දුමෙන් මැරෙන නිසා බොඩිය සීල් කරල එවන්න ඕනත් නැහැනේ.

  2. V Says:

    ah kondis ela ela.

  3. ඉලංදාරියා Says:

    මෙන්න බොම්බ කරයෙක්..හේ ..එල එල … දෑන් කස්ටිය මෙක බලගෙන හදලා බලයිද අප්පා ගෙන්දගම් නම් ගදයි තමා අප්පා…. ඉවසන්න බෑරි ගදක් තියෙන්නේ..

  4. Gaminda Says:

    වාව්. හොඳයි කියන්නෙ සුපිරියටම හොඳයි. එලේ එල. අපිටත් කියා දෙන්නකො මුල සිට ඔය බෝම්බෙ හදන විදිහ. ඔයාල දාපු ඔය ප්‍රමානයන් එහෙම. පුලුවන්නම් ලොකු දෙයක්.

  5. ෴ හසියා ෴ Says:

    අපි බය වෙයි දුම් බෝම්බ වලට……

    ෂ්ෂ්ෂ්ෂ්ෂ්…….. දුවපල්ලා ඔන්න බෝමබයක්…නෑ නෑ දුම් බෝම්බයක්…..

  6. අකීකරු හිත Says:

    අපෝ බෝම්බ හදලා හිරේ ගියොත් ඔන්න අපිනම් එන්නෙ නෑ බලන්න

  7. හිඟන්නා Says:

    එල එල අයියේ … කිප් ඉට් අප් …. හික්ස් ….

  8. හිස් අහස Says:

    ඒක තමයි මම බැලුවේ සද්දේ කොහෙන්ද ආවේ කියලා !
    මෙහාට ඇහුනනේ සද්දේ !

    ජයවේවා !!


ලිපිය ගැන අදහස්...

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: