හ​ෆෝයි මට ​වෙන දේවල් (සිංහල පැටලිලා)

මේක නම් gold fish ට ඉතාම මෑතක ඒ කියන්නේ ඊයේ පෙරේදා, එහෙමත් නැත්නම් blog ටැංකිය පටන් ගත්තට පස්සේ වෙච්ච සම්පූර්ණ සත්‍ය සිද්ධියක්. (අනිත් ඒවත් ඇත්තම තමා, පොඩ්ඩ පොඩ්ඩ වෙනස් කම් කලා, ඇයි ඉතින් යාළුවන්ගේ privacy ආරක්ෂා කොරන්න එපෑයි)

මුලින්ම මේ වගේ දෙයක් කාටවත් වෙන්න එපා කියලත් ප්‍රාර්ථනා කරනවා. දැන් කට්ටිය හිතනවා ඇති gold fish ට මාලු කෑල්ලක් boot එකක් වත් තියලද දන්නේ නෑ කියලා. අනේ ඉතින් gold fish ට ඒවෑයින් නම් අඩුවක් නෑ. 😦

ඇති ඇති දැන් කතාව. යාළු මාලුවන්ට මතක ඇති නේ gold fish ගේ blog ටැංකිය පටන් අරන් ටික කාලයයි කියලා. ඉතිං මේ යාළු මාලුවන්ගේ කතා, ඳඟවැඩ වගේ කතා ඔක්කොම post කරලා තියෙන්නේ unicode පාවිච්චි කරල තමා. Unicode නම් gold fish ට අමුතු දෙයක් නෙවේ, ස්කෝලේ යන කාලේ ඉදලම පාවිච්චි කරනවනේ ඉතින්. ඒත් එක්කම මේවා type කරන්න ඕනෙනේ blog ටැංකියට දාන්න කලින්. Gold fish පුරුදු වෙලා තිබුනේ සිංහල විජේසේකර key layout එකට. ඒත් ඉතිං මේ විදියට type කරන්න ලේසි විදියක් හොයද්දී හම්බුනේ වෙන ක්‍රමයක්. ඒකට කියන නමක් නම් gold fish දන්නේ නැහැ. ඒකෙන් type කරන්නේ මේ විදියට. (මේ විදියට කියද්දී එහෙ මෙහෙ බලන්න ඕනේ නෑ, ඔය පල්ලෙහා තියෙන්නේ)

අපිට “අම්මා” කියලා type කරන්න ඕනෙ වුනා කියමුකෝ… විජේසේකර layout එකේදී මෙහෙමයි ඒක කරන්නේ “wuaud”. මේ තියෙන්නේ ඉංග්‍රීසි අකුරු type වෙන විදිය. දැන් බලන්න අර නමක් නොදන්න ක්‍රමයට අම්මා කියන විදිය. “ammaa” . බැලු බැල්මට වැඩේ ලේසියි වගේ නේද? ඔව් ඔව් ලේසියි තමා. ඇයි ඉතින් ශබ්ද කරන විදියටමනේ type කරන්න තියෙන්නෙත්. එහෙමම හිතලා තමා  gold fish ඒ ක්‍රමයට අනුගත වුනේ. කොහොම හරි ඉතින් මේ blog ලිවිල්ල අතරේ gold fish නිසදැසුත් ලියනවා. දෙක තුනක් blog ටැංකියෙත් දාලා තියෙනවා. ඒ නිසදැස් ලිවිල්ල කරන්නේ නම් unicode වලින් නෙමේ, නිකං normal font වලින්. ඒ ඔක්කොම තියෙන්නේ විජේසේකර ක්‍රමයට. දැන් තමා සිරා කතාව. ඔය විදියට blog ටැංකිය ලස්සන කර කර ඉන්න ගමන් gold fish ට නිසදැසක් ලිවීමේ ආසාවක් පහල වුනා. පරන පුරුද්දනේ ඉතිං. ටැංකි මාරු වුනාට මාලුන්ගේ වරල් මාරු වෙන්නේ නැහැනේ. 🙂 .

ඔන්න දැන් gold fish හිතලා හිතලා අදහස් ටික ඔලුවේ ගොඩ ගහගෙන වැඩේට අත ගැහුවා. මුල්ම පේලිය තමා, “ය්ා් චමා්ිමබ් ්ඉසහ්ි් චමා්ාැබ්” ආ මේ මොකෝ කට්ටිය හොල්මන් වෙලා? කියවන්න බෑ? බෑ තමා. ඔය දේම තමා මේ අසරණ gold fish ටත් වුනේ. නිසදැසේ ලියන්න ඕනේ දේ ලිව්වට ලියවිලා තියෙන්නේ වෙන මොනාද වගයක්.

හේතුව දන්නවද? මතකයි නේද කලින් කිව්වා නමක් නොදන්න අක්ෂර ක්‍රමයක් ගැන. ඒ විදියට ලේසිය තකා gold fish ඒකට අනුගත උනානේ. මේ ඒකේ ප්‍රතිපල තමා. සාමන්‍යයෙන් gold fish නිසදැසක් ලියන්න ගත්තම ඒකේ පේලි 4ක් වත් ලියලා තමා ආයේ ඔලුව උස්සලා බලන්නේ, ඒකේ හරි වැරදි මොනාද කියලා. මෙතෙන තියෙන්නේ එක පේලිය වුනාට ඇත්තටම ලිව්ව වෙලේ ඒක එහෙමම වුනා. ඒ කිව්වේ පේලි හතරම type කලා. ඊට පස්සේ ඔලුව උස්සලා බලද්දී තියෙන්නේ කුණුහරුප වගයක්. දැන් ඉතිං gold fish ට බඩ සුද්ද වෙන්න බේත් දීලා වගේ. මල අතේ. දහඅතේ කල්පනා කරනවා මේ මොකද දෙයියනේ කවදාවත් නැතුව මේ වුනේ කියලා. ටිකක් වෙලා කල්පනා කරද්දී තමා කල්පනා වුනේ case එක මොකද්ද කියලා.

ඇත්තටම gold fish ටත් නොදැනිම මතකය වෙනස් වෙලා. ඈත්තටම මටම හරි පුදුමයි, කොහෙමද මෙහෙම වුනේ කියලා. සිංහල වචන type කරද්දී අත් දෙක වැඩ කරන්නේ විජේසේකරගේ විදියට නෙමේ අර නමක් නැති එකේ විදියට. කවදාවත් මට මෙහෙම දෙයක් වෙලා නෑ. ඊටත් අවුරුදු ගානක් හොඳටම දන්න විජේසේකර ක්‍රමය දවස් දෙක තුනකින් අමතක වුනා කියන්නේ… පිස්සු හැදිලා ආයෙත් හැදෙනවානේ. ඇත්තම කියන්න gold fish පැය දෙකක් විතර shoke වෙලා හිටියා වැඩක් කරන්න බැරුව.

Gold fish ඊට පස්සේ ආයෙමත් නමක් නැති ක්‍රමය විසිකරලා දාලා පරන විදියට හැඩ ගැහෙන්න උත්සාහ කලා. 80% ක් විතර සාර්ථක වුනා. ඒ එක්කම unicode වලින් විජේසේකර විදියට type කරන්න පුළුවන් firefox app එකකුත් හොයාගන්න පුළුවන් වුනා. ඒ app එකෙත් ක්‍රම දෙකම තියෙනවා. ඒකෙනම් අර අමුතු ක්‍රමයට නමකුත් තිබ්බා. ඒ තමා “සිංglish”. ඒ app එ​කේ down link එක gold fish පහලින් දාලා ඈති ඕනේ අය ඉන්නවා නම් අරගන්න.

ඇත්තටම මේ blog එක ලියද්දීත් විටෙන් විට ඔක්කොම ඇඟිලි දුවන විදිය අබ්ලික් වෙනවා. මේ වෙනකන් මට හිතාගන්න බෑ කොහොමද මේ තරම් ඉක්මනට අවුරුදු ගානක් පුරුදු වුන දේ අමතක වුනේ කියලා.
වෙන්න ඕනේ හැම මගුලම වෙන්නේ gold fish ට විතරද මන්දා…?

අර උඩින් තියෙන කුණුහරුප වාක්‍යයේ තියෙන්නේ “හද පුදසුන අබියස පුදදෙන” කියලයි.

ආ මෙන්න link එක http”//qsfox.mozdev.org. නැත්තම් firefox addons වලට ගිහින් sinhala කියලා type කරත් හොයාගන්න පුළුවන් වෙයි.

4 Responses to “හ​ෆෝයි මට ​වෙන දේවල් (සිංහල පැටලිලා)”

  1. රනා Says:

    Gold fish ලිනක්ස් පාවිච්චි කරන කෙනෙක් නෙමෙයිනම්,
    ඔය ටයිප් කරන විදිය ටිකක් අලුත් තමා. ලිනක්ස් වලදී දෙනවා ibus කියලා software කෑල්ලක්. ඒකේ උඩින්ම තියෙන “සි Translation” කියන විදිය එනේබල් කරගත්තම අර කළින් විදියට (අම්මා කියන විදිය. “ammaa” ) විදියට ටයිප් වෙන්නේ. ඔය විදියට ටයිප් කරන 1 පට්ටම ලේසියි. ඇත්තටම මම දැන් සිංහල ටයිප් කරද්දී ඉබේටම ටයිප් වෙන්නේ ඔය විදියට. වෙන 1ක් තියා SMS කොටද්දිත් අම්මා කියන 1 “ammaa” විදියටමයි කෙටෙන්නේ. amma කියලනේ හරිනම් කොටන්නේ. ඕකයි විස්තරේ. මටනම් විජේසේකරට වඩා මේ විදිය අල්ලලා යනවා. විජේසේකර 1න් වචන 10ක් ටයිප් කරන කොට මේ විදියට වචන 25ක් විතර කොටන්න ඇහැකි. හැබැයි පොඩි අවුලක් තියෙනවා. මේ විදියට ටයිප් කරද්දි අපේ හෝඩියේ එන “ශ ධ ඳ ඟ ථ ඛ ං ” වගේ අකුරු ටයිප් කරන්න බෑ. එතකොට ඉතින් විජේසේකර පිහිට තමා.

    Gold fish ජනෙල් පාවිච්චි කරන කෙනෙක්නම්, අර අනිත් විදියට ටයිප් කරපු software කෑල්ලේ නම හා ගන්න ඇහැකි විදියක් කිව්වොත් ලොකූ උදව්වක්.

    ජය වේවා…

    • ගෝල්ඩ් fish Says:

      ක්‍රම දෙකම මම මුලින් කියපු එකේ තියෙනවා, නැත්තම් individual app එකක් විදියට ගන්නත් පුළුවන්. මෙන්න මචෝ ලින්ක් එක

      https://addons.mozilla.org/en-US/firefox/addon/87445

      මේකෙන් පුළුවන් “ශ ධ ඳ ඟ ථ ඛ ං ” වගේ අකුරු ටයිප් කරන්න. කිසි අවුලක් නැතිව හොඳටම වැඩ. ඒකෙම තියෙනවා පොඩි “Some tips” කියලා එකකුත්, ඒකෙන් ඔක්කොම ටික බලාගත්තෑකි. හැබැයි මේක වැඩ කරන්නේ Firefox browser environment එකේ විතරයි. සාමාන්‍ය විදියට ජනෙල් වල, notepad, word වගේ ඒවා එක්ක වැඩ කරන්නේ නැහැ.

      ගෝල්ඩ් fish ට නම් දිරවන්නේ විජේසේකරවම තමා. මොකද ඉතිං ඔය “ව “යන්න “වි “යන්න වගේ අකුරු ඈමුනුම කොරන්න පුළුවන් software එකක් හොයා ගන්න බැරිවුනා සිංglish ක්‍රමයට ජනෙල් වල වැඩ කරන.

      sms යවන විදියනම් එල. මාත් ටිකක් පුරුදු වෙන්න ඕනා. එතකොට පැටලිලි අඩුවෙයි. thnx මචෝ ඒ අදහසට.

  2. putha Says:

    සිංග්ලිස් කොන්වර්ටරෙට පුරුදු වුනාට පස්සේ ඇඟිලිවලට දැන් විජේසේකර මලලසෙකර ඔක්කම අමතක වෙලා තියෙන්නේ මචං… දුකේ බෑ… කොච්චර මතක් කරත් එන්නෙම නෑ… ඉතින් ඕපු කියලා සින්ග්‍රීසියෙන්ම කොටනවා…


ගෝල්ඩ් fish වෙත ප්‍රතිචාරයක් සටහන් කරන්න ප්‍රතිචාරය අවලංගු කරන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: